الأريال اتكسر

[watzmann]

الحمد لله على كل شىء , واحد اللة يسامحة خد الأريال المهم سألت عليه فى التوكيل عرفت انه غالى

حد غيره برا التوكيل قبل كدا ؟ ياريت يقولى فين و بكام


شكرا

[Land_Cruiser]

معلش ربنا يعوض على حضرتك. ممكن تسال عليه فى شارع دمشق او فى التوفيقيه. هو حضرتك لقيتو بكام فى التوكيل؟

[watzmann]

انا سالت بالتليوفن من فترة و على ما اتذكر 250 جنيه , دا طبعا غير التركيب

التوفيقية دى فين ؟

[Dr'AhmZZong]

متابع ..

[mem]

انا سالت بالتليوفن من فترة و على ما اتذكر 250 جنيه , دا طبعا غير التركيب

التوفيقية دى فين ؟

حضرتك لو مش من القاهره تنزل القاهرة وتركب المترو وتنزل محطة جمال عبد الناصر وتمشى يا دوب خطوتيين تلاقى نفسك فى التوفيقية الف مين يدلك عليها وان شاء الله تلاقييه فيها واكيد ها يكون ارخص

[Land_Cruiser]

انا سالت بالتليوفن من فترة و على ما اتذكر 250 جنيه , دا طبعا غير التركيب

التوفيقية دى فين ؟

التوفيقيه فى وسط البلد الرصيف المقابل لسنترال رمسيس بعد دار القضاء العالى زى ما الاستاذ mem قال لحضرتك. أنا مش عارف على ايه الرقم الخزعبلى ده بصراحه و خاصه انه ايريال عادى مافيهوش اى فن

[watzmann]

انا من القاهرة بس مكنتش اعرف حكاية الوفيقية دى , عموما هروح اشتريه النهارده .

طيب بالنسبة للتركيب هناك بردو ؟ ولا فين احسن ؟

[Land_Cruiser]

انا من القاهرة بس مكنتش اعرف حكاية الوفيقية دى , عموما هروح اشتريه النهارده .

طيب بالنسبة للتركيب هناك بردو ؟ ولا فين احسن ؟

ايوه المحل اللى هتشترى منه ممكن يجيبلك كهربائى يركبهولك عادى. المهم اسال عليه عند اكتر من واحد علشان تعرف الأسعار و ممكن تفاصل معاهم .

[Sehsss]

هاتلاقيه في التوفيقية، أو شارع دمشق، بس هوا ليه غالي كده في التوكيل، دا إريال عادي، أنا في اللانوس كان عندي إريال كهرباء وكان بـ140 جنيه كوري أصلي

[Youssef.Awad]

متهيألى ثمنه 180 فى التوكيل مش 250
وياريت تجيبلنا عروض اسعار من التوفيقية لو نزلت عشان نبقى عارفين ثمنه
وشكلهم خلصوا العلامات ودخلوا ع الارايل .. ربنا ياخد كل الحرامية ويشل ايديهم قبل ما تتمد على حاجة غيرهم

[Dr'AhmZZong]

متهيألى ثمنه 180 فى التوكيل مش 250
وياريت تجيبلنا عروض اسعار من التوفيقية لو نزلت عشان نبقى عارفين ثمنه
وشكلهم خلصوا العلامات ودخلوا ع الارايل .. ربنا ياخد كل الحرامية ويشل ايديهم قبل ما تتمد على حاجة غيرهم

امييييييييييييين

[watzmann]

السلام عليكم ...... الحمد لله انا حليت مشكلة الأريال

الأول روحت التوفيقية ملقتوش ..... المهم روحت لمحل فى شارع احمد كامل فى اول الهرم اسمه شركة اللأهرام , المحل دا بيبع قطع غيا نيسان بس المهم لقيته عنده و اشتريته , ثمنه 150 جنيه ,و الحقيقه انه تقريبا زى الأصلى بالظبط و تقفيله نضيف

سألته عن حد اركبه عنده و الحمد لله وصفلى واحد اخد 20 جنيه و خلصلى الموضوع فى 5 دقايق . و كله تمام

نصيحه كله يخلى باله من ارياله

[Dr'AhmZZong]

السلام عليكم ...... الحمد لله انا حليت مشكلة الأريال

الأول روحت التوفيقية ملقتوش ..... المهم روحت لمحل فى شارع احمد كامل فى اول الهرم اسمه شركة اللأهرام , المحل دا بيبع قطع غيا نيسان بس المهم لقيته عنده و اشتريته , ثمنه 150 جنيه ,و الحقيقه انه تقريبا زى الأصلى بالظبط و تقفيله نضيف

سألته عن حد اركبه عنده و الحمد لله وصفلى واحد اخد 20 جنيه و خلصلى الموضوع فى 5 دقايق . و كله تمام

نصيحه كله يخلى باله من ارياله

يلا يا سيدي ألف مبروك ..

و إن شاء الله الكل هياخد بنصيحتك هههههههههههههههههه .. إن لم يكن الكل واخد بيها

[Amr2004IBM]

الف شكر على المعلومه
ومبروك الاريال الجديد

[koshary]

حلو عليه 150 اوى انا عندى فى الاكسيل الكهربا ب 130 وكدا كدا هيتكسر تانى وتالت الواحد فى الحاجات دى بيختار ارخص حاجه وكلو بيشتغل وبيجيب اشارة