استفسار عن نيسان تيدا

[mabdelghany]

السلام عليكم جميعا يا صقور نيسان ...

أنا عايز أشتري نيسان تيدا، ولما سألت في معرض عنها قاللي في منها آخر واحدة موديل 2011 هاتشباك بلس وفتحة سقف بسعر حلو جدا.. بس كنت خايف من كونها متخزنة بقالها سنة. فهل حد هنا اشترى موديل 2011 قريب يقوللي عاملة معاه إيه؟

حاجة تانية مخوفاني لما قعدت فيها، وأنا مش قصير، مكنتش شايف آخر الكبوت. وبرضه حسيت ان الزجاج ورا ضيق فدا مخوفني شوية من سواقتها ومخليني أفكر في السيدان.

يا ريت لو حد يا جماعة يفيدني في الموضوع ده عشان عايز اشتري ومحتار.........!!.

[Omar_4ever]

بالنسبة لموضوع التخزين ده مش هقدر انا افيدك فيه
لكن بالنسبة لموضوع الكبوت انت مش محتاج تشوفه، لما تسوقها هتعرف تقدر المسافة وعلى فكره كبوتها مش طويل
اما بالنسبة لموضوع الزجاج الخلفي ده بس بتهيقلك عشان يمكن انت متعود على ازاز اكبر من كده
لكن الرؤية من خلاله واضحة جدا وعمري ما قابلتني مشكلة في الموضوع ده

ونصيحتي ليك جرب سوقها الأول من اي حد عشان تحكم بنفسك وتبقى مقتنع وصدقني عمرك ما هتندم على نيسان تيدا

متابع لإهتمام ....

[Dr'AhmZZong]

بالنسبة لموضوع التخزين ده مش هقدر انا افيدك فيه
لكن بالنسبة لموضوع الكبوت انت مش محتاج تشوفه، لما تسوقها هتعرف تقدر المسافة وعلى فكره كبوتها مش طويل
اما بالنسبة لموضوع الزجاج الخلفي ده بس بتهيقلك عشان يمكن انت متعود على ازاز اكبر من كده
لكن الرؤية من خلاله واضحة جدا وعمري ما قابلتني مشكلة في الموضوع ده

ونصيحتي ليك جرب سوقها الأول من اي حد عشان تحكم بنفسك وتبقى مقتنع وصدقني عمرك ما هتندم على نيسان تيدا

متابع لإهتمام ....

و بالنسبة لموضوع التخزين لازم تجيب العربية من مركز معتمد للعربية زي السبع أو أوتوا اجيبت أو مودرن

[AhmdDomar]

السلام عليكم جميعا يا صقور نيسان ...

أنا عايز أشتري نيسان تيدا، ولما سألت في معرض عنها قاللي في منها آخر واحدة موديل 2011 هاتشباك بلس وفتحة سقف بسعر حلو جدا.. بس كنت خايف من كونها متخزنة بقالها سنة. فهل حد هنا اشترى موديل 2011 قريب يقوللي عاملة معاه إيه؟

حاجة تانية مخوفاني لما قعدت فيها، وأنا مش قصير، مكنتش شايف آخر الكبوت. وبرضه حسيت ان الزجاج ورا ضيق فدا مخوفني شوية من سواقتها ومخليني أفكر في السيدان.

يا ريت لو حد يا جماعة يفيدني في الموضوع ده عشان عايز اشتري ومحتار.........!!.

بالنسبه لرؤية الكبوت أنا كنت زيك كده وبعد ركوب العربيه إتعودت على أبعادها وكله بقى تمام التمام .

بالنسبه لموضوع الزجاج الخلفي مش هيفرق معاك قوي ، ولكنك ستعتمد على المرايا الجانبيه اللي هي هتنقل الرؤيه بوضوح .

بالنسبه للتخزين العمليه نسبيه هل فرق السعر كبير بحيث يخليك تشتري عربيه موديلها الجديد نزل أو هينزل خلال فتره وجيزه ، وهل هناك فرق كبير في الأوبشنز بين الموديل القديم والجديد ، وعموما التخزين مش هيأثر إلا على الكاوتش لو متخزنه مثلا من فتره طويله وزيت الموتور اللي كده كده بيتغير غي صيانة ال 1000 كم ، بس بص على العربيه كويس ممكن يكون فيها خدش ولا حاجه علشان التخزين وده عموما بيتعمل حسابه في السعر .

[m_love4me]

وعلى فكره موضوع الكبوت فى الهاتشباك زي السيدان بالظبط

انا معايا سيدان 2011 , وما بشوفش اخر الكبوت , او حتى من نصه , بس عادى جدا الموضوع تعود مش اكتر

[Ali_Abo_Amr]

انا لسه شارى واحده 2011 لزميلي سيدان بلس ... وبيدعيلي :)
توكل على الله مش هاتندم ... وخلى بالك ان الهاتش عليها عرض سعر حلو قوى كان فى السبع المعادى 125.500 بدل 128.500 مش عارف لسه موجوده ولا لأ ... كانت بيج بره وجوه تحفة ...
وواحد تانى فى اول شارع النزهه زميلي شاف عنده عرض تانى على السيدان بـ ..................... 121.500 تخيل !!!!
يا تلحق يا متلحقش
وبالتوفيق ان شاء الله

[mabdelghany]

يا جماعة مش عارف أشكركم إزاي على الردود السريعة والوافية...

