إعـــــــلان

Collapse

.

,
See more
See less

تقرير استثنائى عن استهلاك البنزين فى الصنى على مدار سنة ونصف ... حصريا

Collapse
X
 
  • Filter
  • الوقت
  • Show
Clear All
new posts

  • تقرير استثنائى عن استهلاك البنزين فى الصنى على مدار سنة ونصف ... حصريا

    بسم الله الرحمن الرحيم

    (حصريا .. لأعضاء نايل موتورز وخاصة صقور النيسان)

    إليكم تقرير مفصل واستثنائى عن معدل استهلاك البنزين فى الصنى على مدار سنة ونصف فى الفترة من 6-2010 حتى
    12-2011
    -----------------
    كما وعدتكم دائما بالجديد والمتميز فى موضوعاتى ومشاركاتى الدورية بالمنتدى عامة وقسم نيسان خاصة .. قررت ان أعد تقريرا مفصلا يتناول متابعاتى الدورية لاستهلاك البنزين فى الصنى على المدى الطويل وهى فترة كافية للوقوف على صحة ما يتردد من شائعات وكلام على لسان من لم يركبوا السيارة أو من يركبوها ولديهم قناعة بأنها تستهلك بنزين أكثر من مثيلاتها فى نفس الفئة وهذا أمر عارٍ تماما من الصحة والدليل المادى هو عندما طرح منسق القسم الاخ العزيز أحمد مصطفى Ahmed.TV من فترة ليست بالبعيدة موضوع بعنوان (اللى فقط بيعمل من ملاك الصنى معدل اكتر من 180 فى الصفيحة فى استهلاك البنزين يدخل هنا)
    http://www.nilemotors.net/Nile/227761-180.html

    وجاءت اغلبية المشاركات من الاعضاء مغايرة للادعاءات المطروحة من قبل البعض

    وحتى ان وُجدت بعض المشاركات المخالفة للاستهلاك المعتاد .. تبين ان السبب يرجع بالاساس لاسلوب القيادة وتوقيت الانتقال بين السرعات وحالة السيارة وغيرها من الاسباب التى تناولناها باستفاضة كبيرة فى أوقات سابقة.

    مواصفات السيارة

    الطراز: نيسان صنى
    الفئة: EX SALOON بدون ABS
    الموديل: 2010
    ناقل الحركة: يدوى Manual
    عداد: 60.000 كم
    نوع الوقود: بنزين 92 اوكتان
    نوع الزيت: توتال حتى 10.000 كم وموبيل وان حتى 60.000 كم
    ضفيرة الكهرباء: تم تغييرها فى الضمان عند 40.000 كم
    حساس الاوكسجين: متوفر قياسيا
    اسلوب القيادة: متوسط وعقلانى فى اغلب الاحيان ونقل السرعات يتم على 2.5-3.5 RPM
    الطرق: مختلط داخل وخارج المدينة بنسبة 30% - 70%
    ضغط الاطارات: نيتروجين 32 أمامى - 29 خلفى

    (كشف مفصل بكميات البنزين وقراءات العداد)


    وكما لاحظتم اجمالى كمية الوقود 4859.5 لتر
    بمتوسط استهلاك 12.3469 كم / لتر او 247 كم / الصفيحة

    وما يعادل 8990 جنيه
    ----------------------------------------------
    (بالصور .. مؤشر عداد الوقود وما يعادلها بالكيلومترات)
    (1)
    التانك مملوء للآخر أى ما يعادل 50 لتر

    (2)
    3/4 التانك أى ما يعادل السير لمسافة 100 كم أو استهلاك 8 لتر (متبقى 42 لتر)

    (3)
    1/2 التانك أى ما يعادل السير لمسافة 200-210 كم أو استهلاك 16-17 لتر (متبقى 33-34 لتر)

    (4)
    1/4 التانك أى ما يعادل السير لمسافة 380-400 كم أو استهلاك 30-32 لتر (متبقى 18-20 لتر)

