طاسات العجل لنيسان تيدا

[Ali_Abo_Amr]

السلام عليكم يا احلى شباب

سؤال بسيط كده ع الماشي
كنت بأسأل على طاسات الكاوتش للتيدا ... علشان عندى طاسة منهم اتشرخت وعاملة صوت مزعج ...
فين بتتباع؟وبكام؟وهل ممكن اشترى واحدة بس ولا هى بتتباع طقم على بعضه؟وهل دى كمان فيها اصلى ومضروب ولا كله واحد

وجزاكم الله خيرا

[AbuHusam]

صباح جميل علي بك.. ألف سلامة على طاسة جنط فردة كاوتش عجلة عربية جنابك.. للأسف ما عنديش رد مفيد لكن بس قلت فرصة أصبح عليك.. وفي وإن شاء الله الزملا ها يفيدوك

[BassamHafez]

ابو على عامل ايه

واحشني والله

فينك ما حدش بيشوفك خالص

بص يا سيدي موضوع الطاسات ده مش معضله انت ممكن تغير طقم الطاسات كله بحاجه تانيه وخلاص

المهم تجيبهم مقاس 15 زي مقاس الجنط الحديد اللي عندك

ولو عايز نفس الطاسه القديمه ممكن تلاقيها في التوكيل بس مش عارف ممكن يدوك طاسه واحده ولا لازم طقم كامل

اما بقى لو عايز من برة طاسه واحده فا مش هاتلاقي جديد لان اي محل بيبيع جديد بيكون طقم 4 طاسات مع بعض
ومش عارف ان كانت الاصليه متوفرة برة ولا لا

[Ali_Abo_Amr]

صباح جميل علي بك.. ألف سلامة على طاسة جنط فردة كاوتش عجلة عربية جنابك.. للأسف ما عنديش رد مفيد لكن بس قلت فرصة أصبح عليك.. وفي وإن شاء الله الزملا ها يفيدوك

سامح بك ... ازيك عامل ايه واحشنى جدا والله وكان نفسي اكلمك من بعد ماشوفتك طالع فى التليفزيون على قناة اون تى فى (الاستاذ سامح راشد الخبير السياسي) وفرحت جدا وعجبني كلامك جدا

شكرا على مرورك يا باشا ويارب اشوفك قريب

[Ali_Abo_Amr]

ابو على عامل ايه

واحشني والله

فينك ما حدش بيشوفك خالص

بص يا سيدي موضوع الطاسات ده مش معضله انت ممكن تغير طقم الطاسات كله بحاجه تانيه وخلاص

المهم تجيبهم مقاس 15 زي مقاس الجنط الحديد اللي عندك

ولو عايز نفس الطاسه القديمه ممكن تلاقيها في التوكيل بس مش عارف ممكن يدوك طاسه واحده ولا لازم طقم كامل

اما بقى لو عايز من برة طاسه واحده فا مش هاتلاقي جديد لان اي محل بيبيع جديد بيكون طقم 4 طاسات مع بعض
ومش عارف ان كانت الاصليه متوفرة برة ولا لا

بسام باشا ازيك ... معلش كان عندى ظروف الفترة اللى فاتت ماكنتش باعرف ادخل ...

شكرا على المعلومة وان شاء الله اسأل عليها فى التوكيل وفى التوفيقية واقولكم على النتيجة ... انا بس افتكرت حد مرت عليه التجربة دى قبل كده ...
وابقى طمنى على عربيتك بعد الحادثة عملت ايه واتكلفت كام؟
ربنا يكفينا جميعا الشر ... اللهم قنا واصرف عنا شر ما قضيت

[Ahmed.TV]

علوة حبيبى .. وحشنى يا حبى كتيررررررررررررررررررررررررررررر
بص يا على .. دى فى الحرفين ممكن نلاقيها .. او ممكن نسال عليها فى التوكيل

[Ali_Abo_Amr]

علوة حبيبى .. وحشنى يا حبى كتيررررررررررررررررررررررررررررر
بص يا على .. دى فى الحرفين ممكن نلاقيها .. او ممكن نسال عليها فى التوكيل

ربنا يخليك يا حبي ... وحشنى جداااااااااااااااااااااااااااا
ماشي يا حبي خليني فى بالك بقى لو عديت على التوكيل ... وانا ان شاء الله هاسأل عليها فى التوفيقية

[Ahmed.TV]

انا فعلا سالتلك .. بس مدير قطع الغيار مكنش موجود النهاردة
فقالى بكرة حيرد عليه

وان شاء الله خير

وانا احتمال انزل وسط البلد واقابل محمد حسين .. ولما اخلص معاه .. حعدى على التوفيقية .. واشوفلك الدنيا فيها ايه

ياريت اشوفك النهاردة

[SonaSteel]

ابووو عمر ....... كيفيك يا عثـــل :))
ربنا يطمنا عليك والف سلامة علي طاسة البنوتة :))))
انا فاكر اني شوفتها انا واحمد تقليد في التوفيقية والطقم كان ب120 جنيه تقريبا هاتهم وركبهم كلهم وشيل الاصلي
التوكيل بتمن ال4 تجيب جنوط 15 :))
واقعد بالعافية :))

[Sehsss]

زي ما قالك أحمد مصطفى عليك وعلى التوفيقية هاتلاقي بتوع التيدا، وأشكال كتيرة تانية كمان أحلى وأسعارهم معقولة، واللي في التوكيل هايبقوا أغلى بس أصلي، شوف بقى انت اللي يريحك

[Dr'AhmZZong]

أستاذ علي ازي حضرتك واحشني واللهِ ..

محدش يشوفك كده غير لما الطاسة تتكسر هههههههههههههههه ..

عموما في محلات كتير في شارع العباسية ممكن تلاقي اللي حضرتك عيزه .. الشارع ده مليااااااان

تحياتي لحضرتك ..

[Ali_Abo_Amr]

كل الناس دى حبايبي والله :)
انا بس حبيت اعرف فاكريني ولا نسيتونى فعملت الموضوع ده :)
معلش انا آسف على قلة الدخول على المنتدى فى الفترة الاخيرة لظروف بس
لكن فى بالي كلكم ويارب اشوفكم قريب على خير

[Land_Cruiser]

هو الفرق بيبان بين الاصليين و التقليد بعد شهرين تلاته و بتلاقى التقليد لونها راح و بهتانه و بيبقى شكلها مختلف عن الباقيين فالاحسن هات طقم تقليد أمشى بيه اليومين دول كله زى بعضه و رخيص و شيل الاصليين حتى علشان ما يسرقوش فى موسم السرقه اللى شغال ده

[SonaSteel]

انا سالتك عليها النهارده في الحرفيين يابو عمرو وقالي الطاسة الواحده جديدة ب175 جنيه ... عند عبد الرحمن عزت

[Ahmed.TV]

غالية يا حسين
انا نازل بكرة التوكيل الصبح وحسال لعلى عليها هناك لان ممكن تكون نفس السعر وعليها خصم