ال Rpm والسنتر والتيل

[essa]

السلام عليكم جميعا

اولا بهنيكم بمناسبه العيد ويارب تكون ايامه عدت عليكم بالخير

ثانيا انا عملت حادثه واحد خبطنى فى ضهر العربيه من الشمال وخد الفانوس و جزء من الرفرف والاكصدام انا عملتها والحمد لله وكلفتنى 280 جنيه وش فانوس واستعدال الرفرف والاكصدام بس هى مش عجبانى وكمان مستحرم اغير وارش والكلام ده ما علينا


انا فى كام حاجه كده كنت عايز اسأل فيها مع العلم اني عامل 9500 كم وهى :-


1 / ال Rpm عندي ساعات بيعمل حاجه غريبه جدا ابص مره واحده الاقيه وانا واقف ومدي ال D بيبقى على 2 ويفضل يطلع وينزل لوحده ما بين ال 2 و ال 1.5 ويبقى صوت الماتور عالى ولما ادى ال N الاقيه طلع على ال 2.5 !!!!! ده لييييييييييييييه ( هاام جداا ) ابطل وادور تانى الاقيه اتظبط وبقى على 0.5 فى الوضع N وفى ال D يبقى 1 على ما اتذكر بس بيبقى صوت الماتور طبيعي بس بعد فتره بيجرع تانى ! ( ارجو الرد بس ياريت من اصحاب الخبرة ) .


2 / السنتر عندي ساعات بيعلق ومش بيتشغل الزجاج الخلفى ورا يمين ( ولا بيطلع ولا بينزل ) .


3 / صوت التيل بيصفر وبسمعه لما ابقى ماشى فى منطقه هاديه ! المفروض اني اغير تيل فى الصيانه الجايه ؟ وبكام ؟ , العربيه عندي وانا بدوس فرامل بتشب ولو فى شويه رمله ساعات بتزحف ! بس مش جامد .


4 / فى الملفات يا جماعه بحس ان العربيه هتتقلب والله لدرجه اني سمعت نصيحه واحد من هنا بس مش فاكر مين قالى جمد قلبك بس وهى هتبقى ثابته معاك ! ولما حصلت الحادثه دي علشان بفادي مفترق طريق بسبب انى كنت داخل الحاره البطيئه وجه واحد رمى عليا جامد وفاديته وجيت اكمل لقيت واحد وراه جاى عكس وداخل فيا وش وبفاديه وبفادى الرصيف وبطلع من البطىء للسريع لقيت العربيه مشيت بجنبها والله وعقبال ما اتعدلت على الطريق كان جه واحد دخل فيا من وراا


ياريت يا جماعه تفيدونى علشان انا بجد تعبت ...

------------
تم تغير العنوان ليتناسب مع المحتوى
مشرف القسم
1ب

[Youssef.Awad]

الف سلامة يا باشا عليك وع العربية
اولا: بخصوص مشاكل الrpm ده احتمال يكون عيب فى ضفيرة الكهرباء ومحتاجة تتغير فى الضمان
ثانيا: مشاكل الزجاج والسنتر وغيرها من الاعطال ياريت حضرتك تجمعها وتبلغها فى صيانة ال10 الاف كم لمهندس الاستقبال وهو بيستلم منك العربية
ثالثا: !!!!!!!!!!!!!!!!!!!!!!!!!!!!!!!!!!!!!!! تيل فرامل ايه اللى يتغير على 10 الاف كم
انا معايا 2010 مانيوال وصلت ل55000 كم ولسه بتيل المصنع الفابريقة
والمتوسط بين 30-50 الف كم واقصى فترة كانت 65000 كم لواحد رجله خفيفة ع الفرامل واشك انه يتغير فى حالتك وغالبا هايتصنفر وخلاص
رابعا: موضوع الملفات والتعويم وخلافه انساه وشيله من دماغك خالص لأن الصنى من اتقل العربيات واكثرهم ثبات فى فئتها انا قبل الصنى كنت راكب نيو اكسنت كنت استحالة اطلع اى ملف دائرى حاد على سرعة اكتر من 50 والتالت ومن اول ما ركبت الصنى بادخل اى ملف حاد او عادى على 80 وانت طالع ع الرابع ولا الهوا لا حدف ولا تعويم ولا غيره والطارة دقيقة فى التوجيه كمان
نصيحتى ليك اتأكد بس من ضغط هواء الاطارات يكون 32-29 او 36-33 حسب المكتوب عندك وافضل يكون نيتروجين عشان الضغط يفضل ثابت باختلاف ظروف الجو وعوامل التشغيل وكمان اتأكد من ترصيص وزبط زوايا العربية واستمتع انت راكب جوهرة
نصيحة اخيرة لحضرتك اشرب ماونتن ديو وقوى قلبك

