بخصوص الـOxygen Sensor

[shomajimmy]

السلام عليكم و رحمة الله
انا اول مرة اكتب في المنتدى الرائع ده بس كنت متابعة من فترة و استفدت كتير منكم والله
ربنا يبارك فيكم

عندي صني 2010 و كنت بسأل هل فيها Oxygen Sensor ولا لا؟
و لو مافيهاش هل ينفع يركبلها في التوكيل؟
و بكام؟ و هل هو مؤثر فعلا في خفض استهلاك البنزين ولا لا؟
مشكلتي مع الصني في استهلاك البنزين بصراحة خصوصا لما بقارن بينها و بين الفيرنا او الكورولا 2007 مع اصحابي
افيدونا افادكم الله :)

[amdd]

بص والله اعلم بس هى اكيد فيها حساس اكسجين وبالنسبة للاستهلاك انا مش معايا 2010 علشان افيدك بالظبط معايا 2005 وبتستهلك بنزين فوق العادى شوية خصوصا انها اوتوماتيك

[shomajimmy]

انا مانوال.....العربية ممتازة ما شاء الله بس انا بتكلم على مقارنتها بغيرها يعني :)

[M.Nabeeh]

ولا ليه اي لازمه

[shomajimmy]

يعني حضرتك شايف ان الاستهلاك لسة هالي برضه؟!

[amdd]

ولا ليه اي لازمه

هو ايه الفلتر ولا الحساس؟؟

[mohamedbook]

متقرنش ياباشا الكرولا 2007 الي هي 1300 سي سي بالنيسان الي هي 1600
وبعدين لو حسبتها هتلقيه معدل استهلاكها عادي احسبها كويس وملكش دعوة بمؤشر البنزين عشان بيخرف في حسابات البنزين

[M.Nabeeh]

هو ايه الفلتر ولا الحساس؟؟

[oxygen sensor

[Dr'AhmZZong]

بس حضرتك أنا اعرف ناس عربيتهم 2008 مفيهاش oxygen sensor والعربية مابتسحبش بنزين .. و اعرف واحد موديل 2011 فيها sensor والعربية بتسحب بنزين .. أنا بصراحة حاسس إنه وهم ..
سحب البنزين معتمد على رجل حضرتك ديه الخلاصة
و كمان الصني بتسحب بنزين عن الكورولا عشان الموتور عزمه عالي جدا ....
تحياتي لحضرتك ....

[aboamr]

السينسور اعتقد انه له تأثير محدود فى ضبط استهلاك البنزين وفيه مواضيع مثبته بتشرح وظيته بالتفصيل وبدأ وجوده فى السيارات بداء من رقم الشاسيه 32250 تقريبا للسيارات المانيوال ولايتم اضافته للسيارات فى التوكيل

[Youssef.Awad]

دى صور توضح شكل الحساس الموجود خلف الراديتير



ورأيى انه لا تأثير اكثر من 5% على استهلاك الوقود والموضوع كله وهم فى وهم وافتراء بناءا على احساس خاطىء وقراءات غير معبرة من العداد
راجع الموضوعين التاليين للتأكد من كلامى:

http://www.nilemotors.net/Nile/227761-180.html

http://www.nilemotors.net/Nile/265021-a.html

واخيرا حل مشكلة حضرتك تبطل تقارنها بعربيات اصحابك واى عربية غير نيسان صنى ههههههههههه

[Ahmed.TV]

وده لينك موضوع السنسور وفيه كل المعلومات والتفاصيل

http://www.nilemotors.net/Nile/181983-2011.html

[Sehsss]

ولا ليه اي لازمه

ازاي يا ابني