طلب بسيط قبل استلام التيدا ..فتيس الاوتوماتيك ؟

[centon]

السلام عليكم ورحمة الله وبركاته

أخيرا بعد لف و دوران وحيرة استقريت على تيدا هاتشباك هايلاين
طبعا الشكر والتقدير لكل القائمين على المنتدى بوجه عام و قسم النيسان بشكل
خاص
المهم انا اول مرة اسوق اتوماتيك وخايف ابوظ الفتيس
انا شوفت ال d بمشى بيه بالعربية
وال R برجع بيه
,,وال P مور
وال 1 وال 2 مش عارف بيعمل ايه ؟
بعدين فيه زرار جانبى للفتيس مش عارف بيعمل ايه هل هو وظيفته انى بدوس عليه
اول منقل ؟
وزرارا الاوفر درايف ؟

انا شوفت فيديو للشرح بواسطة الاخ الكريم احمد تى فى
وفهمت منه حجات بس كنت محتاج شرح باستفاضة شوية
يعنى اول منزل اشغل العربية اعمل ايه ؟
لو عوزت ارجع اعمل ايه ؟
لو عوزت اوقف العربية واركن اعمل ايه ؟
خطوات باستضافة واعذرونى با جماعة اصلى موسوس شوية

[Sehsss]

البي بارك يا باشا مش مور، المور إن مش بي والأرقام 1 ، 2 دول بتستخدم في المطالع علشان بتدي عزم للسيارة بس ما بيستخدموش تقريبا

[M.Nabeeh]

المور اللي هو الn

[Sehsss]

المور اللي هو الn

ما أنا قولتله كده

[Youssef.Awad]

بص يا باشا..
اول ما تركب طبعا هاتكون العربية واقفة على الp
هاتدور لحد ما تسخن وبعدين تدوس فرامل وتنقل من p الى n وضع المور او d يعنى درايف واول ما تشيل رجلك من على الفرامل العربية هاتمشى وبعد كده بنزين وفرامل طول الطريق بدون اى لعب تانى
داخل على اشارة ووقفت هاتدوس فرامل وتنقل للn وتشد فرامل اليد لو طولت او على مطلع او منزل
وقبل ما تطفى العربية هاتجيب p تانى وشكرا
سيبك من 1و2 دول لحد اما تتمكن من العربية وبرضه سيبك من الزرار اللى جنب الفتيس لأنه مثبت للنقلة اوفر درايف للشد والسحب وحجز النقلة

[night_whisper]

بص يا باشا..
اول ما تركب طبعا هاتكون العربية واقفة على الp
هاتدور لحد ما تسخن وبعدين تدوس فرامل وتنقل من p الى n وضع المور او d يعنى درايف واول ما تشيل رجلك من على الفرامل العربية هاتمشى وبعد كده بنزين وفرامل طول الطريق بدون اى لعب تانى
داخل على اشارة ووقفت هاتدوس فرامل وتنقل للn وتشد فرامل اليد لو طولت او على مطلع او منزل
وقبل ما تطفى العربية هاتجيب p تانى وشكرا
سيبك من 1و2 دول لحد اما تتمكن من العربية وبرضه سيبك من الزرار اللى جنب الفتيس لأنه مثبت للنقلة اوفر درايف للشد والسحب وحجز النقلة

اسمح لى يوسف أنى اضيف أن فى زرار اعلى الفتيس شمال لازم يدوس علية و هو بينقل أى نقلة علشان الفتيس يتحرك غير كدة الفتيس مش هيتحرك

[Sehsss]

اسمح لى يوسف أنى اضيف أن فى زرار اعلى الفتيس شمال لازم يدوس علية و هو بينقل أى نقلة علشان الفتيس يتحرك غير كدة الفتيس مش هيتحرك

[Dr'AhmZZong]

بص يا باشا..
اول ما تركب طبعا هاتكون العربية واقفة على الp
هاتدور لحد ما تسخن وبعدين تدوس فرامل وتنقل من p الى n وضع المور او d يعنى درايف واول ما تشيل رجلك من على الفرامل العربية هاتمشى وبعد كده بنزين وفرامل طول الطريق بدون اى لعب تانى
داخل على اشارة ووقفت هاتدوس فرامل وتنقل للn وتشد فرامل اليد لو طولت او على مطلع او منزل
وقبل ما تطفى العربية هاتجيب p تانى وشكرا
سيبك من 1و2 دول لحد اما تتمكن من العربية وبرضه سيبك من الزرار اللى جنب الفتيس لأنه مثبت للنقلة اوفر درايف للشد والسحب وحجز النقلة

اسمح لى يوسف أنى اضيف أن فى زرار اعلى الفتيس شمال لازم يدوس علية و هو بينقل أى نقلة علشان الفتيس يتحرك غير كدة الفتيس مش هيتحرك

حاجة كمان اوعى تجيب p وإنت ماشي لازم وإنت واقف تماما ..
كل نقلات الفتيس الاوتوماتيك لازم العربية تكون واقفة .. عشان تنقل من نقلة للتانية .. مثل مثلا لو إنت عايز تركن .. طبعا إنت جاي من مشوار على d .. هتقف تماما .. وإنت دايس فرامل .. تدوس على الزرار الفضي .. تجيب r .. و هكذا
بقى
تجيب n فالاشارة لو الاشارة اطول من دقيقة .. لو اقل من كده .. خليك على d .. و دوس فرامل ... مش لازم تجيب n ..