[SonaSteel]

الف سلامة يا باشا عليك وع العربية
اولا: بخصوص مشاكل الrpm ده احتمال يكون عيب فى ضفيرة الكهرباء ومحتاجة تتغير فى الضمان
ثانيا: مشاكل الزجاج والسنتر وغيرها من الاعطال ياريت حضرتك تجمعها وتبلغها فى صيانة ال10 الاف كم لمهندس الاستقبال وهو بيستلم منك العربية
ثالثا: !!!!!!!!!!!!!!!!!!!!!!!!!!!!!!!!!!!!!!! تيل فرامل ايه اللى يتغير على 10 الاف كم
انا معايا 2010 مانيوال وصلت ل55000 كم ولسه بتيل المصنع الفابريقة
والمتوسط بين 30-50 الف كم واقصى فترة كانت 65000 كم لواحد رجله خفيفة ع الفرامل واشك انه يتغير فى حالتك وغالبا هايتصنفر وخلاص
رابعا: موضوع الملفات والتعويم وخلافه انساه وشيله من دماغك خالص لأن الصنى من اتقل العربيات واكثرهم ثبات فى فئتها انا قبل الصنى كنت راكب نيو اكسنت كنت استحالة اطلع اى ملف دائرى حاد على سرعة اكتر من 50 والتالت ومن اول ما ركبت الصنى بادخل اى ملف حاد او عادى على 80 وانت طالع ع الرابع ولا الهوا لا حدف ولا تعويم ولا غيره والطارة دقيقة فى التوجيه كمان
نصيحتى ليك اتأكد بس من ضغط هواء الاطارات يكون 32-29 او 36-33 حسب المكتوب عندك وافضل يكون نيتروجين عشان الضغط يفضل ثابت باختلاف ظروف الجو وعوامل التشغيل وكمان اتأكد من ترصيص وزبط زوايا العربية واستمتع انت راكب جوهرة
نصيحة اخيرة لحضرتك اشرب ماونتن ديو وقوى قلبك

+1111111111111111111111111
ولا اروع يادوك .... إلهي تكسب يا ضيناية ويحميك لشبابك يابني :)))

[khodiry]

ياباشا انا راجع من الغردقة رابع ايام العيد وواخد الملفات على 100 والله وساعات 110 والعربية مش بتميل ولااى حاجه من اللى انت قلته دة بس سؤالى علشان انا برضه واحددخل فيا من ورا .... انت بتقول غيرت وش الفانوس .. ازاى لما انا سائل قالولى بيتغير الفانوس كله ودة اللى حصل وجبت واحد ديبوا تايوانى بحوالى 275 جنيه والاخوة فى المنتدى رشحوللى وش الفانوس انه يتصب بس احمد قاللى انه مش حايبقى زى الاصلى فكبرت وجبت الديبوا وماتشغلش باللك باآر بى ام دة علشان ماتتعبش نفسيا ... وربنا يسلم طريقك ويعوض عليك .... وماتنساش الماونتن ديو زى ماقاللك الدكتور :)

[essa]

