اشترى دلوقتى ولا استنى معرض الأهرام 28-2-2012

[tiger76]

انا عايز اخد رأيكم
أنا ان شاء الله قررت اشترى النيسان صنى (و دة بفضل كلامكم عنها) هادفع مقدم ممكن لحد 50% و اقسط الباقى
و الحمد لله بعت العربية اللى كانت عندى بس مش عارف اتحرك من غير عربية
و محتار هل اشترى دلوقتى ولا استنى لأخر الشهر و اشوف معرض الأهرام فورميلا اللى فى 28/2/2012 ؟؟!!
و هل ممكن تكون فيه عروض تستاهل ولا مالوش لزمة؟؟
يا ريت تقلولى رئيكم و شكرا مقدما

[Dr'AhmZZong]

أنا من رأي لحضرتك تستنى لحد formula .. عشان إن شاء الله هيبقى في عروض كتير و عربية احدث لسة ممشيتش في مصر إن شاء الله هتكون موجودة ..

و إن شاء الله ال formula مش بعيد .. و ياريت حضرتك تنورنا و تيجي معانا عشان إن شاء الله كلنا هنروح مع بعض .. في القسم

تحياتي لحضرتك و نورت القسم ...

[tiger76]

أنا من رأي لحضرتك تستنى لحد formula .. عشان إن شاء الله هيبقى في عروض كتير و عربية احدث لسة ممشيتش في مصر إن شاء الله هتكون موجودة ..

و إن شاء الله ال formula مش بعيد .. و ياريت حضرتك تنورنا و تيجي معانا عشان إن شاء الله كلنا هنروح مع بعض .. في القسم

تحياتي لحضرتك و نورت القسم ...

طبعا دة شرف ليا انى أجى معاكم ، ياريت تعملوا موضوع فى القسم هنا نظبط فيه المواعيد

[Dr'AhmZZong]

طبعا دة شرف ليا انى أجى معاكم ، ياريت تعملوا موضوع فى القسم هنا نظبط فيه المواعيد

أكيد يا بيه إن شاء الله كل حاجة هتتعمل و تتظبط ..

بس أهم حاجة حضرتك تتابع معانا و متحرمناش من مشاركاتك ..

[malta]

يا ترى ايه العربية الجديدة اللى لسه ما مشيتش فى مصر و هل هى نفس فئة الصنى و لا ايه؟

[tiger76]

أكيد يا بيه إن شاء الله كل حاجة هتتعمل و تتظبط ..

بس أهم حاجة حضرتك تتابع معانا و متحرمناش من مشاركاتك ..

ربنا يخليك
انا بس كنت خايف عرض التقسيط اللى عملاه نيسان ابو 6.9% يخلص قبل المعرض
بس انت بتقول ان ممكن يكون فيه عروض
ربنا يسهل بقى و اللى مكتوب على الجبين لازم تشوفه العين :)

[Youssef.Awad]

لو ناوى على صنى الشكل الحالى يبقى اتوكل عالله واشترى دلوقت وخلاص
انما لو لسه مش مقتنع 100% الافضل تنتظر للمعرض وتقارن بين كذا عربية

[SheNo0o]

نصيحه من اخوك استحمل الكام يوم ده او الشهر ده بمعني اصح واستني المعرض وشوف ايه الجديد
وايه الي نازل في تقريبا يجي 3 او 4 مفاجئات واختيارات جديده في فئات مختلفه الصبر جمييييل ومجدي باذن الله
انا زيك بعت من فترة ومستحمل مستني اشوف وبصراحه مش لاقي اختيار موفق في الفئه السعريه الي بقيت فيها برده

ياريت ياجماعه تبقوا تقولولنا لو في طريقه نيجي معاكم انا بس من المحافظات

[tiger76]

لو ناوى على صنى الشكل الحالى يبقى اتوكل عالله واشترى دلوقت وخلاص
انما لو لسه مش مقتنع 100% الافضل تنتظر للمعرض وتقارن بين كذا عربية

أنا مقتنع بيها 100 % بس انا طمعان انه يكون فيه تخفيض سعر فى المعرض او تقسيط بفايدة أقل او اى حاجة حلوة :)

[Youssef.Awad]

أنا مقتنع بيها 100 % بس انا طمعان انه يكون فيه تخفيض سعر فى المعرض او تقسيط بفايدة أقل او اى حاجة حلوة :)

الطمع يقل ما جمع ..
وبعدين استحالة يكون فيه تخفيض على التقسيط
وغالبا لو فيه هايكون خصم 2000-3000ج على السعر الكاش خلال فترة المعرض فقط
غير كده ما تحلمش

[tiger76]

الطمع يقل ما جمع ..
وبعدين استحالة يكون فيه تخفيض على التقسيط
وغالبا لو فيه هايكون خصم 2000-3000ج على السعر الكاش خلال فترة المعرض فقط
غير كده ما تحلمش

ايه رئيكم يا جماعة فى الكلام دة، انا أصلا ماكنتش متابع معارض قبل كدة

[Land_Cruiser]

القرار حسب ظروف حضرتك فلو هينفع تستنى لحد المعرض يبقى استنى و على أسوأ الأحوال هتشتريها بسعر دلوقتى يعنى مش هتخسر حاجه و اهو بالمره تعمل مقارنه اخيره فى مكان واحد قبل ما تشترى فعليا و يمكن تاخد تخفيض و لا هدايا مجانيه مع الشراء بمناسبة المعرض او اى مزايا تانيه مش هتاخدها لو اشتريت دلوقتى. يعنى من الاخر استنى المعرض احسن و مش هتخسر حاجه و كلها كام يوم يعنى

[tiger76]

القرار حسب ظروف حضرتك فلو هينفع تستنى لحد المعرض يبقى استنى و على أسوأ الأحوال هتشتريها بسعر دلوقتى يعنى مش هتخسر حاجه و اهو بالمره تعمل مقارنه اخيره فى مكان واحد قبل ما تشترى فعليا و يمكن تاخد تخفيض و لا هدايا مجانيه مع الشراء بمناسبة المعرض او اى مزايا تانيه مش هتاخدها لو اشتريت دلوقتى. يعنى من الاخر استنى المعرض احسن و مش هتخسر حاجه و كلها كام يوم يعنى

خلاص ربنا يقدم اللى فيه الخير

[Dr'AhmZZong]

ايه رئيكم يا جماعة فى الكلام دة، انا أصلا ماكنتش متابع معارض قبل كدة

أنا من رأي تستنى .. مش هتخسر حاجة

[Ahmed.TV]

اتصل بخدمة العملاء واعرف العرض بتاع التقسيط ده حيفضل لامتى .. ولو قالولك انه ممتد .. يبقا استنى
واعتقد انه حيفضل تقريبا ..