مناقـشـة صقـور نيسـان جـوك ولا قشـقاى ؟؟؟؟

[koshary]

حبيت افتح مناقشه مع حبايبى صقور نيسان..... وكنت عاوز اعرف رأيهم لو هتشترى نيسان تختار جوك ولا

قشقاى .......... وياترا ايه السبب؟؟؟؟؟؟؟ انا عن نفسى لو هشترى ممكن جوك لانها شكلها شبابى جدا

وفخمه وفيها كل اللى واحد عاوزو وكمان سعرها حلو ..... والعربيتين فئاتهم قريبين اوى من بعض وكل واحد

من الاعضاء يدخل يقولنا رأيو ويقولنا نظرتو ايه للعربيات دى فى المستقبل وايه اللى كان بيحلم بيه يكون

فى العربيتين دول

[BassamHafez]

انا شايف ان الشاب اللي مش متزوج وعنده اولاد ياخد الجوك بدون تفكير

والقاشقاي لامثالي المتزوجين واصحاب العيال

وكان نفسي القاشقاي يبقى فيها كروز كنترول

[zangry]

قشقاى عشان واسعة وشكلها احسن من الجوك شوية

[Land_Cruiser]

قاشقاى علشان فوجاتها شكلها مش مستفز :)

[zangry]

قاشقاى علشان فوجاتها شكلها مش مستفز :)

[koshary]

بس الجوك شكلها جديد جدا وبتاخد 4 افراد مستريحين وتقريبا سعرها قريب من القشقاى وتحس انك راكب عربيه من كوكب اخر انا شوفتها معديه من جمبى قولت هامر والله

[Land_Cruiser]

بس الجوك شكلها جديد جدا وبتاخد 4 افراد مستريحين وتقريبا سعرها قريب من القشقاى وتحس انك راكب عربيه من كوكب اخر انا شوفتها معديه من جمبى قولت هامر والله

يا بيه سعرها مش قريب من القاشقاى و اللى انا شفتها كانت بتمن الاكس تريل ٢٢٥ الف. و القاشقاى ب ١٧٥ الف بس و بعدين الهامر أتوقف انتاجها :)

[BassamHafez]

يا بيه سعرها مش قريب من القاشقاى و اللى انا شفتها كانت بتمن الاكس تريل ٢٢٥ الف. و القاشقاى ب ١٧٥ الف بس و بعدين الهامر أتوقف انتاجها :)

تصحيح معلومه :

اللي ب 225 دي خليجي

اللي الوكيل ها ينزلها سعرها قريب جدا من القاشقاي ان لم يكن اقل

[Ahmed.TV]

سعر الجوك حتكون اقل من القاشقاى يا وليد وادخل واقراء الخبر اللى كنت عامل بيه موضوع
http://www.nilemotors.net/Nile/270408-a.html

ولو عايز تعرف السعر بالظبط اللى حتنزل بيه كلمنى وانا اقولك
عشان مش للنشر
العربية اللى حتنزل حينزل سعرها مش حيزيد عن القاشقاى
واللى نزلت خليجى وملاكها اشتروها حيتحسروا على فرق الفلوس
لان العربية هى هى

وبخصوص اختيارى للا عربية

بصراحة اختار الاتنين
القاشقاى اسرية واوسع من الجوك

والجوك برستيج وتحفة على الطبيعة .. الصور ظلماها جدااااااااااا

[Land_Cruiser]

انا اللى شفتها كانت البلاتينيوم و كانت حلوه من جوة بس اصغر فى الحجم من القاشقاى بس اكيد انت ادرى يا باشا باللى هتنزل فى التوكيل

[Dr'AhmZZong]

رأي ليك قشقاي ..

[Youssef.Awad]

QashQai
حب من اول نظرة .. وذوبان من اول حركة

[SonaSteel]

الجووووووووووووووووووووووووك طبعا بلا منازع هاهاهاها
حبيبتي حبيبتي :)))
ديه يتركبلها عتب وكساحات ومش هاتعرفها كمان هاهاها

[koshary]

انا متأكد ان لو الناس شافت الجوك عالطبيعه هتغير نظرتها عنها تمام وكل ده لما العربيه تنتشر وناس كتير تجربها تحس انها قطعة جاتوه ماشيه عالارض فعلا بشكر نيسان عالتصميم الرائع ده .......... وبالنسبه للقشقاى عربيه ممتازه بس الجوك تخطفك بسرعة البرق ناحيتها

[Hossam_Zaky]

القصة كلها في أحتياجاتك لأن الجوك مش اسرية اوي بس تكفي عائلة صغيرة أو أعزب اما القشقاي فتكفي عائلة متوسطة لأن شنطتها أكبر يعني القشقاي حوالي 430 لتر حسب الموديل و الجوك حوالي 300 لتر مع العلم ان تحت أرضية الجوك فيه تجويف وااااسع ممكن اضافة حجمه للشنطة برفع أرضيتها
و كمان القشقاي نازلة بسقف زجاجي بانوراما بساتر كهرباء أما الجوك مافيش سقف بانوراما لكن بعض فئاتها برة فيها فتحة سقف تقليدية معرفش حتنزل بها عندنا ولا لأ
و كمان القشقاي الأوتوماتيك فيها روف راك للتحميل علي السقف أما الجوك فمعتقدتش انها نزلت أصلا بالروف راك حتي برة مصر
الجوك فيها شوية كماليات أعلي من القشقاي بس غالبا حتنزل بجنوط 16 مقابل جنوط 17 للقشقاي

و برضه مش كل الناس حتحب شكل الجوك لأنه معمول عشان يتحبه يتكرهه مش للمستهلك العادي يعني العربية الجوك اللي حيجيبها حيكون عشان حاببها مش عشان سعرها ولا كماليتها

في النهاية أنت بتتكلم عن عربيتين في فئتين مختلفتين زي الفولكس البولو بتقارنها بالجولف أو الاوبل كورسا بتقارنها بالأستر ( وده مجرد تشبيه توضيحي لفرق الحجم بين العربيتين )