اختيار نيسان صنى 2012 فى هذا التوقيت الصعب ؟؟

[احمد عزت]

السلام عليكم
ارجو من اخوانى النصيحه والمشوره والمساعده على اتخاذ القرار والمساعده فى الشراء

منذ سنتين ونحن نبحث عن سياره جديد تلبى احتياجات اسرتى تتكون من اب وام وثلاث اولاد
مفيش غيرى انا وابويا بس الللى بنعرف نسوق كان عندنا عربيه زمان وبيعناها من 3 سنوات لظروف
والحمد لله ربنا كرمنا وقدرنا نجمع مبلغ نشترى بيه سياره جديده
وفضلنا لمده سنتين من البحث واللف على احسن قيمه مقابل المال

وطبعا اخواتى بيكبرو والاتنين دلوقتى فى بدايه مرحلتهم الجامعيه بس للاسف عمرهم ما ساقو عربيات وخلفيتهم ضعيفه جدا وده اللى خلانا نلغى من تفكيرنا مثلا شراء تويوتا كرولا اللى ابويا كان نفسو يجيبها

فى البدايه قررنا نجيب سانديرو او لوجان اخواتى منها يتعلمو عليها وفى نفس الوقت انا وابويا نسوقها عادى بس لظروف سن ابويا وظروف شغلى وانا داخل على جواز وهسيب البيت كان لازم اختيار سياره تناسب العيله اكتر

المهم قولنا اللى يدفعنا 76 الف فى عربيه مانيوال ورينو وقطع غيار غاليه نقسم البلد نصين
وفكرنا فى الصنى والانسر بومه اتوماتيك منها الاعتماديه والعمليه وبردو العيال تتعلم اسرع واسهل وتبقى اريح للحاج هوة الخير والبركه بردو

وكانت المشكله
1:الانسر بومه 2012 غليت 4 الف وبقت الاتوماتيك اول فئه ب 119 من غير ابى اس ولا جنوط
2:الصنى اتوماتيك اى بى اس ب 97 وبيقولو الشكل الجديد هينزل قريب

بعدها فكرت اجيب السوبر صالون ب 104 الف وتبقى كامله بكل وسائل الامان والكماليات وفى نفس الوقت فرق كبير اوى بينها وبين الانسر فى السعر
واكيد الشكل الجديد هيقعد سنه على ما ينزل واكيد اقل واجب هيبدأ ب 115 بالمقارنه بالكورى
اذا كان اليارس 1500 ب 135 الف جنيه

واذا كان على عيوب التقفيل بسيطه والتوكيل بيحلها وصيانتها وقطع غيارها الخارجيه القابله للكسر رخيصه وعلى موضوع استهلاك العالى للبنزين نسبيا ده بيقولو موديلات من 2011 فيها سنسور للبنزين غير ان الفرق على ما تستهلك العربيه 5 سنين مش هيفرق فى تمن البنزين زياده غير بتاع 3 ولا 4 الف جنيه عن اى عربيه تانيه فمش فارقه

معلش صدعتكم ووجعت دماغكم بالرغى
بس الخلاصه انى بدور على عربيه اتوماتيك اعتماديه عمليه تستحمل الظروف اللى قولتلكم عليها
وواخواتى هيتعلمو فى مراكز سواقه شويه بشويه ويسوقو وربنا يسترها وكل سنه وانتو طيبين
اخوكم فى الله

[Dr'AhmZZong]

حضرتك كل ده في الصني عموما سوبر أو ex .. حمالة قاسية فعلا ..

