مصري بعمان وصوت بالموتور

[watareyou]

السلام عليكم جميعا بالمنتدي الرائع والاكثرمن رائع
مشكلتي ان السيارة بتاعتي نيسان صني 1990 فجأة سمعت صوت ليها غريب بيظهر لما تكون لفات الموتور علي 2 وتختفي لما تزيد او تنقص وروحت لكذا ميكانيكي ومعرفوش السبب والكل قال الصوت من داخل الموتور.للاسف كل المكانيكية هنا هنود ميعرفوش غير كلمة بدل.
لو حد يعرف فيكم سبب الصوت يقول لي ليطمئن قلبي
وشكرا لكل من ساهم ولو بكلمة في هذا المنتدي الذي استفدت منه كثيرا وجزاكم الله خير

[m_love4me]

اهلا بحضرتك معانا

وان شاء الله الاخوه الافاضل ذوي الخبرات مش هيتأخرو على حضرتك ف حاجه

انا مااعرفش بصراحه
بس حبيت ارحب بحضرتك

[Youssef.Awad]

مممممممممممممممممممم
هو اكيد الموتور عاوز عمرة يافندم وعمود الكرنك يتخرط
ياترى حضرتك اول يد ولا شاريها مستعملة ؟

[FBIAhmed]

سجله فيديو و سمعهولنا

[WalidAdel]

سجله فيديو و سمعهولنا

معلش و شوية حاجات كمان وانت بتضور ياريت يكون الفيديو صوته واضح و مايكونش فيه دوشه حواليك علشان نقدر نسمع الصوت و نحاول نساعدك

[FBIAhmed]

جنزير الكاتينه بيتغير كل 200000 شيك عليه لو الصوت جاي من عند السيور

[Ahmed.TV]

العربية عاملة كام الف كيلو

وياريت تسجله فيديو زى ما الاعضاء قالولك

عشان نقدر نساعدك

[watareyou]

جنزير الكاتينه بيتغير كل 200000 شيك عليه لو الصوت جاي من عند السيور

شكرا اخوتي علي كل اللي اهتم بالموضوع ورد عليه .... هو فعلا الصوت جاي من جهه السيور من داخل الموتور لان غيرت كل السيور ومع ذلك الصوت موجود مش بيظهر الا بعد ما امشي شوية وازود بنزين.
ان شاء الله اروح عند ميكانيكي ويارب اجد (ميكانيكي هندي) بيفهم ويعرف يصلحه.

بس سؤالى ..لو كان فعلا جنزير الكاتينة هل هذا فيه خطورة لو اتاخرت شوية علي تغيييره.
وشكرا للجميع ...وعذرا علي تاخري في الرد بسبب ضعف النت هنا
وكل عام وانتم بالف خير

[FBIAhmed]

شكرا اخوتي علي كل اللي اهتم بالموضوع ورد عليه .... هو فعلا الصوت جاي من جهه السيور من داخل الموتور لان غيرت كل السيور ومع ذلك الصوت موجود مش بيظهر الا بعد ما امشي شوية وازود بنزين.
ان شاء الله اروح عند ميكانيكي ويارب اجد (ميكانيكي هندي) بيفهم ويعرف يصلحه.

بس سؤالى ..لو كان فعلا جنزير الكاتينة هل هذا فيه خطورة لو اتاخرت شوية علي تغيييره.
وشكرا للجميع ...وعذرا علي تاخري في الرد بسبب ضعف النت هنا
وكل عام وانتم بالف خير

التسارع هيقل و سحب البنزين هيزيد و ممكن تسخن سنه خفيفه و لا قدر الله ممكن الجنزير يفلت و يكسر الصبابات نصيحه غيره الموضوع هايف و هيحل كل مشاكلك
بص اسمه بالنجليزي Timing Chain لو الهندي مش فاهم

كمان اعمل ضبط خلوص الصبابات بعد تغييره Valve Clearances adjustment