صنى 2000

[drwaelhassan]

السلام عليكم يا شباب
قدامى نيسان صنى موديل 2000 مانوال كاملة
عاملة 300 الف كيلو
رشة برة
فبريكة بالداخل
توجد بعض النقر الخفيفة
حالتها كويسة

معروضة عليا ب 50 الف جنيه كدة كتير ولا ايه؟؟؟

الحاجة التانية بالنسبة لقطع الغيار متوفرة ولا ايه؟؟

الحاجة الثالثة كونها انها موديل 2000 يعنى بقالها 12 سنة تعتبر أفضل ولا أجيب لانوس موديل 2008 بنفس السعر؟

و شكرا ليكم جميعا

[M.FOUAD]

السعر عالي جدا طبعا على الشكل القديم و عاملة 300 الف سعرها بالحالة دية ميزدش عن 43-44 الف جنية
قطع الغيار متوفرة واسعارها متقلقش منها

[Dr'AhmZZong]

فعلا السعرغالي جدا .. ماشية 300000 يعني ضعف قطر الأرض لافاه هههههههههههه < بهزر معاك يا عم اوعى تكون فاكرني بتريق > .. أنا من رأي تجيب لانوس احسن .. والله اعلم
تحياتي لحضرتك ونورت القسم ..

[Youssef.Awad]

ازيك يا دكتور وائل ؟ هو حضرتك غيرت فكرة شراء زيرو ولا ايه اللى كنت عارضها فى الموضوع التالى ؟
http://www.nilemotors.net/Nile/255860-2012.html

اولا: باحيى فى حضرتك تمسكك بالصنى سواء زيرو او مستعمل بس رأيى نفس رأى الاعضاء اللى اتفضلوا بالمشاركة من حيث ارتفاع السعر وقراءة العداد ومش فكرة قطع غيار

ثانيا: انا بافكر فى حالتك بعد الشراء وانت لسه دافع مبلغ 50 الف ج او حتى اقل وبعد فترة قليلة هتلاقى مشاكل فى كل حتة فى العربية .. الله اعلم هاتطلع منين عفشة ولا موتور ولا فتيس
وشوف الموضوع ده كده عن صنى 2002 اتوماتيك مستعملة

http://www.nilemotors.net/Nile/257652-2002.html

ثالثا: لو ظروف حضرتك المادية مش سامحة تجيب زيرو يبقى فكر فى حاجة كسر زيرو 2010 او 2011 عدادها قليل وطبعا هاتتعب فى اللف والتدوير .. انما لو مفيش قدام حضرتك غير الاختيارين دول صنى 2000 او لانوس 2008 يبقى خليك فى اللانوس افضل بشرط الحالة وليس الكفاءة

[Bishoy.Girgis]

حرام طبعا عربية عامله 300000 كيلو ليه يعني .. خلي بالك ان الياباني قطع غياره مش رخيصة

[Dr'AhmZZong]

ازيك يا دكتور وائل ؟ هو حضرتك غيرت فكرة شراء زيرو ولا ايه اللى كنت عارضها فى الموضوع التالى ؟
http://www.nilemotors.net/Nile/255860-2012.html

اولا: باحيى فى حضرتك تمسكك بالصنى سواء زيرو او مستعمل بس رأيى نفس رأى الاعضاء اللى اتفضلوا بالمشاركة من حيث ارتفاع السعر وقراءة العداد ومش فكرة قطع غيار

ثانيا: انا بافكر فى حالتك بعد الشراء وانت لسه دافع مبلغ 50 الف ج او حتى اقل وبعد فترة قليلة هتلاقى مشاكل فى كل حتة فى العربية .. الله اعلم هاتطلع منين عفشة ولا موتور ولا فتيس
وشوف الموضوع ده كده عن صنى 2002 اتوماتيك مستعملة

http://www.nilemotors.net/Nile/257652-2002.html

ثالثا: لو ظروف حضرتك المادية مش سامحة تجيب زيرو يبقى فكر فى حاجة كسر زيرو 2010 او 2011 عدادها قليل وطبعا هاتتعب فى اللف والتدوير .. انما لو مفيش قدام حضرتك غير الاختيارين دول صنى 2000 او لانوس 2008 يبقى خليك فى اللانوس افضل بشرط الحالة وليس الكفاءة

[drwaelhassan]

أولا يا شباب أنا متشكر لحضراتكم جدا جدا جدا - بجد مش عارف اقلكم ايه على نصائحكم
الفكرة فى إنى لسة بتعلم السواقة و أنا ساكن فى فيصل يعنى الزحمة كلها - فمعظم أصدقائى و أهلى حذرونى إنى أبتدى بعربية زيرو أحط فيها كل اللى معايا - فقلت إن خير الأمور الوسط أبتدى بحاجة من 40 ل 50 و لما ربنا يكرم و أتقن السواقة أجيب صنى الجديدة إنشاء الله.
مرة تانى شكرا ليكم يا جماعة على النصائح الغالية و إعذرونى عشان الواحد فى حيرة كبيرة.

[Youssef.Awad]

إن خفت ما تسوقشى .. وإن سوقت ما تخافشى
ربك بيسترها طالما نيتك صافية والاتوماتيك هايبقى سهل عليك جدا عن المانيوال ولازم تكسر حاجز الخوف جواك واهم حاجة فى المستعمل هو الحالة مش الماركة ولا الصانع وبالتوفيق يا باشا

[aboamr]

طبعا سعرها عالى جدا دى اخرها 38 الف انا بايعها عاملة 116 الف وحاله ممتازه ب43ونص من 6شهور رايى تبتدى بعربيه اقل من كده وصغيره فى الحجم تتعلم عليها وتبيعها وحتى لو حتخسر فيها مبلغ بسيط وارشحلك هونداى اكسنت 99 او فيات سيينا

[Youssef.Awad]

طبعا سعرها عالى جدا دى اخرها 38 الف انا بايعها عاملة 116 الف وحاله ممتازه ب43ونص من 6شهور رايى تبتدى بعربيه اقل من كده وصغيره فى الحجم تتعلم عليها وتبيعها وحتى لو حتخسر فيها مبلغ بسيط وارشحلك هونداى اكسنت 99 او فيات سيينا

:b4_388::b4_388::b4_388: