هاستلم التيدا ان شاءالله

[tarekbasha999]

احبابي صقور نيسان
اخيرا وبعد طول انتظار ان شاءالله خلاص هاكون نيساني رسميا قريب خلال اليومين الجايين

ياريت بقى دعواتكم ونصايحكم ليا ازاي استلم وايه اللي المفروض استلمه مع العربية

وان اشاءالله اكون معاكم في اول مقابلة جاية ليكم

[Ahmed.TV]

اللينك ده فيه كل المعلومات اللى حتحتجها فى الاستلام وكمان فى التليين ..

http://www.nilemotors.net/Nile/212403-a.html

وباذن الله تنورنا يا فندم .. وتشرفنا فى المقابلة

ومبروك مقدما .. وان شاء الله تستلم على خير .. واختيار موفق

وربنا يعطيك خيرها ويكفيك شرها

[AbuHusam]

[mark=#fcfcb0]ألف مبروووك :b4_388: .. مش هاتندم أبداً.. ربنا يرزقك خيرها ويكفيك شرها ويجعلها وسيلتك للخير[/mark]

[Land_Cruiser]

الف مبروك مقدما

[night_whisper]

الف مبروك و ربنا يسعدك بالعربية و يكفيك شرها

[mohammedabdallh]

الف مبروك
ومتنساش وانت رايح تستلم تاخد من اى معرض نمر مؤقته علشان ميحصلشى اى مشاكل مع المرور

[Dr'AhmZZong]

ألف ألف ألف مبروك يا باشا على العربية الجميلة ديه ..
ربنا يديك خيرها ويبعد عنك شرها ..

[tarekbasha999]

ربنا يخليكم ليا كلكم يا رجالة نيسان بجد انا حاسس اني بين اهلي وانا باوجه الشكر ليكم كلكم لانكم من اكبر اسباب اختياري للعربية الجميلة دي وان شاءالله اكتب عنها تقارير اول باول

[mohaismail]

مبرووك اختيار موفق جدااااااااااااا

[Youssef.Awad]

يا باشا تستلم على خير والف مليون مبروك مقدما وتشرفنا فى المقابلة الجاية باذن لله الجمعة 16-12

الف مبروك
ومتنساش وانت رايح تستلم تاخد من اى معرض نمر مؤقته علشان ميحصلشى اى مشاكل مع المرور

قصد حضرتك نمر تجارية مش مؤقتة لأن الفرق بينهم كبير
اللوحات المؤقتة: بتستلمها من المرور اللى رايح ترخص فيه مؤقتا لو مفيش لوحات نمر فاضية وكانت منتشرة اوى فى القاهرة والجيزة قبل نزول النمر الجديدة (حروف+ارقام)
اللوحات التجارية: دى خاصة بمعارض العربيات مش بتستلمها من المرور يعنى اى معرض عربيات المفروض بيكون عنده وبيستخدمها فى نقل السيارات الزيرو بينه وبين المصنع او المورد او الانتقال بين المحافظات لو معرض بيشترى من معرض او موزع كبير مثلا وهاينقلها سواقة مش على تريلا او ونش ودى ايجارها فى اليوم تقريبا 65-75 ج لحد اما ترخصها فى المرور التابع له
وفى حالة شراء اى سيارة زيرو من اى مكان بفاتورة ومعاك ورق العربية مثبوت فيه اسم الشارى او السواق يبقى مفيش اى مشاكل ان شالله تسوقها لأسوان ولا يهمك واللى يوقفك انزل دب صوابعك الاتنين فى عينيه لأنك صاحب العربية زى ما الورق بيقول ومثبوت فيها رقم الشاسيه والموتور
وانا شخصيا استلمت عربيتى السنة اللى فاتت من معرض السبع - مصر الجديدة وسوقتها ل بنها مرورا بصلاح سالم والدائرى والزراعى ولا الهوا وتانى يوم روحت رخصت عادى جدا
وقبل الاستلام سألت ضابط شرطة عن النمر التجارية عشان ماحدش يوقفنى والافلام دى صاحبى قالى الكلام اللى قولته فوق ده

[BassamHafez]

مبروك يا باشا