المحترم مشرف القسم

[M.Nabeeh]

المعروف أن المنتدي المشاركه فيه مفتوحه للجميع والكل بيدخل يشارك برأيه

بس الغريبه أن مشرف القسم يقفل موضوع بدوعي عدم الفايده!!!! بالرغم أن الموضوع ليس به كلام خارج

أو ألفاظ بذيئه ولم يتعرض لأحد



-----------------------------------------------------
لقد تم غلق الموضوع الخاص بك لانعدام الهدف منه

وان المواضيع خاصة بالافادة العامة للاعضاء وقد تم فتح لاعضاء المنتدي الكرام موضوع خاص بالدردشة من قبل منسق القسم المحترم لتجنب اي كلام جانبي دون افادة الاعضاء.

كما يمنع منعا باتا التعليق او عمل مواضيع اعتراضا علي التنبيهات الوارده من السادة المشرفين بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات.

برجاء مراجعه قواعد المنتدي

8- يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .

ستعامــل هــذه المشاركـــات بالحــذف

• فى حالـة مخالفـة هـذه القاعـدة سيتـم إنـذارالعضـو مع إيقافـه أسبـوع .

ولكن سيتم تجنب هذه المخالفة فقط لما لكم من نشاط واضح وقيم للمنتدي

وسنكتفي فقط بالانذار دون تطبيق العقوبة المذكورة

مشرف القسم م7
8:42 pm
3-2-2012

[Youssef.Awad]

يبقى ما اخدتش بالك يا نبيه ان سبب الغلق هو خروج المشاركات عن محتوى ومضمون الموضوع وهو تركيب السماعات (على ما اتذكر)
وليس لوجود الفاظ خارجة او غيرها
ودى ملاحظة نوهنا عنها قبل كده واحمد مصطفى قال كده كتير من قبل
يا جماعة خلوا الهزار والكلام فى موضوع الدردشة وليس فى مواضيع المشاكل او الصيانة او غيرها من اى مواضيع
أدى كل الحكاية يا دكترة .. وفى انتظار رد المشرف طبعا او منسق القسم ahmed.tv

[Bishoy.Girgis]

المفروض يا محمد تبعت رأيك للادارة مش تعمل بيه موضوع داخل القسم لأن الموضوع هنا مش مكانه و ده مخالف لقواعد المنتدي
ابعت مشكلتك للادارة و اكيد هيردوا عليك في اقرب وقت

[Dr'AhmZZong]

يا عم نبيه متزعلش ..

هو يمكن عمل كده عشان الموضوع مكنش حقيقي و كنا بنضحك بس كده ...

و يا عم حقك علي أنا ..

[goudamahdy]

يا باشا ما تزعلش نفسك قوي كده .....

ابعت شكوى والإدارة هترد عليك .... أو أحسن اتصل بالاستاذ احمد نفسه وكلمه وشوف وجهة نظره ايه .....

وحقك علينا كلنا مش ع الدكتور احمد بس .... دا العمدة بتاعنا يا عم

واختلاف وجهات النظر لا يفسد للود قضية

[koshary]

يا باشا ما تزعلش نفسك قوي كده .....

ابعت شكوى والإدارة هترد عليك .... أو أحسن اتصل بالاستاذ احمد نفسه وكلمه وشوف وجهة نظره ايه .....

وحقك علينا كلنا مش ع الدكتور احمد بس .... دا العمدة بتاعنا يا عم

واختلاف وجهات النظر لا يفسد للود قضية

+11111111111111111111111

[WalidAdel]

يا جماعة خلوا الهزار والكلام فى موضوع الدردشة وليس فى مواضيع المشاكل او الصيانة او غيرها من اى مواضيع
أدى كل الحكاية يا دكترة .. وفى انتظار رد المشرف طبعا او منسق القسم ahmed.tv

فعلا فعلا
كان احمد مصطفي علق علي الحته دي قبل كده كذا مره و انه لازم يبقي النقاش جاد و كده لما موضوع يتفتح لان اللي بيقري الموضوع و ردودنا و صاحب الموضوع ممكن يتفهم عننا كلام غلط
فلازم يبقي في حزم شويه في المواضيع و بلاش حتة الهزار دي خالوها في الدردشه
و ياريت تكون المشاركه لو فيها اضافه للموضوع مش متابع و فيس بيسقف و فيس كده اوكي و كلام من ده
خالي في اضافه دايما في كل مشاركه و ده هايعود علينا كلنا سواء لمنظر القسم او منظرنا امام الناس الجديده اللي بتخش تعمل موضوع او بتتابع المنتدي زي المصنع او اوتو ايجيبت او السبع و مودرن علاشن احنا مش لوحدنا علي المنتدي ياشباب القسم

[Sehsss]

حقك تزعل يا نبيه، أنا لو مكانك واتقفلي موضوع هازعل برضه، وأنا شايف (من وجهة نظري) إن موضوع نبيه ما كانش هزار ولا حاجة، الموضوع كان ليه هدف وهو إن السماعات اللي في العربية ضعيفة وسيئة وإن سعر السماعات الكويسة مش غالي علشان يتحط في العربية، والموضوع اتعمل في قالب كوميدي ودا مش عيب، بس الحدق يفهم !!!