    (5)
    عندما تضىء لمبة الوقود أى ما يعادل السير لمسافة 440-460 كم أو استهلاك 35-37 لتر (متبقى 13-15 لتر)

    (6)
    قرب فراغ التانك واستهلاك احتياطى الوقود أى ما يعادل السير لمسافة 560-595 كم أو استهلاك 45-48 لتر (متبقى 2-5 لترات)


    وفى النهاية .. اتمنى من الله ان يكون التقرير قد نال رضاكم وفى انتظار ردودكم ومشاركاتكم وآراءكم بإذن الله.
    --------------------------
    اعداد وتنسيق وكتابة
    يوسف عوض
    Y2Y1500@NILEMOTORS.COM
    [COLOR=black]Y2Y1500 سابقا[/COLOR]

  • #2
    تقرير استثنائى عن استهلاك البنزين فى الصنى على مدار سنة ونصف ... حصريا

    ....بعد أن عرضت عليكم كشف تفصيلى باستهلاك البنزين فى نيسان صنى مانيوال مو2010 .. تكررت المشاركات من بعض الاعضاء داخل القسم مطالبة ضمنية بالمقارنة بينها وبين الاوتوماتيك لقطع الشك باليقين فى شائعة استهلاك الصنى العالى للوقود وهو ما فندناه سلفاً فى مواضيع كُثر ومشاركات أكثر ردا على من يردد الكلام المرسل وغير الموثق وإن فرضنا وقام أحد الاعضاء بالحساب الفعلى يكون فى ظروف قيادة قاسية كالحرق ع الغيارات أو تشغيل التكييف أو أحمال زائدة أو سرعات عالية جدا وغيرها من المتغيرات الغير معبرة عن متوسط الاستهلاك الفعلى للسيارة والحكم بكل حيادية دون زيادة أو نقصان

    وقبل أن انتهى من تقريرى ويخرج اليكم ، وجدت الاخ العزيز الاستاذ أيمن aiman0173 يطلب منى اضافة متابعته لاستهلاك سيارته هو الآخر وطبعا لم أفكر .. وهذا هو تقريره الموجز بين أيديكم مكملا لتقريرى المتواضع جامعا بين طرفى النزاع (مانيوال - اوتوماتيك) فى النيسان صنى.

    مواصفات السيارة

    الطراز: نيسان صنى
    الفئة: EX SALOON
    الموديل: 2010
    ناقل الحركة: اوتوماتيك Automatic

    عداد: 13.165 كم
    نوع الوقود: بنزين 92 اوكتان
    حساس الاوكسجين: غير متوفر

    (كشف مفصل بكميات البنزين وقراءات العداد)


    وكما لاحظتم اجمالى كمية الوقود 1437.32 لتر
    بمتوسط استهلاك 9.15 كم / لتر او 183 كم / الصفيحة


    [COLOR=black]Y2Y1500 سابقا[/COLOR]

    Comment


    • #3
      هايل يا يوسف، تقرير جميل

      Comment


      • #4
        100 -100

        Comment


        • #5
          ممتاز

          بس الجدول مش شايف منه حاجه
          [B][COLOR="DarkRed"][SIZE="5"]
          أوعاااااا الكلبش يعٌضك[/SIZE][/COLOR][/B]

          Comment


          • #6
            يااااااااااااااه ده أنت صبور قوي يا اخي ..
            استهلاك ممتاز بصراحة يا دوك ..
            ومتشكرين قوي قوي قوي على الافادة والتجربة الأكثر من رائعة ديه ..
            تحياتي من كل قلبي ..........

