في ريحة بنزين جوا العربية مع التفويل

[Bishoy.Girgis]

أحبائي اعضاء قسم نيسان

من يوم ما اشتريت العربية و انا كل ما افول العربية بشم ريحة بنزين جوا العربية لكن بتختفي مثلا بعد 10 دقايق
المهم انا كنت لما بدخل محطة البنزين عشان افول كنت بنزل من العربية لغاية ما امون و بعدين اركب عربيتي و كنت بشم ريحة البنزين ديه و كنت بفتكر ان مثلا عشان نزلت من العربية فحذائي اتوسخ من تحت بالبنزين فعشان كده بشم الرائحة ديه

انما المرة ديه انا منزلتش من العربية خالص و بعدين مشيت لاقيت مراتي بتقول لي في ريحة بنزين جامدة في العربية ففعلا انا كمان كنت واخد بالي لكن مراتي اكدت لي الموضوع في نفس الوقت اللي كنت بسال فيه نفسي الريحة ديه جاية من اين

فطبعا قولت يبقي اكيد في حاجه مش طبيعية .. تفتكروا يا جماعة ايه السبب ؟؟؟؟؟

[Dr'AhmZZong]

ماتشوف طرمبة البنزين اللي تحت الكنبة !!! يمكن فيها حاجة

[FBIAhmed]

الراجل الي انت اشتريت منه العربيه لو هو الي غير فلتر البنزين او انت مقفلش كويس غطا التانك الي تحت الكنبه الي وررا فلما التانك بيتملي للاخر بيسرب من الغطا تحت الكنبه الي ورا و بيعمل ريحه و نصيحت ليك

متسكتش على الموضوع ده عشان اسلاك الطرمبه الكهرباء تحت الكنبه و بخار البنزين بيتكثف فوق غطا الطرمبه و ممكن العربيه تولع بيك في اي لحظه اطلع على التوكيل حالا

ربنا يستر

[morsi]

وضع طبيعى جدا فى معظم العربيات ماتقلقش.انت تقلق لو الريحة مستمرة طول الوقت ولكن لمدة 10 دقايق عادى جدا وانا ملاحظ الموضوع ده فى كل العربيات اللى ركبتها بدءا من ال 128 للسزوكى سويفت للانسر الكرستالة للسوناتا للصنى وحتى الفورد كراون فكتوريا .

[WalidAdel]

10 دقايق ده كتير علي فكره
انت لو بتفول العربيه لحد الزووووووور يابيشوي ممكن شويه بنزين بتتدلدق من التانك جرب كده تفول لحد اول دفعه للمسدس او مايصد يعني و تقفل فلوسك و خلاص او ممكن بلاش تفول خالص حط 20 لتر بس و جرب
اصل كده علي كلامك في حاجه في الزور بتاع التانك او الكاوتشه اللي عند الزور و الصاج كده يعني
المهم سهله ماتقلقش

[night_whisper]

رائحة البنزين بتكون بسبب تسريب فى احد مسارات الوقود الواضحة فى الصورة
او بسبب انسداد فلتر البنزين
بس اعتقد باذن الله ان المشكلة دة مش عند حضرتك لان الرائحة لا تستمر
جرب انك تستخدم احدى سوائل تنظيف دورة الوقود و افحص غطاء التانك
و طبعآ لازم حضرتك تبلغ التوكيل بالمشكلة عند الصيانة
تحياتى

[night_whisper]

ما شاء الله
عقبال ما كتبت المشاركة لقيت 4 ردود
تحية للصقور

[sedyrohy]

ممكن يكون يا بيشوي عامل البنزينه و انت بتحط بنزين بيفول لحد ما المسدس بينقط على الرفرف و الاكصدام و داخل مجرى فتحه التانك
و ده الي بيخلي ريحه البنزين بتروح بعد شويه من العربيه فلو في مشكله في دوره البنزين كنت حتلاقي الريحه مستمره معاك لحد ما التنك يفضى
و الله اعلم

[BassamHafez]

الراجل الي انت اشتريت منه العربيه لو هو الي غير فلتر البنزين او انت مقفلش كويس غطا التانك الي تحت الكنبه الي وررا فلما التانك بيتملي للاخر بيسرب من الغطا تحت الكنبه الي ورا و بيعمل ريحه و نصيحت ليك

متسكتش على الموضوع ده عشان اسلاك الطرمبه الكهرباء تحت الكنبه و بخار البنزين بيتكثف فوق غطا الطرمبه و ممكن العربيه تولع بيك في اي لحظه اطلع على التوكيل حالا

ربنا يستر
:_alshmokh22[1]::_alshmokh22[1]:

هههههههههههه

رعبتني يا عم انت

الدواء فيه سم قاتل .. لا تشرب الدواء

هم فعلا الموضوع مهم بس حاول ما ترعبش الراجل

بيشو لو تعرف تفك الكنبه وتشوف فيه حاجه بتسرب ولا لا عشان تطمئن وبعدين لغايه ما تروح التوكيل ما تفولش العربيه للاخر خليها 10 لتر في 10 لتر كده عشان لو فيه حاجه ما تزيدش

وطمنا يا معلم

[M.Nabeeh]

فك الكنبه وشوف يابيشوي وبأذن الله بسيطه

[Dr_ahmedrady]

البنزين بتاعك ريحته حلوة؟؟
اصل انا بحب ريحة البنزين اوى و شكلى داخل على دور ادمان

على فكرة طبيعى جدا انك تشم ريحة البنزين لفترة قصير بعد التموين
كفاية انك بتكون ف المحطة مشبعة بريحة البنزين و هوا جو العربية كذلك

جرب تفتح الشبابيك بعد ما تفول و امشى بالعربية بسرعة سنة عشان تهوى الريحةو شوف بقى هتمشى علطول ولا هتقعد برضه عشر دقايق؟