[Ahmed.TV]

اولا .. موضوعات البيع والشراء مش من اساسها ساحة قسم نيسان .. وليها ساحة مخصصة غير قسمنا
والمفروض اننا نسيبه فى القسم يومين ويتم نقله بعد كدا الى ساحة البيع والشراء .. ومع ذلك بسيب موضوعات البيع والشراء فى القسم بدون نقل
ولكن مش موضوع عنوانه وهدفه من صاحبه انه عايز يبيع السمعات .. وفى الاخر .. يطلع الموضوع كوميدى
كان ممكن يكتب فى العنوان كدا .. وميقولش انه بيمر بازمة مالية ..

الموضوع لو بسيطه عليه فى القسم مش موضوع قوى يرتقى بالقسم واعضائه .. اللى كلهم اصبح لهم شان فى الكتابة .. وكل التوكيلات عارفاهم بالاسم .. ومنتظرة موضوعاتهم القيمة

غير كدا احنا مش حندخل فى الغاز ونقول الحدق يفهم .. لاننا فى اوضاع وظروف مش محتاج لحد فينا انه يفك الغاز ويفكر ..

غير كمان ياريت ياجماعة .. بعد اذنك .. عشان الامور متتاخدش بزعل من المنتدى

ياريت بدعوكم لقراءة قواعد وقوانين المنتدى عشان محدش يعلق على قرارات الاشراف والادارة .. ويقول انا زعلان وانا غضبان

لان اى شكوى وتعليق علىا لاشراف مكانها مش فى القسم ابدا
والحاجة التانية .. لو قرانا بعناية القوانين حنقدر نعرف حقوق المنتدى علينا .. عشان محدش يزعل ..

وبعدين مش معقول حد يعمل سرش فى جوجل على شراء سمعات ويطلعله موضوع فى القسم عندنا .. ويدخل ويشترك عشان يقرائه .. ويلاقيه هزار .. فايه مصداقية اعضاء القسم

يا شباب القسم .. للمرة المليون .. ودايما معاكم فى التليفون بحكى .. القسم باعضائه وصل الى مرحلة كبيرة ولسه قدامنا كتير .. وياما بتكلم على ايه دور كل واحد فينا

لازم نعمل ربط نفس .. ولازم مش نسخن الاحداث والامور .. ولازم نعرف دورنا فى القسم وفى موضوعاته وايه اللى محتاجه .. ونعرف دورنا تجاه بعض كمان

كلنا بندير القسم .. ولازم يكون لينا نظرة وبعد فى حاجات كتير للمصلحة العامة

احنا اصحاب بره المنتدى وجوة المنتدى بردوا .. ولكن فى امور لازم تتعامل ويتحكم فيها بدون عاطفة

وعشان كدا اقراؤ القوانين كويس .. عشان ميجيش حد يقول اصل اتغيرلى عنوان من ما حد ياخد راى .. اصل الموضوع اتحذف .. اصل الموضوع اتقفل ..

فعشان كدا اقرؤا القوانين عشان تعرفوا حقوقكم وواجبتكم

وبعدين الموضوع انا مش شايف بصراحة من وجهة نظرى الشخصية .. ان كان محتاج لكل ده .. وخصوصا انكم ادرى الناس بمصلحة القسم وبدوره الفترة القادمة وبايه الموضوعات اللى محتاجها القسم يا شباب

تحياتى للجميع
كلمة اخيرة وطلب منك يا محمد شخصى
يا ريت ترد على تليفونك .. حتى لو كنت اتصلت بيك فى وقت متاخر .. تانى يوم تكلمنى .. فياريت تفصل علاقتنا الشخصية عن المنتدى
لان انا مش مشرف القسم .. ولو زعلان على موضوعك زى ما قولتلك عند الشكاوى وابعت شكوى
ومرة تانية للمليون فى حاجات كتير خطا .. وكان اعضاء كتير فى القسم .. مفروض يتوفقوا من الادارة لعدم معرفتهم بقواعد وقوانين المنتدى
وكنت دايما بتدخل مع الادارة وبقولهم لا وبلطف الجو .. وبصراحة هما مشكورين بيتعانوا معانا فى حاجات كتير وبيسهلوا حاجات كتير
ولكن مش الامور حتمشى .. عشان حفاظا على تخصص القسم

