ولله الحمدزاستلمت سوبر صالون 2008

[Abdelrahman]

السلام عليكم يا احلى منتدى..بفضل الله سبحانه وتعالى من قبل ومن بعد ..وبفضل هذا المنتدى الرائع استقريت على النيسان سوبر صالون ..واستلمتها امبارح من السبع فرع مصر الجديده في شارع الحريه...الاستاذ نهاذ والاستاذ احمد من أكثر الشخصيات احتراما وتعاملا ..اخترت اللون الكحلي مع اني كنت بدور على النبيتي بس قالولي هاتطر تستنى يمون حوالي شهر ..والصراحه انا كنت مستعجل قوي...ادعوا الله لي يا شباب ...بكره ان شاء الله هاروح أرخص ...السبع هايبعت معايا واحد ...بيقولي العمليه هاتكلف حوالي 600 جنيه اول عن آخر (التراخيص 3 سنوات + الطفايه + النمر + تعبه ) .. بس الناس بتتكلم على ارقام اعلى من كده في إلي بيقول 3000 جنيه علشان انت 1600 سي سي ...بس أنا بقول أكيد الناس مش هاتفهم أحسن من واحد بيرخص عربيات الزباين تقريبا كل يوم !!!
أنا نفسي حد يدلني على واحد كويس بتاع اكسسوار عربيات بس يكون قريب من مصر الجديده ومدينة نصر ...عاوز اشتري غطاء للعربيه علشان أنا بسافر كتير وبركنها ...كمان عاوز اشتري فرش للكراسي ...وعاوز فرش للارضيات تحت الدواسات علشا بصراحه اللون الفاتح ده ...عاوز تعب ومجهود كبير في التنظيف ...
آخر طلب ....ياريت حد يقولي هو فعلا في الالف كيلو الاولنيين لازم ما أشغلش التكييف ولا ازود السرعه عن 80؟؟؟؟؟؟
في واحد في المعرض قالي يا باشمهندس شغل التكييف براحتك ودوس على آخر السرعه ولا يهمك ده كله فتي مصريين !!!!ده كلام صحيح؟؟؟؟أرجو الافاده بأسرع وقت

جزاكم الله كل الخير ...وحفظنا وإياكم ..آمين آمين

[mina_ramsis]

الف مبروك يا باشا و اختيار موفق ان شاء الله
بالنسبة للترخيص فهو هيبها زى الراجل بتاع المعرض ما بيقولك ده حتى لو على قانون المرور الجديد عمره ما هيزيد عن الف جنيه
بخصوص الالف كيلو الاولنين ماتشغلش التكييف و لا تزود السرعة عن 100 و كلام بتاع اللى فى المعرض ده هو اللى فتى
الف مبروك مرة اخرى

[loai-omar]

الف الف مبروك و ربنا يديك خيرها و يكفيك شرها

التليين بأه... واحد بارضو قالي العربيه مش محتاجه تليين و دوس عادي و قفل عدادك..

بس انا بصراحه ماجاليش قلب و قعدت الالفين الاولانيين مازودش عن 80

[nav man]

لا واحدة واحدة علي العربية و مالكش دعوة باكلام الراجل اللي في التوكيل.انا باقولك كدة عن خبرة مع توكيل مودرن موتورز:boxing_smiley:

[sab3aawy]

بخصوص الالف كيلو الاولنين ماتشغلش التكييف و لا تزود السرعة عن 100

أويد هذا الكلام ، والف مبروك على السيارة

[yahyanaabil]

متزودش ال rpm عن 3
بس حكايه التكييف ديه اعتقد انها بدعه لان ملاقيتش كتالوج فى الدنيا بيوقل متشغلش التكييف اثناء التليين
ولو فتحت الكتالوج حتلاقه بيقوا انك متقرصش عليها او تقطلر بيها اى حاجه خلال اول 800 كيلو

[pointer]

الف مبرووووووووووووووووووك ربنا يدي لك خيرها ويمنع عنك شرها ويحفظك من كل سوء
وبالنسبه للتلين سيبك من كل الفتي ده كله كله فتي شوف اليوزر جايد بتاع السياره هو ده المفيييييييد وهم اكتر ناس عرفين عربيتهم وقلل عنه كمان لان الفتره الاولي دي ربع عمر الموتور انا كان عندي ما تعديش ثلاث ارباع السرعه ولما حسبتها لاقتها 127 كم بس انا لينت تلين شاهيني يعني ما بزودش عن 70 كم
اهم حاجه اليوزرجايد هتلاقي فيه معلومات خطيره وهتستفيد انت شخصيا من هذا اكتر ما هتفيد العربيه :)

[YoussefMostafa]

الف الف مروووووووووووك

وربنا يباركلك فيها

وعلي فكرة اللون الكحلي جميل جدا

[mohamed10]

الف مبروك وربنا يديك خيرها ويكفيك شرها

[M_HaFeZ]

الف مبروك على العربيه وكفايه انك هتلاقى بشمهندس سبعاوى معاك فى اى استفسار

[momoneer]

ألف مبروك وربنا يكفيك شرها
ياريت تقولنا انطباعك المبدئى عنها وعن عفشتها ؟؟؟؟

[mazen86]

الف مبرووووك

وربنا يديك خيرها ويكفيك شرها

[fahd_628]

الف مبرووووووووووووك

ولازم التليين حتى بص فى الكتالوج و شوف بالظبط كام كم !!!

[hany79]

الف الف مبروك يا باشا
انا زيك جبتها من عند ا/نهاد ,رجل محترم جدا
هو برضه قالي متزودش عن 90 و بلاش تكييف الا لو في طريق سفر في 1000 الاولى بس
انا روحت واخدها لغاية اسكندرة حرقتلي ييجي 600كم
بالاضافة لمشوار الشغل 40كم يوميا في خلال 10 ايام كنت معدي 1000 و بعد كده شغلت التكييف و ابتديت ازود السرعة شوية بس انا اصلا مبحبش السرعة لكن ساعات تلاقي حد كابس , عايز تقرص في حتة تفلت من عربية نقل او اتوبيس بس لكن غير كده تاتا تاتا
و بالنسبة للغطاء انزل شارع دمشق قولهم عايز غطاء تقيل سعره 140 جنيه يحميهالك من العيال في الشوارع
بس و ربنا يباركلك فيها و يبعد عنك شرها

[ows212]

الف الف مبرووووووووووووووووك