[zeznia]

لا ياجماعه انا عمري ماشماية ريحت بنزين في العربيه
وبفول للزور
والبنزين بينقط عالرفرف والاكصدام
بس ريحت بنزين في الكبينه لا
مع العلم اني سبق وفكيت الطرمبه وركبتها تاني بدون اي مشاكل
انا رايي ان ممكن يكون في حاجه في خرطوم الفايض
لان في حاجه اسمها علبت الفحم بتمتص كل الانبعاثات وتمنعها من الخروج لتلويث البيئه
برجاء الاهتمام وسرعة الكشف
وطمنا

[SonaSteel]

متابع جداااااااااااااا
ماشاء الله معلومات تفرح :)
وطمنا يابيشوووو عملت ايه ؟

[Youssef.Awad]

مش كنت تقول فى المقابلة يا بيشوى
وبعدين بسيطة ان شاء الله مع انك ساكت من اول ما اشتريت العربية
اول حاجة اكشف على كاوتشة الزور ولما تفول بمنديل ورق امسح حوالين الطبة بعد قفلها وقبل قفل باب التانك
ثانيا اكشف على تسريب تحت الكنبة كده من مكان التانك
ثالثا لو استمرت الريحة اكشف عليها فى الصيانة .. ولا اقولك وانت رايح تركب العازل ممكن تبقى حاجة بسيطة وما نتقلش على اتوايجيبت برضه

[Bishoy.Girgis]

الراجل الي انت اشتريت منه العربيه لو هو الي غير فلتر البنزين او انت مقفلش كويس غطا التانك الي تحت الكنبه الي وررا فلما التانك بيتملي للاخر بيسرب من الغطا تحت الكنبه الي ورا و بيعمل ريحه و نصيحت ليك

متسكتش على الموضوع ده عشان اسلاك الطرمبه الكهرباء تحت الكنبه و بخار البنزين بيتكثف فوق غطا الطرمبه و ممكن العربيه تولع بيك في اي لحظه اطلع على التوكيل حالا

ربنا يستر
:_alshmokh22[1]::_alshmokh22[1]:

حبيب قلبي انا كنت شاري العربية زيرو من التوكيل يعني انا اول يد .. و كمان هتولع بيا بعد 3 سنين .. ربنا يطمنك يا عم الحج قصدي يا عم الموسوس :)))))

وضع طبيعى جدا فى معظم العربيات ماتقلقش.انت تقلق لو الريحة مستمرة طول الوقت ولكن لمدة 10 دقايق عادى جدا وانا ملاحظ الموضوع ده فى كل العربيات اللى ركبتها بدءا من ال 128 للسزوكى سويفت للانسر الكرستالة للسوناتا للصنى وحتى الفورد كراون فكتوريا .

ياراجل يعني ده طبيعي بس غريبة عليا بصراحة ..

10 دقايق ده كتير علي فكره
انت لو بتفول العربيه لحد الزووووووور يابيشوي ممكن شويه بنزين بتتدلدق من التانك جرب كده تفول لحد اول دفعه للمسدس او مايصد يعني و تقفل فلوسك و خلاص او ممكن بلاش تفول خالص حط 20 لتر بس و جرب
اصل كده علي كلامك في حاجه في الزور بتاع التانك او الكاوتشه اللي عند الزور و الصاج كده يعني
المهم سهله ماتقلقش

للاسف يا وليد انا كنت قافل زجاج العربيه خالص و ده و انا راجع يوم المقابلة و الجو كان ساقعة و بعد ما فولت كنت قافل زجاج العربية لدرجة اني فتحت الزجاج عشان ريحة البنزين كانت وحشة

رائحة البنزين بتكون بسبب تسريب فى احد مسارات الوقود الواضحة فى الصورة
او بسبب انسداد فلتر البنزين
بس اعتقد باذن الله ان المشكلة دة مش عند حضرتك لان الرائحة لا تستمر
جرب انك تستخدم احدى سوائل تنظيف دورة الوقود و افحص غطاء التانك
و طبعآ لازم حضرتك تبلغ التوكيل بالمشكلة عند الصيانة

تحياتى

انا فعلا كنت حاطط سائل منظف انجيكشن من ليكوي مولي من حوالي 1000 كيلو بس الموضوع ده زي ما بقول لكم من زمان اوي .. علي العموم هروح التوكيل و اشوف الليلة ديه

ممكن يكون يا بيشوي عامل البنزينه و انت بتحط بنزين بيفول لحد ما المسدس بينقط على الرفرف و الاكصدام و داخل مجرى فتحه التانك
و ده الي بيخلي ريحه البنزين بتروح بعد شويه من العربيه فلو في مشكله في دوره البنزين كنت حتلاقي الريحه مستمره معاك لحد ما التنك يفضى
و الله اعلم

نفس الرد اللي انا رديته علي مشاركة وليد يا محمد

هههههههههههه

رعبتني يا عم انت

الدواء فيه سم قاتل .. لا تشرب الدواء

هم فعلا الموضوع مهم بس حاول ما ترعبش الراجل

بيشو لو تعرف تفك الكنبه وتشوف فيه حاجه بتسرب ولا لا عشان تطمئن وبعدين لغايه ما تروح التوكيل ما تفولش العربيه للاخر خليها 10 لتر في 10 لتر كده عشان لو فيه حاجه ما تزيدش

وطمنا يا معلم

هظبط زي ما انت بتقول كده يا بسام .. و هشوف ايه اللي هيحصل ..

فك الكنبه وشوف يابيشوي وبأذن الله بسيطه

فك الكنبة مش مجدي يا جماعة علي ما اعتقد لأن الطرمبة بيبقي مقفول عليها . خليها لما اروح التوكيل افضل