اكسسوارات نيسان الاصلية

[BassamHafez]

السلام عليكم يا صقور نيسان

انا حبيت اعمل الموضوع ده عشان انا بلاحظ ان التوكيل بيجيب اكسسوارات للعربيات عشان اللي عايز يعمل اي اضافات في عربيته زي (DVD-GPS-Parking Sensor-Zenon...etc)

والحاجات دي بتبقى ممكن تركب على اي عربيه مش شرط النيسان

ومدام امكانيه تركيب اكسسوار في التوكيل متاحه طب ليه مثلا ما يجيبوش الاكسسوار الاصلي بتاع العربيه نفسها اللي بينزل فيها في دول تانيه مثلا كنوع من التميز للعربيه وتبقى عامله زي الفبريكه

عشان كده انا حابب نعمل الاستطلاع ده عشان لو في عدد كبير حابب الاصلي عن اللي بيركب في اي عربيه ممكن نكلم التوكيل وهو يجيب لنا الحاجات دي

طبعا مع الوضع في الاعتبار ان السعر ها يكون اعلى شويه

فهل انت :
1-حابب الاصلي حتى لو اغلى شويه
2- تفضل الاكسسوار العادي عشان ارخص
3- غير مهتم باكسسوارات العربيه

[Ahmed.TV]

انا معاك يا بسام .. وموضوع رائع

بس موضوع الاكسسورات الاصلية الاصلية للعربية .. غالية جداااااااااا

على سبيل الميثال

سالت على النواكل الداخلية للابواب التيدا .. اللى بتكون راكبة عند زرار الكهرباء فى الابواب .. واللى نازلة فى العربيات المكسيكى

قالولى ب750 جنيه

فا لو كانت فى حدود 300 جنيه كنت جبتها .. لان قالى دى الاورجينال

انا نفسى فى اكسسورات اصلية فعلا بتاعت العربية بس سعرها يكون هادى ويكون فوق المعقول بس مش بكتير

وبحييك علىا لموضوع الجميل ده

[BassamHafez]

الله يخليك يا ابو حميد

انا معاك ان فعلا الاسعار للاوريجينال بيكون عالي قوي

بس ممكن لو الاستطلاع ده مال اكتر ناحيه الاصلي ممكن التوكيل يظبط لنا السعر لو عربيات كتير ممكن تعمله

ولا انت شايف ايه

على العموم خلينا نشوف الناس رايها ايه

يا ريت يا جماعه تشاركوا باراكوا عشان ده فعلا ممكن يوصلنا لحاجه كويسه في النهايه

[Bishoy.Girgis]

2- تفضل الاكسسوار العادي عشان ارخص


للاسف يا بسام الاكسسوارات العاديه اصلا مش رخيصة هتلاقيها برده غالية و كمان هتلاقيها قريبة من الاصلي
يعني مثلا انا ركبت المرايا الطيارة و كلفت 1700 جنيه .. ده يعتبر مش رخيص .. فعشان كده مش هتفرق كتير الاصلي من العادي لأن التوكيل لا يمكن هيجازف و يركب حاجه مش مطابقة لضفيرة الكهربا بتاعة العربية و يلبس هو في الاخر

[BassamHafez]

2- تفضل الاكسسوار العادي عشان ارخص


للاسف يا بسام الاكسسوارات العاديه اصلا مش رخيصة هتلاقيها برده غالية و كمان هتلاقيها قريبة من الاصلي
يعني مثلا انا ركبت المرايا الطيارة و كلفت 1700 جنيه .. ده يعتبر مش رخيص .. فعشان كده مش هتفرق كتير الاصلي من العادي لأن التوكيل لا يمكن هيجازف و يركب حاجه مش مطابقة لضفيرة الكهربا بتاعة العربية و يلبس هو في الاخر

انا معاك بس باختلف معاك في التشبيه وهو المرايات الضم لان اصلا الصني مش بتنزل بمرايات طيارة فدي ممكن تكون حاجه غاليه عشان فكرة المرايا وقفلتها لكن تخيل لو نزلوا المرايات الضم الاصليه بتاعتها اعتقد انها ها تكون بنفس السعر او اعلى حاجه بسيطه ولا ايه رايك

الفرق هنا ان انا بتكلم عن الاكسسوار الاصلي في العربيه اللي هو ممكن يعتبر كماليه اساسيه في بلد تانيه مش ان انا عايز اروش العربيه بحاجه اصلا مش بتنزل فيها زي المرايات الطيارة كده

فهمت قصدي يا بيشو

[SonaSteel]

هي مش اي حاجة اصلي تبقي كويسة للعربية
الحاجات اللي تأثر علي حاجات تاني في العربية لازم تبقي اصلي
يعني الزينون ولا مثلا الكروز كنترول ده لازم يبقي اصلي علشان متلعبش فيه كتير
لكن كساحات وعتب واسبويلرات ولا حاجات في عرضه انها تتبهدل وتتكسر يبقي اكيد الاصلي مش الحصان الرابح في الموقف ده
انا نفسي نبقي زي ماليزيا ولا اندونسيا اعربية بتتكلم يعني ممكن تغير شكلها كل كام شهر
مش هنا بتعيش وتموت ويادوبك راششها ولا مركبلها سبويلر ولا بتاع
بس ديه وجهه نظري
واقعد بالعافية :))

