أول تقرير عن مركز خدمة أوتو إيجيبت

[BassamHafez]

تقرير وافي يا باشا

ونتمنى الاداء يكون احسن ان شاء الله المرة الجايه

[Osama_I]

[mark=#f5ffa6]
التكاليف:
دفعت 774 جنيه وذلك بعد خصومات نايل موتورز والعرض الخاص بافتتاح مركز الخدمة
والتفاصيل كالآتي:
ثمن تيل الفرامل الأمامي 473 جنيه
مصنعية تركيب التيل= 50 جنيه
إجمالي صيانة 20 ألف = حوالي 400 جنيه
موزعة كما يلي:
مصنعية صيانة = صفر (عرض المركز حتى نهاية ديسمبر)
زيت توتال 5000 = 132
فلتر هواء = 137
مياه المساحات = 5
فيوز ولاعة الصالون = 15
الضريبة على قطع الغيار = 53
الضريبة على الفاتورة كلها= 71
المجموع = 775 (بعد خصم 15 % الخاص بنايل موتورز)
الحقيقة ما فهمتش قوي إزاي يبقى فيه ضريبة على ثمن قطع الغيار ثم ضريبة ثانية على الفاتورة كلها بما فيها قطع الغيار بعد إضافة ضريبتها! وللأمانة مش فاكر هل كان السبع بيعمل معايا كدة برضه ولا لأ.. يعني هل احنا بندفع دايما ضريبة على نفس الحاجة مرتين.. مرة على ثمنها لوحدها وبعدين مرة تانية لما تضاف إلى الفاتورة كلها؟

[/mark]

السلام عليكم و رحمة الله و بركاته
استاذ سامح أنا فى التوكيل حالياً وبعمل صيانة ال90 الف لعربيتى وقريت موضوعك سألت لحضرتك على موضوع الضريبة "بس انت طلعت مشهور هنا قوى وكل اعضاء النايل موتورز"

أولاً : بالنسبة للضريبة بتتحسب على مرة واحدة بس بتتقسم على جزئين جزء خاص بالمصنعيات و جزء خاص بقطع الغيار زى اى مكان اخر فى اى مركز خدمة .

ثانياً : موضوع حملة الصيانة ببلاش ده يشمل الصيانة اللى موجودة فى كتيب الضمان بمعنى :

تشمل صيانة العشرين ألف تغيير زيت يبقى متحاسبش على مصنعية تغيير الزيت .. وتغير فلتر هواء .. فمش حتحاسب على مصنعيته
صيانه التسعين ألف لا تشمل تغيير طنابير فلما غيروها فى عربيتى دفعت مصنعية تغييرهم

فى حالتك:
45 جنيه مصنعية تغيير تيل
4.5 ضريبة مصنعيات
137 فلتر هوا
473 تيل فرامل
92 خصم نايل موتورز
53 جنية ضريبة قطع غيار
132 زيت
15 تشحيم
774 الاجمال حوالى

وانا باذن الله حعمل تقرير لما اروح عن الصيانة بتعتى فى موضوع منفصل .. عشان اكتب انطباعى وكمان اكتب تفاصيل اللى حصل معايا وبالفاتورة

[AbuHusam]

[mark=#fffdd6]

[mark=#fffcbd]أنا للأسف ما لحقتش أروح لهم النهاردة لأن آخر معاد بيستلموا فيه أي عربية الساعة 3:30
وبصرف النظر عن الأرقام ومجموعها.. أنا راجعت الفاتورة تاني واكتشفت إن مفيش خطأ في الحساب ولا حاجة.. ولا هما بيحسبوا ضريبة مرتين على نفس الحاجة.. لكن طريقة كتابة الفاتورة هي اللي خلتني أظن كدة.. علشان جزء من الضريبة مذكور ومحدد في تفاصيل الفاتورة.. ثم جزء تاني مضاف في النهاية على الفاتورة.. لكن الضريبة الواحدة مش متكررة.. جزء منها على قطع الغيار نفسها والتاني على الصيانة الخاصة بتركيبها.. لكن في مرة باينة وواضحة ومذكورة بوضوح.. وفي الثانية مش مذكورة بوضوح.. بس كدة..
وأنا الحقيقة مش شاطر قوي في موضوع الحسابات وطريقة توزيع الأرقام والفواتير علشان كدة مهندس الاستقبال هناك قعد شرح لي حسبة الفاتورة مرتين وبرضه ما فهمتهاش لكن قلت ماشي أوكي.. وواضح إن كلامه صح وأنا اللي دماغي مش حسابية.. خصوصاً إن المسألة كلها فروق بسيطة يعني الضريبة اللي خمسين جنيه لو اتحسبت عليها هي نفسها ضريبة تاني هاتبقى خمسة جنيه.. يعني القصة كلها مش مستاهلة.. لكن في النهاية ده مش صحيح.. يعني ده ماحصلش.. وأنا الي بس كنت باتساءل هي الحسبة كدة صح ولا لأ مش أكتر.. وباقول دلوقتي إن الحسبة كدة صح.. ومفيش مشكلة أصلاً..[/mark]

[/mark]

[AbuHusam]

ايه التقارير الجامدة دى يا ابوحسام ... تسلم ايدك يا باشا تقرير رائع ما شاء الله ... ورأى موضوعى لاغبار عليه ... احب انا الاراء الموضوعية التى تذكر سلبيات وايجابيات موضوع بدون تجريح وبدون تحيز ... نقول ايه بقى شغل صحفيين بقى يا باشا :)
ليا سؤال لولبي ... شوفت التيل القديم بعنيك حالته ايه؟؟؟
علشان انا غيرت طنابير وتيل فى الـ 10000 مش عارف ليه؟؟ ورجلى خفيفة خفة التنين صراحة يعنى :)