            Comment


            • #7
              شايل كل ده في قلبك سنه ونصف وسااااكت
              [B][COLOR="DarkRed"][SIZE="5"]
              أوعاااااا الكلبش يعٌضك[/SIZE][/COLOR][/B]

              Comment


              • #8
                تقرير جميل من شخص جميل
                ربنا يباركلك فيها يارب

                Comment


                • #9
                  بصراحة يا يوسف تقرير راااااااااااااااااااااااااااااااااااائع جدا و فعلا انت عندك صبر غير عادي
                  بس معلش بقي ليا ملحوظة في حتة الاستهلاك :
                  1- الاستهلاك بتاع العربية ده كله اكيد اكيد مسافات بعيدة يعني مش جوا البلد
                  2- المفروض اننا منساويش طبعا بين المانيوال و الاوتوماتيك يعني فعلا المانيوال في الصني مبتستهلكش بنزين زي الاوتوماتيك طبعا
                  3- انا معايا الاوتوماتيك و هي بتعمل في المسافات الطويلة لـ 11.50 كيلو او 12 كيلو في اللتر


                  شكرا يا باشا علي التقرير و علي تعبك الغالي
                  [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

                  [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

                  Comment


                  • #10
                    المشاركة الأصلية كتبت بواسطة peaceman مشاهدة المشاركة
                    بصراحة يا يوسف تقرير راااااااااااااااااااااااااااااااااااائع جدا و فعلا انت عندك صبر غير عادي
                    بس معلش بقي ليا ملحوظة في حتة الاستهلاك :
                    1- الاستهلاك بتاع العربية ده كله اكيد اكيد مسافات بعيدة يعني مش جوا البلد
                    2- المفروض اننا منساويش طبعا بين المانيوال و الاوتوماتيك يعني فعلا المانيوال في الصني مبتستهلكش بنزين زي الاوتوماتيك طبعا
                    3- انا معايا الاوتوماتيك و هي بتعمل في المسافات الطويلة لـ 11.50 لتر و ساعات 12 لتر في الصفيحة

                    شكرا يا باشا علي التقرير و علي تعبك الغالي
                    12 لتر في الصفيحة ازاي يا بيشو:b4_556:

                    Comment


                    • #11
                      المشاركة الأصلية كتبت بواسطة sehsss مشاهدة المشاركة
                      هايل يا يوسف، تقرير جميل
                      تسلم ياغالى .. انت اللى جميل

                      المشاركة الأصلية كتبت بواسطة egyptiandiver مشاهدة المشاركة
                      100 -100
                      شكرا جزيلا ..

                      المشاركة الأصلية كتبت بواسطة M.Nabeeh مشاهدة المشاركة
                      ممتاز

                      بس الجدول مش شايف منه حاجه
                      شايل كل ده في قلبك سنه ونصف وسااااكت
                      هههههههههههههههههه افتح الصورة وكبرها عشان تعرف تشوفها يا نبيييييييييه
                      وشوفت بقى عشان تعرف انى مش بالعب من اول ما استلمت العربية ولسه كله مكتوب وهايطلع فى الوقت المناسب


                      المشاركة الأصلية كتبت بواسطة Ahmazong مشاهدة المشاركة
                      يااااااااااااااه ده أنت صبور قوي يا اخي ..
                      استهلاك ممتاز بصراحة يا دوك ..
                      ومتشكرين قوي قوي قوي على الافادة والتجربة الأكثر من رائعة ديه ..
                      تحياتي من كل قلبي ..........
                      1000 شكر يا ابو حميد والموضوع اسهل ما يمكن فى كل تفويلة حاطط نوتة صغيرة فى العربية باسجل فيها القراءة واللترات والتاريخ عشان الفواتير كمان باقدمها للشغل ومش بتاخد اكتر من 15 ثانية
                      ودلوقت لقيت عندى بيانات تكفى لاعداد تقرير مفصل ومتابعة على المدى الطويل 60 الف كم وسنة ونصف فقولت افيدكم بيه ويبقى مرجع لكل من تسول له نفسه ويتعدى على الصنى ويعيب فيها انها حريقة بنزين وغيرها

                      المشاركة الأصلية كتبت بواسطة SHeRif55555 مشاهدة المشاركة
                      تقرير جميل من شخص جميل
                      ربنا يباركلك فيها يارب

                      شكرا جزيلا يا شريف وعقبال ما نشوف تقاريرك قريب باذن الله ويباركلك فى عربيتك انت كمان

