برجاء تسعير هذه السيارة

[amr3elrouby]

مساء الفل على وحوش الصنى ......قدامى صنى 2009 اوتوماتيك كامله وسى دى سونى وايرباج وكاوتش ميشلان جديد وفرش بيج وبصراحة العربيه بحالة الزيرو من بره وجوه وعامله 45000 الف كيلو لون كحلى وكمان صاحبها بيقول انها يابانى مع العلم بأننى لم ارى الرخصة .......بصراحه يا جماعه العربيه تحفه وانا جديد على النيسان .....فأرجو النصيحه من الخبراء

[Dr'AhmZZong]

من رأي تكشف عليها في التوكيل .. وعلى حسب الكشف .. هتعرف .. وهم ممكن يقولولك على سعر مناسب .. على حسب الحالة

[amr3elrouby]

هوطالب 82 الف جنية

[goudamahdy]

من رأي تكشف عليها في التوكيل .. وعلى حسب الكشف .. هتعرف .. وهم ممكن يقولولك على سعر مناسب .. على حسب الحالة

وليه يا باشا كاوتش ميشلان الاصلي اللي بينزل مع العربية " بريدجستون " .... الا لو كان هو غيرو بعد الـــ 40000 وده مستبعد ...
ثانيا " هو بيقول ياباني " هو فيه صني مش ياباني " إلا لو يقصد خليجي مثلا ....ده اكيييييد تاااجر

يا ريت حضرتك تقولنا هو طالب فبها كام وهي اي اكس ولا سوبر صالون

[WalidAdel]

بالنسبه لحتة ياباشا دي كل الصني ياباني تقفيل مصري معادا اللي قبل 2004-2005 تقريبا كانت ياباني تقفيل اليابان
و في الشكل المختلف اللي هو شكل الرينو سكالا هو هو بس ده ياباني تقفيل كوري باجزاء من كوري
نيسان كلها كلها بتنزل ب كاوتش بردجستون ماعرفش ايه موضوع ميشلان ده يمكن مغيره
ياريت حضرتك تخش علي اي موقع سيارات بنفسك و شوف الاسعار ماشيه ازاي علي حسب الحاله و ساعتها هاتقدر تقيم العربيه اللي قدامك علي حسب اللي شوفتخ و حالتها و كده بالسعر الصح في نظرك انت لانك انت اللي هادفع الفلوس
بس مبدائيا لو حاله نمره واحد فابريكه بره و جوه صيانه في التوكيل و كده ممكن تخلص ب 79 - 80 علي القصي تقدير ..... و الله اعلم

[Land_Cruiser]

يابانى - سى دى سونى - كاوتش ميشلان و موديل ٢٠٠٩؟ ياريت تعرف منه معلومات اكتر هو جايبها منين و ليها ضمان هنا و لا لاء لان المفروض الكاسيت بايونير و الكاوتش بريدجستون و العربيه تقفيل مصرى و اعتقد حتى ان الخليجى تقفيل كورى وواضح من السعر انها سوبر صالون

[night_whisper]

الكاست عندى فى نيسان سوبر صالون 2009 ------- kenwood مش بايونير و لا سونى

[amr3elrouby]

لاخاب من استشار .....وبصراحه يا جماعه انا قلقت من الراجل ده وهاصرف نظر لانه ماسك فى 82 وكمان ان باكره الكذب واشكر عتاولة النيسان على تقديم المشورة ..............وكل عام والجميع بخير

[M.Nabeeh]

لاخاب من استشار .....وبصراحه يا جماعه انا قلقت من الراجل ده وهاصرف نظر لانه ماسك فى 82 وكمان ان باكره الكذب واشكر عتاولة النيسان على تقديم المشورة ..............وكل عام والجميع بخير

[Youssef.Awad]

لاخاب من استشار .....وبصراحه يا جماعه انا قلقت من الراجل ده وهاصرف نظر لانه ماسك فى 82 وكمان ان باكره الكذب واشكر عتاولة النيسان على تقديم المشورة ..............وكل عام والجميع بخير

يافندم كلنا تحت أمرك فى اى سؤال وعشان تجيب من الاخر مع الراجل ده تاخد العربية وتكشف عنها فى التوكيل
اتوايجيبت ابورواش ب247.5ج هايعملك تقرير مفصل مالوش حل يجيبلك بيه تاريخ العربية وحالة كل مسمار فيها ولو ما وافقش سيبك منه خالص واشترى راحة بالك لأنه واضح ان العربية دى مش مزبوطة من كلامه
اليابانى اللى نزل مصر كان اخره 2005 والكاسيت والكاوتش شكلهم متغيرين !!!

[Ahmed.TV]

فعلا اطلع على التوكيل زى اتو ايجيبت واعمل فيه تقرير مفصل عن السيارة

بيشمل الكهرباء والماتور والعفشة والسمكرة .. وبيكشوفوا عليها بالكمبيوتر وبعرفوا كل حاجة فيها .. وبيبصوا علىا لشاسيه وحالة الماتور

وكل ده ب247 جنيه .. وان شاء الله خير

وبعدين الراجل مغلطش .. قالك يابانى .. وهى العربية فعلا ماتورها يابانى .. وشكله بيتكلم فى كدا .. ان اساسيات العربية يابانى .. لكن بعض الحاجات الاخرى المصرى فى التقفيل مهتمش يقولك عليها لانها مش فارقة معاه

وده اعتقد اللى فى دماغه

وان شاء الله خير

وربنا يوفقك

[Land_Cruiser]

الكاست عندى فى نيسان سوبر صالون 2009 ------- kenwood مش بايونير و لا سونى

اسف هو كينوود فعلا أنا عندى برضه بس يمكن علشان محبوش بتلغبط فى اسمه :)