و بالنسبة لموضوع التخزين لازم تجيب العربية من مركز معتمد للعربية زي السبع أو أوتوا اجيبت أو مودرن

دا اللي هيحصل فعلاً ان شاء الله

بالنسبه لرؤية الكبوت أنا كنت زيك كده وبعد ركوب العربيه إتعودت على أبعادها وكله بقى تمام التمام .

بالنسبه لموضوع الزجاج الخلفي مش هيفرق معاك قوي ، ولكنك ستعتمد على المرايا الجانبيه اللي هي هتنقل الرؤيه بوضوح .

بالنسبه للتخزين العمليه نسبيه هل فرق السعر كبير بحيث يخليك تشتري عربيه موديلها الجديد نزل أو هينزل خلال فتره وجيزه ، وهل هناك فرق كبير في الأوبشنز بين الموديل القديم والجديد ، وعموما التخزين مش هيأثر إلا على الكاوتش لو متخزنه مثلا من فتره طويله وزيت الموتور اللي كده كده بيتغير غي صيانة ال 1000 كم ، بس بص على العربيه كويس ممكن يكون فيها خدش ولا حاجه علشان التخزين وده عموما بيتعمل حسابه في السعر .

طمنتني ، أصل انا متعود اشوف كبوت العربية بتاعتي وانا سايق، وكمان الزجاج الخلفي كبير ومبين كل حاجة.
وبالنسبة للعربية 2011 اللي شفتها، الأوبشنز هي هي 2012 .. ولا مسمار زيادة. بس زي ما قلت الواحد يتأكد من الخدوش والكاوتش.

وعلى فكره موضوع الكبوت فى الهاتشباك زي السيدان بالظبط

انا معايا سيدان 2011 , وما بشوفش اخر الكبوت , او حتى من نصه , بس عادى جدا الموضوع تعود مش اكتر

تمام كدا بكرة أتعود انا كمان ان شاء الله

انا لسه شارى واحده 2011 لزميلي سيدان بلس ... وبيدعيلي :)
توكل على الله مش هاتندم ... وخلى بالك ان الهاتش عليها عرض سعر حلو قوى كان فى السبع المعادى 125.500 بدل 128.500 مش عارف لسه موجوده ولا لأ ... كانت بيج بره وجوه تحفة ...
وواحد تانى فى اول شارع النزهه زميلي شاف عنده عرض تانى على السيدان بـ ..................... 121.500 تخيل !!!!
يا تلحق يا متلحقش
وبالتوفيق ان شاء الله

أنا سألت فعلا النهاردة الصبح واحد في السبع قاللي كل موديلات 2011 اتباعت...!!
بس هو السؤال دلوقتي فتحة السقف دي كويسة ولا بتعمل مشاكل (تتكسر مثلا) أوالحواف بتاعتها تصدي بعد كدا....؟! وهل بتأثر على سقف العربية في حاجة ؟؟

[samyyousef]

السلام عليكم
بمناسبة هذا الموضوع لي سؤال
بالنسبة لذوي الأحجام الكبيرة و الطوال هل كرسي السائق مريح و المساحة بينة و بين عجلة القياة واسعة مثل الماتركس و الكارينز؟
هل عفشة السيارة ناعمة؟؟
شكرا

[Dr'AhmZZong]

السلام عليكم
بمناسبة هذا الموضوع لي سؤال
بالنسبة لذوي الأحجام الكبيرة و الطوال هل كرسي السائق مريح و المساحة بينة و بين عجلة القياة واسعة مثل الماتركس و الكارينز؟
هل عفشة السيارة ناعمة؟؟
شكرا

العربية فعلا مريحة جدا لحضرتك .. وعفشتها نعمة برده

[Sehsss]

العربية فعلا مريحة جدا لحضرتك .. وعفشتها نعمة برده

[tarek08]

و بالنسبة لموضوع التخزين لازم تجيب العربية من مركز معتمد للعربية زي السبع أو أوتوا اجيبت

+1+1+1+11111111111111111

[valantin00]

يا جماعة لو تكرمتوا انا قدامي تيدا ٢٠٠٦ هاتشباك عاملة ٨٠ الف كيلو ب ٦٧٠٠٠ رشة جانيبين يا تري السعر دة مناسب ؟ و ايه هية عيوب العربية؟ و ايه اخبارها في ال resale ؟ ، ارجوا الافادة من الخبراء لاني عجباني التيدا قوي و محتار ، شكراا .

[Ahmed.TV]

نفس السعر اللى اشتريت بيه حتبيع بيه .. بس ممكن اقل حوالى 5 الاف تخسرهم لما حتبيع

وبخصوص السعر ممكن تخلص على 65 الف

العربية دى لو مانيول حتكون جبارة كمان جدااااا

بس المشكلة كلها ان العربية تطلع كويسة ميكانيكيا .. وعشان كدا اكشف عليها فى التوكيل

وبخصوص الرش عادى .. المهم ميكنش رشة من الداواخل ويكون الشاسيه تمام .. والسقف بص عليه والشنطة ليكون فى لحمات .. وافحصها كويس

تحياتى وبالتوفيق

[valantin00]

الف شكر يا باشا علي الرد ، طيب بالنسبة للعربية هل اعطالها كتير و قطع الغيار هل متوفرة زي الصني و اسعرها ايه مقارنة بالسيارات اللي في نفس الفئة السعرية الانسر مثلا ؟