                      المشاركة الأصلية كتبت بواسطة Peaceman مشاهدة المشاركة
                      بصراحة يا يوسف تقرير راااااااااااااااااااااااااااااااااااائع جدا و فعلا انت عندك صبر غير عادي
                      بس معلش بقي ليا ملحوظة في حتة الاستهلاك :
                      1- الاستهلاك بتاع العربية ده كله اكيد اكيد مسافات بعيدة يعني مش جوا البلد
                      2- المفروض اننا منساويش طبعا بين المانيوال و الاوتوماتيك يعني فعلا المانيوال في الصني مبتستهلكش بنزين زي الاوتوماتيك طبعا
                      3- انا معايا الاوتوماتيك و هي بتعمل في المسافات الطويلة لـ 11.50 كيلو او 12 كيلو في اللتر


                      شكرا يا باشا علي التقرير و علي تعبك الغالي

                      تسلم يا بيشوى وكل سنة وانت طيب .. دى هديتى ليك فى العيد يا جميل
                      وبالنسبة لتساؤلاتك:
                      1- انا كاتب فى التقرير 30% جوة البلد - 70% طرق سريعة ودى نسبة متوسطة لأنى بانزل القاهرة كتير وباسوق ساعات طويلة فى الزحمة ووسط البلد وكمان الزراعى دلوقت نادرا ما بيكون فاضى وكل شوية يقف فافتكر انه كده تقرير عادل جدااا
                      2- طبعا اتفق معاك ان الاتوماتيك استهلاكها اعلى حاجة بسيطة وعشان كده التقرير بقصد متوسط استهلاك سنة ونصف فى ظروف مختلفة وفيها تليين فى الاول وحرق فى الفترة الاخيرة (نادرا ما بقيت اجيب الخامس فى اخر 6 شهور ولو جبته بيكون فوق ال110 كم/س)
                      3- كده يبقى مفيش فرق كبير بينى وبينك وكمان انت بدون حساس اوكسجين يعنى الفرق بسيط بس افتكر انا فى الطوالى باعمل اكتر من 12 كم فى اللتر يعنى ممكن 14 تقريبا
                      العفو يا بيشو لا تعب ولا حاجة
                      [COLOR=black]Y2Y1500 سابقا[/COLOR]

                      Comment


                      • #12
                        المشاركة الأصلية كتبت بواسطة y2y1500 مشاهدة المشاركة




                        1000 شكر يا ابو حميد والموضوع اسهل ما يمكن فى كل تفويلة حاطط نوتة صغيرة فى العربية باسجل فيها القراءة واللترات والتاريخ عشان الفواتير كمان باقدمها للشغل ومش بتاخد اكتر من 15 ثانية
                        ودلوقت لقيت عندى بيانات تكفى لاعداد تقرير مفصل ومتابعة على المدى الطويل 60 الف كم وسنة ونصف فقولت افيدكم بيه ويبقى مرجع لكل من تسول له نفسه ويتعدى على الصنى ويعيب فيها انها حريقة بنزين وغيرها



                        فعلا مرجع هايل بجد ..
                        وفي قسم المقرنات أي حد هيقول إنها حريقة بنزين هروح رزعو التقرير ده ..

                        Comment


                        • #13
                          المشاركة الأصلية كتبت بواسطة Ahmazong مشاهدة المشاركة
                          فعلا مرجع هايل بجد ..
                          وفي قسم المقرنات أي حد هيقول إنها حريقة بنزين هروح رزعو التقرير ده ..
                          اى خدمة يا معلم .. مش هاوصيك بقى
                          [COLOR=black]Y2Y1500 سابقا[/COLOR]

                          Comment


                          • #14
                            المشاركة الأصلية كتبت بواسطة y2y1500 مشاهدة المشاركة
                            اى خدمة يا معلم .. مش هاوصيك بقى
                            سيبلي الموضوع ده

                            Comment


                            • #15
                              تقرير ممتاز زى ما توقعت :) شكرًا جزيلا يا باشا بس هو حساس الاكسجين ده نزل ابتداء من مو ٢٠١١ و لا أنا متلغبط؟

                              Comment

                              Working...
                              X