الف سلامة يا باشا عليك وع العربية
الله يسلمك يا باشا الحمد لله على كل شىء
اولا: بخصوص مشاكل الrpm ده احتمال يكون عيب فى ضفيرة الكهرباء ومحتاجة تتغير فى الضمان
يعنى انا لما اروح هناك هقولهم ايه الضفيره فيها حاجه ولا اقولهم الار بي ام بيطلع وبينزل ويرجع تانى ! تتوصف ازاى يعنى
ثانيا: مشاكل الزجاج والسنتر وغيرها من الاعطال ياريت حضرتك تجمعها وتبلغها فى صيانة ال10 الاف كم لمهندس الاستقبال وهو بيستلم منك العربية
دي مهندسه مش مهندس وبتفضل تكتب وبحس ان الصناعيه اللى جوا مش بيعروفو يقروا كلامها !
ثالثا: !!!!!!!!!!!!!!!!!!!!!!!!!!!!!!!!!!!!!!! تيل فرامل ايه اللى يتغير على 10 الاف كم
انا معايا 2010 مانيوال وصلت ل55000 كم ولسه بتيل المصنع الفابريقة
!!! ازاااااااااى !!! امال اللى بيصفر عندي ده ايه كتكوت ابو الليل
والمتوسط بين 30-50 الف كم واقصى فترة كانت 65000 كم لواحد رجله خفيفة ع الفرامل واشك انه يتغير فى حالتك وغالبا هايتصنفر وخلاص
يعنى هما اصلا مش هيغيروا حاجه فى جميع الاحوال ؟ !
رابعا: موضوع الملفات والتعويم وخلافه انساه وشيله من دماغك خالص لأن الصنى من اتقل العربيات واكثرهم ثبات فى فئتها انا قبل الصنى كنت راكب نيو اكسنت كنت استحالة اطلع اى ملف دائرى حاد على سرعة اكتر من 50 والتالت ومن اول ما ركبت الصنى بادخل اى ملف حاد او عادى على 80 وانت طالع ع الرابع ولا الهوا لا حدف ولا تعويم ولا غيره والطارة دقيقة فى التوجيه كمان
انا مفيش معايا الكلام ده , انا عايز اقولك وانا طالع طلعت كوبرى الدائرى مثلا بيبقى فى فواصل اللى بتبقى فى الكوبرى دي بحس ان العربيه بتتفكك مني فى الملف
انا بفكر اخلى اى حد من التوكيل يطلع يجربها علشان انا حاسس ان انا معايا صنى غير اللى معاكم خالص بصراحه
نصيحتى ليك اتأكد بس من ضغط هواء الاطارات يكون 32-29 او 36-33 حسب المكتوب عندك وافضل يكون نيتروجين عشان الضغط يفضل ثابت باختلاف ظروف الجو وعوامل التشغيل وكمان اتأكد من ترصيص وزبط زوايا العربية واستمتع انت راكب جوهرة
انا مش لاقى مكان ارصص واظبط فيه عدل انا ظبت هوا عند البنزينه اللى فى اول عباس العقاد على طريق النصر وكان العداد بتاعهم زباله ولما جيت اقوله 33-36 استغرب اووى وقالى ازاى !
ياريت توصفلى مكان يكون كويس سواء لضبط الاطارات او لضبط الزوايا
نصيحة اخيرة لحضرتك اشرب ماونتن ديو وقوى قلبك
لو ماونتن ديو هى الحل اشربها مع اني والله مش من النوع الجبان فى المشى

[essa]

ياباشا انا راجع من الغردقة رابع ايام العيد وواخد الملفات على 100 والله وساعات 110 والعربية مش بتميل ولااى حاجه من اللى انت قلته دة بس سؤالى علشان انا برضه واحددخل فيا من ورا .... انت بتقول غيرت وش الفانوس .. ازاى لما انا سائل قالولى بيتغير الفانوس كله ودة اللى حصل وجبت واحد ديبوا تايوانى بحوالى 275 جنيه والاخوة فى المنتدى رشحوللى وش الفانوس انه يتصب بس احمد قاللى انه مش حايبقى زى الاصلى فكبرت وجبت الديبوا وماتشغلش باللك باآر بى ام دة علشان ماتتعبش نفسيا ... وربنا يسلم طريقك ويعوض عليك .... وماتنساش الماونتن ديو زى ماقاللك الدكتور :)