وياريت الاعضاء كلها تتابع الموضوعات القديمة وتجمع معايا الموضوع بقرائتها .. ويشوفوا هل حيقدروا يطلعوا معلومة ولالا .. حيلاقوا الموضوعات بتدخل فى تفرعات وهزار ومحادجاثات جانبية .. وسبق وقولتلكم جميعا بلاش هزار .ز عشان من حق الادارة تحذف المشاركات دى .. وفى الاخر انتوا بتزعلوا .. وخالونا فى الدردشة
ومن حق الادارة تحذف اى مشاركة مش فى هدف الموضوع .. وكله بقوانين وقواعد المكان اللى احنا وافقنا على شروطه ودخلنا فيه .. فياريت تقرؤها

وياريت تفصل موضوع المنتدى عن علاقتنا الشخصية
لان وقت لما بتقع فى ضيق او مشكلة .. او انا بقع فى ضيق او مشكلة .. لما بنجرى على بعض وبنقف جنب بعض وبنخدم بعض مش عشان المنتدى يا محمد .. وانت جربت معايا الكلام ده .. ولا انا غلطان !!!

فياريت نفصل

تحياتى ليك

[Sehsss]

قصدك إيه بالأوضاع، قصدك اوضاع البلد يعني، طيب ماهو البلد أوضاعها سيئة من سنة، إيه اللي جد حتى المتنفس الوحيد للواحد اللي هو المنتدى ما ينفعش حد يعمل فيه موضوع في قالب كوميدي، خلاص بلاها أحسن

[Dr'AhmZZong]

قصدك إيه بالأوضاع، قصدك اوضاع البلد يعني، طيب ماهو البلد أوضاعها سيئة من سنة، إيه اللي جد حتى المتنفس الوحيد للواحد اللي هو المنتدى ما ينفعش حد يعمل فيه موضوع في قالب كوميدي، خلاص بلاها أحسن

إيه الكلام ده يا حسين < إيه بالها احسن ديه > مش إنت اللي تقول كده !!!!!!!!! ولا إيه ؟؟

و كمان هو قصده إن مواضيع الكوميدية ديه خليها في الدردشة .. و المواضيع المهمة خليها في النطاق العام عشان الكل يستفاد من غير أي هزار عشان محدش يزهق ولا يملللللللللل من كتر الهزار في المواضيع المهمة بشكل خاص و القسم بشكل عااااااااااااام ..

و خد بالك إنت هتزعل ناس كتير منك بـ الطريقة ديه ...

[Sehsss]

إيه الكلام ده يا حسين < إيه بالها احسن ديه > مش إنت اللي تقول كده !!!!!!!!! ولا إيه ؟؟

و كمان هو قصده إن مواضيع الكوميدية ديه خليها في الدردشة .. و المواضيع المهمة خليها في النطاق العام عشان الكل يستفاد من غير أي هزار عشان محدش يزهق ولا يملللللللللل من كتر الهزار في المواضيع المهمة بشكل خاص و القسم بشكل عااااااااااااام ..

و خد بالك إنت هتزعل ناس كتير منك بـ الطريقة ديه ...

هو اللي يقول رأيه بصراحة يزعل الناس منه، سبحان الله

[Dr'AhmZZong]

هو اللي يقول رأيه بصراحة يزعل الناس منه، سبحان الله

محدش يقدر يقولك ماتقولش رأيك يا sehsss .. الرد ده من حق الجميع ...

أنا من رأي إن الموضوع مش مستاهل كل ده ..

[Ahmed.TV]

تعاطفنا تجاه حبنا لصديق لينا حاجة .. واننا نحكم بالعقل وندير القسم حاجة تانية
وكلكم عارفين بحبى ليكم قد ايه !!
وفى ظل ضغط الظروف وبجى على حساب حاجات كتير فى حياتى عشان خاطر الاعضاء ..
ومع ذلك فى القسم بنحاول نمشى الامور قدر الامكان بالروح
لان لو الامور مشيت رسمى ..حاجات كتير حتتحذف وحيكون كله بقوانين المنتدى

لان الهزار فى كل الموضوعات زاد جدا .. واكتر واحد حاسس بالموضوع ده اللى بيرتب القسم وبينسقه .. والادارة معايا

مش الاعضاء اللى بتدخل وبترد وبتعلق وخلاص .. ولو حد اتكلف بشغل من وراء الكواليس او شغل تجميع وقراءة مجمعة ويبعتها للادارة .. حيعرف ويحس بكلامى

لو حد وقف مع شخص مسئول فى التوكيل .. وقاله انا مش عارف ادخل واقراء الموضوعات .. ومش من شخص واحد .. ده كذا عضو فى القسم وكمان من كذا مسئول .. اشتكوا من تفرع الموضوعات .. واتصلت باعضاء قدامى انتوا فين وليه مش بتدخلوا قالوا عشان القسم دخل فى هزار ومناقشات جانبية كتير جدا ومش بنتشجع ندخل نحط معلومة
ومفروض القسم متخصص فى مجال السيارات

التنفيس اتعمل بيه موضوع للدردشة .. لان لو نفسنا فى كل موضوع بيكتبت ونفسنا عنا روحنا فيه .. المواضيع حتفقد الاساس اللى قايمة عليه والتخصص اللى فيه القسم
يا جماعة عشان محدش يزعل منى .. ويتفهم انى متحامل فى شى .. لان ده مش فى دماغى .. لان انتوا عارفين ان كل ما بقعد معاكم بكلمكم فى الدور اللى علينا كلنا ..