[BassamHafez]

هي مش اي حاجة اصلي تبقي كويسة للعربية
الحاجات اللي تأثر علي حاجات تاني في العربية لازم تبقي اصلي
يعني الزينون ولا مثلا الكروز كنترول ده لازم يبقي اصلي علشان متلعبش فيه كتير
لكن كساحات وعتب واسبويلرات ولا حاجات في عرضه انها تتبهدل وتتكسر يبقي اكيد الاصلي مش الحصان الرابح في الموقف ده
انا نفسي نبقي زي ماليزيا ولا اندونسيا اعربية بتتكلم يعني ممكن تغير شكلها كل كام شهر
مش هنا بتعيش وتموت ويادوبك راششها ولا مركبلها سبويلر ولا بتاع
بس ديه وجهه نظري
واقعد بالعافية :))

سونه وجهه نظرك تحترم بس برضو الهدف مش هو العمر الافتراضي

الهدف هنا هو الشكل العام للعربيه وبرضو مش المقصود الحاجات الفايبر لانك كده كده ممكن تقلدها عند واحد كويس بتاع فايبر وتركب نفس الشكل الاصلي

المقصود هنا الكماليات الاساسيه اللي بتنزل في العربيات في بلاد تانيه زي الدي في دي والباركينج سينسور وخلافه

لو فهمت قصدي قولي تفضل ايه من التلات اختيارات

[Ali_Abo_Amr]

اتفق مع سونه فى ان التعميم هنا مش هينفع
احيانا ممكن تشترى اكسسوارات اصلية
واحيانا ممكن تشترى اكسسوارات مش اصلية
بالنسبالى الفيصل فى الموضوع بالترتيب : الضرورة - الشكل - السعر

[M.Nabeeh]

فعلا الأصلي لو كان أغلي أحسن بكتييير

[Ahmedmiy]

هي مش اي حاجة اصلي تبقي كويسة للعربية
الحاجات اللي تأثر علي حاجات تاني في العربية لازم تبقي اصلي
يعني الزينون ولا مثلا الكروز كنترول ده لازم يبقي اصلي علشان متلعبش فيه كتير
لكن كساحات وعتب واسبويلرات ولا حاجات في عرضه انها تتبهدل وتتكسر يبقي اكيد الاصلي مش الحصان الرابح في الموقف ده
انا نفسي نبقي زي ماليزيا ولا اندونسيا اعربية بتتكلم يعني ممكن تغير شكلها كل كام شهر
مش هنا بتعيش وتموت ويادوبك راششها ولا مركبلها سبويلر ولا بتاع
بس ديه وجهه نظري
واقعد بالعافية :))

اتفق مع سونه فى ان التعميم هنا مش هينفع
احيانا ممكن تشترى اكسسوارات اصلية
واحيانا ممكن تشترى اكسسوارات مش اصلية
بالنسبالى الفيصل فى الموضوع بالترتيب : الضرورة - الشكل - السعر

بسم الله الرحمن الرحيم

اللهم صلى وسلم على نبينا محمد

هذا والله كلام زين

أنجزتم وأفدتم

وفعلاً موضوع رائع

خالص التحية والتقدير لجميع الصقور




ما شاء الله كان وما لم يشاء لم يكن

[Sehsss]

في إكسسوارات لازم تبقى أصلي، وفي حاجات تانية لأ

[Dr'AhmZZong]

في إكسسوارات لازم تبقى أصلي، وفي حاجات تانية لأ

[Youssef.Awad]

انا نفسى فى اكسسورات اصلية فعلا بتاعت العربية بس سعرها يكون هادى ويكون فوق المعقول بس مش بكتير

اتفق معاك يا ابو حميد
وبعدين فى الاول والاخر دى اكسسوارات يعنى كماليات مش اساسيات وضرورة التركيب بتختلف من واحد للتانى واكيد فى اولويات

[SonaSteel]

بالظبط كده حاجة مهمة اووي حتي لو اكسسوار يبقي اصلي
وساعتها الغالي يبقي رخيص علشان الصنايعية وشغلهم التييييييت
غير كده عادي تقليد يعني

[MOK3336]

والله ايلي معاه فلوس يجيب الاصلي حتى لو مش هيأثر علي حاجة تانية
وعمتا في فرق بين الاصلي و الهاى كوبي سواء في الشكل او في الخامة
و المشكلة السعر المبالغ فيه بالنسبة للتوكيلات
يعنى انا كنت في الشركة الهندسية في الاسكندرية و سئلتهم علي الاكسسوارات
معندهمش اى حاجة غير فرش و سبيولر و خلاص
لا زينون ولا انذار و الغريبة بقي ان حساسات الركن هناك ب 800 جنيه تقريبا ليه مش عارف