اولا حمدلله على سلامتك
ثانيا يا باشا انا مش اول مره اركب عربيه انا حاسس ان فيها حاجه غلط بتيجي فى الملف وبتسرح كـ انى بلف بمركب فى ميه !
ثالثا موضوع الفانوس ده كان جايبلى اكتئاب ومازال ! لان اللى خبطنى من ورا لا منه سابه سليم ولا منه كسره كله
وقعدت ادور ساعتها على وش فانوس جاهز لقيت بس ال 2010 الفرق بينه وبين ال 2011 الخطوط اللى بالعرض دي فى ال 2011 سطور رفيعه جدا وملاقتش 2011 عندنا هنا فى حلوان
لحد ما واحد صاحبى اقنعنى اني اروح اعمله كله عموله واخلص وارخص وهيبقى نفس شكل 2010
ووصفهولى فى الفجاله وروحت فعلا عملته وعجبنى اووووى اول ما شوفته وحطيته فى العربيه علشان ينشف وعقبال ما وصلت حلوان وجيت اركبه ناقصه حاجه واحده بسسس
فى شفه فى الكشاف بتبقى طالعه علشان الشنطه لما تقفل مايبقاش فى فراغ المفروض كان يعملها او يطولها شويه فى وش الكشاف بس هو قطع على الكشاف بالظبط وكانت النتيجه ان فى فرق بين الكشاف والشنطه وبيظهر لما تقرب من العربيه
انا كده كده هفيهم الاتنين يا اما هعمل عليهم نيكل من الحروف علشان يدارى الفرق اللى عند الشنطه بس مش عارف الاقى النيكل ده فين
بس كفايه كده بقى

[Youssef.Awad]

- بالنسبة لموضوع الضفيرة طبعا هاتقول الاعراض وهى ارتفاع الrpm وهما هايعملوا اللازم
- بالنسبة للمهندسة رؤى ، انا عملت معاها صيانة ال50 الف وما كانش فيه مشاكل غير قلقى من عدم تغيير التيل واكدت عليها تشوفه بنفسها عشان الامان وقالتلى سليم وفيه لسه ومش بالضرورة كل مرة تروح السبع يكون مهندس الاستقبال واحد انا مثلا بدأت مع المهندسين احمد ناجى ثم محمد غالى ثم خالد ثم رؤى
- بالنسبة للتيل ده امر روتينى مع صيانة ال10 الاف - اول صيانة دورية كاملة - وفيها بيتم تنضيف الطنابير من التراب وصنفرة التيل الامامى والخلفى ولو فيه مشكلة اكيد هايحلوها بعد اخد رأيك طبعا
- بالنسبة لموضوع الاتزان وخلافه نصيحتى ليك بالاتى:
1- ملأ الكاوتشات بغاز نيتروجين بدل الهواء العادى من اى محطة ولتكن fit&fix بريدجستون بنزينة كالتكس تقاطع عباس العقاد ومصطفى النحاس بمدينة نصر عندهم مؤشر ديجيتال والتزم بالضغط 36-33 وما تسمعش فتاوى بتوع الكاوتش كله 30 يا بيه عشان الصيف والشتاء والكلام الفاضى ده لأن الصنى بامانة ما بتتزبطش الا لو التزمت بالضغط المكتوب ع القايم
2- ممكن تعمل ترصيص فقط - فقط - عند نفس المكان بريدجستون او ممكن تروح الحرفيين لمركز سيفتى سنتر لزبط الزوايا امام نقطة شرطة الحرفيين اسأل عليه هناك مشهور اوى وعنده ترصيص ب30ج وزبط زوايا ب25ج امامى فقط ودى نمرته لو ما عرفتش توصله 01223446688-01222525255 وبعد تربيط العفشة فى الصيانة الدورية اشك ان حضرتك تشتكى من اى مشكلة فى الاتزان

[Land_Cruiser]