[Sehsss]

بص ياباشا، الصني وخاصة السوبر صالون عربية جميلة جدا، اعتمادية، قطع غيار معمرة، موتور قوي، عفشة رياضية فيها كل المميزات، عيوبها فقط ضيق الكنبة الخلفية ولكن على حساب الشنطة (460 لتر) ، ولو تقدر تستنى الشكل الجديد طبعا يبقى أفضل وعلى فكرة هاتبقى أقل من 115 ألف بشوية (كلام موثق)، وربنا يوفقك للخير

[Dr'AhmZZong]

بص ياباشا، الصني وخاصة السوبر صالون عربية جميلة جدا، اعتمادية، قطع غيار معمرة، موتور قوي، عفشة رياضية فيها كل المميزات، عيوبها فقط ضيق الكنبة الخلفية ولكن على حساب الشنطة (460 لتر) ، ولو تقدر تستنى الشكل الجديد طبعا يبقى أفضل وعلى فكرة هاتبقى أقل من 115 ألف بشوية (كلام موثق)، وربنا يوفقك للخير

[احمد عزت]

طيب حد عندو خلفيه الشكل الجديد هينزل امتى؟؟؟
والاتوماتيك هتبقى فى رينج كام مثلا

[احمد عزت]

خايف انتظر لاسباب كتيره
1:عربيه جديده يعنى الله اعلم بالعيوب اللى بتطلع فى اولب سنه
2:وده اهم نقطه عدم توافر قطع الغيار وغلوها
3:لو طلعت غاليه
4:ان الواحد محتاج لعربيه

[Sehsss]

طيب حد عندو خلفيه الشكل الجديد هينزل امتى؟؟؟
والاتوماتيك هتبقى فى رينج كام مثلا

منتصف 2012، على شهر 6 كده والمصنع حاليا مشغول في تقفيلها

[khodiry]

انت يفرق معاك الشكل اوى؟ هات ال 2012 واتكل على الله ومش حاتندم ابدا

[M.Nabeeh]

عرفت منين؟؟

[Sehsss]

خايف انتظر لاسباب كتيره
1:عربيه جديده يعنى الله اعلم بالعيوب اللى بتطلع فى اولب سنه
مافيش عربية من غير عيوب، وعربيات نيسان كلها عيوبها مش جوهرية وافتكر ان وراك توكيل محترم جدا
2:وده اهم نقطه عدم توافر قطع الغيار وغلوها
في 3 سنوات الأولى صياناتك كلها هاتبقى في التوكيل، وأعتقد سعر العربية المعقول بيحدد سعر قطع الغيار
3:لو طلعت غاليه
أنا قولت لحضرتك السعر وكلامي من مصدر في نيسان
4:ان الواحد محتاج لعربيه

انت وظروفك، انت اللي تقدر تحكم

[Sehsss]

عرفت منين؟؟


:o_stupid[1]::o_stupid[1]:

ركز شوية وانت تفتكر

[Youssef.Awad]

اتوكل عالله والنهاردة احسن من بكرة والاتنين صفقة رابحة
لو قادر تصبر يبقى استنى ولو ظروفك مش هاتقدر يبقى اشترى راحة بالك
سنتين ياراجل بتفكر تشترى ايه ؟!!!! كتير اوى

[Land_Cruiser]

اتوكل عالله والنهاردة احسن من بكرة والاتنين صفقة رابحة
لو قادر تصبر يبقى استنى ولو ظروفك مش هاتقدر يبقى اشترى راحة بالك
سنتين ياراجل بتفكر تشترى ايه ؟!!!! كتير اوى

و مفيش منافسين عدلين ليها بالسعر ده +111111

[maher75]

توكل على الله واشترى الصنى وان شاء الله مش هاتندم عربية قوية وثابتة على الطريق اكثر من اللانسر

[Ahmed.TV]

طيب مدخلتش فى الموضوع ليه التيدا !!!
التيدا موديل 2011 عليها تخفضيات حوالى 5000 جنيه من تمنها الاصلى

وكمان عربية واسعة ومحترمة جدا ومشاكلها قليلة جدا

لو اقتنعت فى موضوع فى الفهرس القسم فى الموضوعات المثبتة عن المقارنة بين الصنى والتيدا اقرائه وحيفيدك جداااااااااااا

ولو دخلت فى دماغك التيدا .. كلمنى وانا افهمك العربية .. وحتلاقى موضوع عن التيدا كمان وقصة مراحلها مثبت