فى النهاية
ممكن يقدم شكوى فى مكانها مش فى موضوع فى القسم .. عشان واضح كدا ان حيكون فى اختلاف فى الراى كتير .. وحيخلى ناس كتير فعلا تزعل من الكلام
وناس كتير تشمت فينا .. وانا الوحيد اللى اعلم بكم الناس المتربصين بالقسم واعضائه .. ونفسهم انهم يقعوا فى بعض .. فمش عاوزين نعطى فرصة لحد يفرح فينا

اما عن اوضاع البلد بتسئ .. فعلا .. وعشان كدا لما بقرا موضوع لزميل واخ معايا فى ازمة بتخض عليه .. واكتشف فى الاخر ان الموضوع هزار !! .. اظن حتى لو عمل موضوع جد بعد كدا .. مش حصدق وحقول لا ده بيهزر بردوا .. والمصداقية حتسقط مننا

وعشان كدا فتحنا موضوع للدردشة والهزار والمقالب وفيه حاجات كتير جدا .. بس احنا نتواجد فيه

[koshary]

تعاطفنا تجاه حبنا لصديق لينا حاجة .. واننا نحكم بالعقل وندير القسم حاجة تانية
وكلكم عارفين بحبى ليكم قد ايه !!
وفى ظل ضغط الظروف وبجى على حساب حاجات كتير فى حياتى عشان خاطر الاعضاء ..
ومع ذلك فى القسم بنحاول نمشى الامور قدر الامكان بالروح
لان لو الامور مشيت رسمى ..حاجات كتير حتتحذف وحيكون كله بقوانين المنتدى

لان الهزار فى كل الموضوعات زاد جدا .. واكتر واحد حاسس بالموضوع ده اللى بيرتب القسم وبينسقه .. والادارة معايا

مش الاعضاء اللى بتدخل وبترد وبتعلق وخلاص .. ولو حد اتكلف بشغل من وراء الكواليس او شغل تجميع وقراءة مجمعة ويبعتها للادارة .. حيعرف ويحس بكلامى

لو حد وقف مع شخص مسئول فى التوكيل .. وقاله انا مش عارف ادخل واقراء الموضوعات .. ومش من شخص واحد .. ده كذا عضو فى القسم وكمان من كذا مسئول .. اشتكوا من تفرع الموضوعات .. واتصلت باعضاء قدامى انتوا فين وليه مش بتدخلوا قالوا عشان القسم دخل فى هزار ومناقشات جانبية كتير جدا ومش بنتشجع ندخل نحط معلومة
ومفروض القسم متخصص فى مجال السيارات

التنفيس اتعمل بيه موضوع للدردشة .. لان لو نفسنا فى كل موضوع بيكتبت ونفسنا عنا روحنا فيه .. المواضيع حتفقد الاساس اللى قايمة عليه والتخصص اللى فيه القسم
يا جماعة عشان محدش يزعل منى .. ويتفهم انى متحامل فى شى .. لان ده مش فى دماغى .. لان انتوا عارفين ان كل ما بقعد معاكم بكلمكم فى الدور اللى علينا كلنا ..

فى النهاية
ممكن يقدم شكوى فى مكانها مش فى موضوع فى القسم .. عشان واضح كدا ان حيكون فى اختلاف فى الراى كتير .. وحيخلى ناس كتير فعلا تزعل من الكلام
وناس كتير تشمت فينا .. وانا الوحيد اللى اعلم بكم الناس المتربصين بالقسم واعضائه .. ونفسهم انهم يقعوا فى بعض .. فمش عاوزين نعطى فرصة لحد يفرح فينا

اما عن اوضاع البلد بتسئ .. فعلا .. وعشان كدا لما بقرا موضوع لزميل واخ معايا فى ازمة بتخض عليه .. واكتشف فى الاخر ان الموضوع هزار !! .. اظن حتى لو عمل موضوع جد بعد كدا .. مش حصدق وحقول لا ده بيهزر بردوا .. والمصداقية حتسقط مننا

وعشان كدا فتحنا موضوع للدردشة والهزار والمقالب وفيه حاجات كتير جدا .. بس احنا نتواجد فيه

+111111111