- بالنسبة لموضوع الضفيرة طبعا هاتقول الاعراض وهى ارتفاع الrpm وهما هايعملوا اللازم
- بالنسبة للمهندسة رؤى ، انا عملت معاها صيانة ال50 الف وما كانش فيه مشاكل غير قلقى من عدم تغيير التيل واكدت عليها تشوفه بنفسها عشان الامان وقالتلى سليم وفيه لسه ومش بالضرورة كل مرة تروح السبع يكون مهندس الاستقبال واحد انا مثلا بدأت مع المهندسين احمد ناجى ثم محمد غالى ثم خالد ثم رؤى
- بالنسبة للتيل ده امر روتينى مع صيانة ال10 الاف - اول صيانة دورية كاملة - وفيها بيتم تنضيف الطنابير من التراب وصنفرة التيل الامامى والخلفى ولو فيه مشكلة اكيد هايحلوها بعد اخد رأيك طبعا
- بالنسبة لموضوع الاتزان وخلافه نصيحتى ليك بالاتى:
1- ملأ الكاوتشات بغاز نيتروجين بدل الهواء العادى من اى محطة ولتكن fit&fix بريدجستون بنزينة كالتكس تقاطع عباس العقاد ومصطفى النحاس بمدينة نصر عندهم مؤشر ديجيتال والتزم بالضغط 36-33 وما تسمعش فتاوى بتوع الكاوتش كله 30 يا بيه عشان الصيف والشتاء والكلام الفاضى ده لأن الصنى بامانة ما بتتزبطش الا لو التزمت بالضغط المكتوب ع القايم
2- ممكن تعمل ترصيص فقط - فقط - عند نفس المكان بريدجستون او ممكن تروح الحرفيين لمركز سيفتى سنتر لزبط الزوايا امام نقطة شرطة الحرفيين اسأل عليه هناك مشهور اوى وعنده ترصيص ب30ج وزبط زوايا ب25ج امامى فقط ودى نمرته لو ما عرفتش توصله 01223446688-01222525255 وبعد تربيط العفشة فى الصيانة
الدورية اشك ان حضرتك تشتكى من اى مشكلة فى الاتزان

أنا بس كنت عايز أؤكد على حكايه التيل دى علشان هى حصلت معايا قريب و أنا عربيتى كانت ماشيه 8000 كم تقريبا و كانت بتصفر مع كل فرمله و قاتلهم عليها فى صيانه ال 10000 و كل اللى عملوه انهم نظفوا الطنابير فقط و بعد كده الصوت راح و كان فى حتى واحد تانى عنده نفس المشكله و برضه نضفوهاله بس

[FBIAhmed]

اكشف على مساعدين ورا خلي اي حد بتاع عفشه يبص عليهم

[Youssef.Awad]

+1111111111111111111111111
ولا اروع يادوك .... إلهي تكسب يا ضيناية ويحميك لشبابك يابني :)))

هههههههههههههه اى خدمة وشكرا ع الكلام الجميل ده يا سحس

[Ahmed.TV]

* موضوع ان العربية بتحس انها بتتفكك منك فى فواصل الكبارى .. ده طبيعى مع العربيات كلها والله يكون فى عون عربيتنا من فواصل الكباارى وشوارع مصر .. وعشان كدا مفروض ان فى صيانة ال10 الاف بتربط عفشة
والموضوع ده بعدها حيقل معاك باذن الله

* التعويم فى العربية مش حالة عامة اطمن .. عشان انا ركبت وسوقت صنى مفيش فيها الكلام ده .. وعلاج عندك .. اظبط العربية الهواء بتعها فى الكاوتش .. واعمل ظبط زوايا فى التوكيل فى السبع على الجهاز الجديد عندهم وقولهم عليه الجهاز الجديد الهنتر .. او اعملها بره عند عمرو بدوى فى الحى السابع مشهور جدا واعضاء راحوا عنده وشكروا فيه جدا ومشهور فى مصر .. وبعد كدا امورك حتتحل على خير

* بخصوص الفرامل والتيل .. باذن الله حيحتاج صنفرة بس .. على التيل قدام وورا اذا كان يحتاج .. وبعد كدا حيتعمل رجلاش للفرامل .. وكل الامور حتبقا تمام ..