[Sehsss]

حاجة كمان اوعى تجيب p وإنت ماشي لازم وإنت واقف تماما ..
كل نقلات الفتيس الاوتوماتيك لازم العربية تكون واقفة .. عشان تنقل من نقلة للتانية .. مثل مثلا لو إنت عايز تركن .. طبعا إنت جاي من مشوار على d .. هتقف تماما .. وإنت دايس فرامل .. تدوس على الزرار الفضي .. تجيب r .. و هكذا
بقى
تجيب n فالاشارة لو الاشارة اطول من دقيقة .. لو اقل من كده .. خليك على d .. و دوس فرامل ... مش لازم تجيب n ..

[night_whisper]

sehsss قاعد بيشجع فى الباب دة

[aif]

خلي بالك اول ما تسوق اوتو وانت متعود على منيوال ح تلاقي رجلك الشمال لا اراديا بتدوس مكان الدبرياج لما تيجي تقف ..... وطبعا مافيش دبرياج .... ح تدوس ع الفرامل وتلاقي نفسك مفرمل بشدة وفجأة بدون سابق انذار وممكن اللي معاك بخبطو ف التابلوة
خد العربية الاول في حتة فاضية وامشي بيها شويه لوحدك واتعود على الاوتو علشان رجلك تاخد عليه
وبعد شهرين ح تلاقي نفسك عاوز تبيع المنيوال وتغيرها لأوتو .... زيي كدة :-))
وكمان خلي بالك ان الاوتو لو انت على ال d او r بتتحرك بدون دوس بنزين .... يعني لازم تلاحظ ان رجلك تكون ع الفرامل وانت واقف .... او تمور العربية n
بالتوفيق ان شاء الله والف مبروك

[aif]

وكمان العربية ح ترفض تدور لو كانت على d او r
ده احتياط علشان العربية ما تتحركش اول ما تدور وكمان حماية للفتيس

[night_whisper]

خلي بالك اول ما تسوق اوتو وانت متعود على منيوال ح تلاقي رجلك الشمال لا اراديا بتدوس مكان الدبرياج لما تيجي تقف ..... وطبعا مافيش دبرياج .... ح تدوس ع الفرامل وتلاقي نفسك مفرمل بشدة وفجأة بدون سابق انذار وممكن اللي معاك بخبطو ف التابلوة
خد العربية الاول في حتة فاضية وامشي بيها شويه لوحدك واتعود على الاوتو علشان رجلك تاخد عليه
وبعد شهرين ح تلاقي نفسك عاوز تبيع المنيوال وتغيرها لأوتو .... زيي كدة :-))
وكمان خلي بالك ان الاوتو لو انت على ال d او r بتتحرك بدون دوس بنزين .... يعني لازم تلاحظ ان رجلك تكون ع الفرامل وانت واقف .... او تمور العربية n
بالتوفيق ان شاء الله والف مبروك

أخى الحبيب أنت كدة هتقلق الراجل
الموضوع بسيط جداً هى ربع ساعة و يكون عارف كل حاجة فى الفتيس
الأتوماتيك سهل جدآ
زى عربيات الملاهى
بنزين و فرامل بس
و صعب يدوس فرمله و هو دايس بنزين فى الأتوماتيك لان المسافة بينهم هما نفس مسافة فى المانوال زى ما هو متعود بنزين و فرمله
يعنى لو حرك رجله الشمال لا أراديآ مش هيلاقى حاجة يدوس عليها

[Sehsss]

أخى الحبيب أنت كدة هتقلق الراجل
الموضوع بسيط جداً هى ربع ساعة و يكون عارف كل حاجة فى الفتيس
الأتوماتيك سهل جدآ
زى عربيات الملاهى
بنزين و فرامل بس
و صعب يدوس فرمله و هو دايس بنزين فى الأتوماتيك لان المسافة بينهم هما نفس مسافة فى المانوال زى ما هو متعود بنزين و فرمله
يعنى لو حرك رجله الشمال لا أراديآ مش هيلاقى حاجة يدوس عليها

[Omar_4ever]

بص يا باشا اولا
P = park تجيبه لما تركن العربية وخلاص هتنزل منها
R = ريويس
N = المور - يعني لو واقف في اشارة او زحمة
D = عشان تمشي لقدام والعربية هتنقل لوحدها
2 ,1 دي كأنها مانيوال بالظبط بس نقلتين عشان لو حبيت تطلع مطلع جامد ولا حاجة وغالبا مش هتستخدمهم
----------------------
الزرار الكبير إلي في الشمال ده لازم تدوس عليه مع الفرامل وانت بتنقل من ال p للــ R والعكس
والزرار الصغير إلي عالشمال ده بتاع الأوفر درايف ( بيدي عزم اقوي وبيسحب بنزين اكتر) هتسخدمه لما تعوز تاخد غرزة مثلا ويستحتسن متسخدموش في فترة التليين خالص

اتمني اكون افدتك وبحييك على اختيارك لأفضل سيارة هاتشباك في فئتها وربنا يباركلك فيها ان شاء الله