[mark=#fff7a3]أخي علي أشكرك على ذوقك..
بخصوص السؤال اللولبي.. شفت التيل فعلاً وكان ناحية 3 ملم والناحية التانية 4 ملم..
وبما إنك غيرت تيل وطنابير على 10 آلاف فانت الصراحة طمنتني على رجلي.. يبقى كدة أنا كمان رجلي خفيفة مووووت..[/mark]

الف الف شكر ياباشا علي التقرير الجامد ده .. دا انت ياراجل كانك اخدتنا معاك جوا التوكيل .. تقرير يستاهل الشكر ليك حقيقي
و الف مبروك علي الصيانة و عقبال صيانة الـ 100000 كيلو ان شاء الله

[justify][mark=#f5ee67]تسلم ياأستاذ بيشوي.. وكذلك الأستاذ بسام والدكتور أحمد.. سامحوني لأني مش باعرف اعمل إزاي اقتباس متعدد..أنا بس عاوز أقولكوا إني ده أول تقرير صيانة أعمله.. علشان كدة سعيد جدا بتعليقاتكم.. ولو التقرير فعلا كويس فده يبقى من اللي الواحد اتعلمه منكم جميعا.. تحياتي[/mark][/justify]

[Amr2004IBM]

تقرير ممتاز الف شكر والف مبروك
(دول عملوها الصقور يرتنى كنت معاهم)

[EMO_ELNEMS]

ألف مبروك الصيانة وعقبال صيانة1000000ك وألف شكر على التقرير الهايل المفصل
تصدق انا وقعت في حب مركز الصيانة ده هههههههههههههه

[Ahmed.TV]

:: قطع الغيار ::

فلتر الهواء = 137.16 جنيه
وردة طبة الزيت = 5 جنيه
تيل الفرامل = 473 جنيه
فلتر الزيت = 50 جنيه
تشحيم = 15 جنيه
زيت = 132 جنيه
خصم على قطع الغيار لنايل موتورز = 142.19 جنيه

* اجمالى قطع الغيار = 669.97 جنيه
* ضريبة قطع الغيار = 53.79 جنيه

:: مصنعيات ::

صيانة 20 الف = 75. قرش
صيانة 20 الف = 75. قرش
مصنعية تركيب تيل الفرامل = 45 جنيه
مصنعية ظبط الانوار وتغير فيوز الولاعة = 1 قرش

* اجمالى المصنعيات = 46.51 جنيه
* ضريبة المصنيعات = 4.64 جنيه
===
* فقط .. اجمالى المصنيعات + اجمالى القطع الغيار = 716.48 جنيه
* اجمالى فاتورة المصنعيات وقطع الغيار + اجمالى ضريبة قطع الغيار والمصنيعات = 774.91 جنيه

دى الفاتورة وانا جبتها من اتو ايجيبت للتوضيح .. عشان الناس تتطمن ان مفيش خطا

لان هما بيفسروا الضريبة تكلفتها كام للمصنعيات وضريبة قطع الغيار وسط كشف الحساب .. بس مش بيجمعها ويحطوها الا فى الاخر بعد جمع اصلا مبلغ المصنعيات وقطع الغيار .. زى ما وضحت

وحطلب من الادارة تحطها فى اول الموضوع

تحياتى للجميع

[AbuHusam]

[mark=#ffffba]معلش يا جماعة الواحد اتاخد في المقابلة الجميلة بتاعة يوم الجمعة.. وفاتني أقولكوا إني رجعت مركز خدمة أوتو إيجيبت علشان ضبط الأنوار وفحص الكلاكس وصوت رنة كنت باسمعها وانا بابدأ اتحرك بالعربية..
الحقيقة الناس كانوا في منتهى الذوق بالظبط زي أول مرة.. استلام العربية المرة دي وبدء الشغل فيها كان أسرع كتير.. تقريباً ما حستش بالوقت..
أهم ما في الزيارة إن تم تغيير الكلاكس في الضمان.. ثمنه كقطع غيار ومصنعية تغييره.. وأعتقد دي مسألة مهم ناخد بالنا منها..
الحاجة التانية إنه فحصوا الصوت اللي باسمعه واللي سمعه معايا فعلا مهندس الاستقبال المحترم أحمد عبد العزيز.. وقالوا لي الصوت كان من صامولة مفكوكة في الكوبلن الشمال وتم ربطها..
كان مفروض ادفع 66 جنيه (المصنعية بضريبتها) مقابل الكشف والربط.. لكن لم أدفع شيئاً واعتبروها إرضاء للعميل خاصة أني رجعت مخصوص علشان ضبط الأنوار.. يعني الحقيقة حركات الجدعنة والرغبة في إرضاء العملاء بأي شكل واضحة جدا في عملهم مش بس في معاملتهم.
وفي حاجات تانية كمان عملتها أوتوإيجيبت معايا تؤكد أن سياستهم اكتساب ثقة العميل مش الفلوس لكن دي محتاجة موضوع منفصل بإذن الله [/mark]

[Ahmed.TV]

انا شوفت عربيتك هناك يا ابو حسام .. وافتكرت انك مسلمها للمدير المالى ومبدلها وواخد عربيته

ياترى ايه الاخبار