* بخصوص سعر التيل تقريبا فى حدود 350 او 400 بالضريبة .. وموجود اسعاره فى الموضوعات المثبتة فى القسم وفى كل حاجة عن اسعار قطع غيار نيسان فى التوكيل .. وبعدين اطمن مش حتحتاج تغيره .. لان التيل بيقعد معاك لغاية حوالى 25 الف لو انت بتهرى عليه وبتقف كتير فى الزحمة وبتحامل عليه .. اما لو مشيك فى طرق مفتوحة وطوالى يبقا حيقعد معاك ممكن الى 50 الف .. بس نصيحة عموما ياريت مش تستنى لما التيل يتاكل خالص وتغيره .. لان ده غلط عشان مش يبوظ الطنابير .. وزى ما قولتلك اطمن انت مش حتحتاج تغير تيل فى صيانة 10 الاف

* برجاء ارجوك بلاش العنوان ده .. لان صوتنا اتنبح فى القسم فى البيانات والموضوعات اللى بنبه فيها على الاعضاء .. بلاش النوعيات من ارجوا الرد بسرعة والحقونا .. لازم يكون العنوان فيه من مضمون الموضوع

وفى النهاية اطمن كل الامور حتتحل على خير باذن الله

تحياتى

[essa]

- بالنسبة لموضوع الضفيرة طبعا هاتقول الاعراض وهى ارتفاع الrpm وهما هايعملوا اللازم
انا هقولهم كده هناك ولو قالتلى ازاى ! انا كده كده عملت حسابى وصورتة بالموبايل علشان اوقات كتير بيتظبط ويرجع زى ماكان
- بالنسبة للمهندسة رؤى ، انا عملت معاها صيانة ال50 الف وما كانش فيه مشاكل غير قلقى من عدم تغيير التيل واكدت عليها تشوفه بنفسها عشان الامان وقالتلى سليم وفيه لسه ومش بالضرورة كل مرة تروح السبع يكون مهندس الاستقبال واحد انا مثلا بدأت مع المهندسين احمد ناجى ثم محمد غالى ثم خالد ثم رؤى
انا كنت فاكر ان اول مهندس بيبقى معاك طول فترة الصيانه , متشكر جدا ع المعلومة دي
- بالنسبة للتيل ده امر روتينى مع صيانة ال10 الاف - اول صيانة دورية كاملة - وفيها بيتم تنضيف الطنابير من التراب وصنفرة التيل الامامى والخلفى ولو فيه مشكلة اكيد هايحلوها بعد اخد رأيك طبعا
مش عارف ليه بحس ان انا بتكروت بس ممكن يكون انا بيتهيقلى وان شاء الله الصيانه دي تثبت كفائتهم
- بالنسبة لموضوع الاتزان وخلافه نصيحتى ليك بالاتى:
1- ملأ الكاوتشات بغاز نيتروجين بدل الهواء العادى من اى محطة ولتكن fit&fix بريدجستون بنزينة كالتكس تقاطع عباس العقاد ومصطفى النحاس بمدينة نصر عندهم مؤشر ديجيتال والتزم بالضغط 36-33 وما تسمعش فتاوى بتوع الكاوتش كله 30 يا بيه عشان الصيف والشتاء والكلام الفاضى ده لأن الصنى بامانة ما بتتزبطش الا لو التزمت بالضغط المكتوب ع القايم
انا بكون موجود فى مدينه نصر كتير فى اقرب وقت هروح البنزينه دي وهقولهم على 36-33 ويارب تتظبط فى المشى
2- ممكن تعمل ترصيص فقط - فقط - عند نفس المكان بريدجستون او ممكن تروح الحرفيين لمركز سيفتى سنتر لزبط الزوايا امام نقطة شرطة الحرفيين اسأل عليه هناك مشهور اوى وعنده ترصيص ب30ج وزبط زوايا ب25ج امامى فقط ودى نمرته لو ما عرفتش توصله 01223446688-01222525255 وبعد تربيط العفشة فى الصيانة الدورية اشك ان حضرتك تشتكى من اى مشكلة فى الاتزان

مشكووووووووووووووووووور انا بجد مش عارف اقولك ايه وصفك هايل وكلامك يطمن بجد الف شكر بس خلى بالك انا بعد كده هتابع معاك ولو فى اى حاجه ظهرت جديده هرجعلك يا دوك :D

[essa]

أنا بس كنت عايز أؤكد على حكايه التيل دى علشان هى حصلت معايا قريب و أنا عربيتى كانت ماشيه 8000 كم تقريبا و كانت بتصفر مع كل فرمله و قاتلهم عليها فى صيانه ال 10000 و كل اللى عملوه انهم نظفوا الطنابير فقط و بعد كده الصوت راح و كان فى حتى واحد تانى عنده نفس المشكله و برضه نضفوهاله بس

طمنتنى اٍلاهي يطمن قلبك :)
شكرااااااا على الاٍضافة

[essa]

اكشف على مساعدين ورا خلي اي حد بتاع عفشه يبص عليهم

لو اى بتاع عفشه بص عليهم هيقولى
1/ هى العربيه دي عامله كام الف
2/ لالا استنى كده ابصلك عليهم واشوفهم بيجيبوا زيت ولا لا
3/ فى جنب فيهم طافح زيت وعايز يتغير بس هو يتمشى عليه !!!!
وكله كلام فى الحماده , انا دايما برشح التوكيل حتى لو بيضحك عليا فيه !
شكراا يا باشا على مرورك

[essa]

* موضوع ان العربية بتحس انها بتتفكك منك فى فواصل الكبارى .. ده طبيعى مع العربيات كلها والله يكون فى عون عربيتنا من فواصل الكباارى وشوارع مصر .. وعشان كدا مفروض ان فى صيانة ال10 الاف بتربط عفشة
والموضوع ده بعدها حيقل معاك باذن الله
يااااااااااااارب بجد نفسى حتى يخف شويه
* التعويم فى العربية مش حالة عامة اطمن .. عشان انا ركبت وسوقت صنى مفيش فيها الكلام ده .. وعلاج عندك .. اظبط العربية الهواء بتعها فى الكاوتش .. واعمل ظبط زوايا فى التوكيل فى السبع على الجهاز الجديد عندهم وقولهم عليه الجهاز الجديد الهنتر .. او اعملها بره عند عمرو بدوى فى الحى السابع مشهور جدا واعضاء راحوا عنده وشكروا فيه جدا ومشهور فى مصر .. وبعد كدا امورك حتتحل على خير

افضل اعملها فى التوكيل بس يا ترى هما فى التوكيل بيظبتو ضغط الهوا وترصيص ؟ ولا مش عندهم
وياريت حضرتك تأكدلى على موضوع ظبط الزوايا ده لانى ناوى ادخل عليهم بقلب جامد :D
* بخصوص الفرامل والتيل .. باذن الله حيحتاج صنفرة بس .. على التيل قدام وورا اذا كان يحتاج .. وبعد كدا حيتعمل رجلاش للفرامل .. وكل الامور حتبقا تمام ..
ال دوك طمنى وقالى كده بردو وان شاء الله خير

* بخصوص سعر التيل تقريبا فى حدود 350 او 400 بالضريبة .. وموجود اسعاره فى الموضوعات المثبتة فى القسم وفى كل حاجة عن اسعار قطع غيار نيسان فى التوكيل .. وبعدين اطمن مش حتحتاج تغيره .. لان التيل بيقعد معاك لغاية حوالى 25 الف لو انت بتهرى عليه وبتقف كتير فى الزحمة وبتحامل عليه .. اما لو مشيك فى طرق مفتوحة وطوالى يبقا حيقعد معاك ممكن الى 50 الف .. بس نصيحة عموما ياريت مش تستنى لما التيل يتاكل خالص وتغيره .. لان ده غلط عشان مش يبوظ الطنابير .. وزى ما قولتلك اطمن انت مش حتحتاج تغير تيل فى صيانة 10 الاف
انا بس اتضايقت اووى لما لقيته بيصفر وانا عامل 9000 كم انما هو لو ليه فتره انا هغيره عادي ومش هبقى مضايق
* برجاء ارجوك بلاش العنوان ده .. لان صوتنا اتنبح فى القسم فى البيانات والموضوعات اللى بنبه فيها على الاعضاء .. بلاش النوعيات من ارجوا الرد بسرعة والحقونا .. لازم يكون العنوان فيه من مضمون الموضوع
انا والله معرفش ومكنتش اقصد عموما انا اسف وممكن حضرتك تغير العنوان عادي لو امكن واكيد فيما بعد هكتبلك العنوان من مضمون الموضوع بس بجد انا مكنتش اقصد
وفى النهاية اطمن كل الامور حتتحل على خير باذن الله
تحياتى
مشكور يا باشا على تعبك معايا وشرحك الجميل ده