صيانة فى اتو ايجيبت يوم السبت مين يزود

[Ahmed_Rahem]

الحمد الله العربية كملت 20 الف كيلو خلال فترة اقل من سنة، وكمان خلصنا الميزانيات - فى وقت قياسى هنخش بية موسوعة جينس - وبالمناسبة دى هنعملها صيانة 20 الف يوم السبت 25 فبراير - قبل نهاية عرض الصيانة - وزى موضوع د/ ايهاب فهنا هنجمع اسماء الى يحب ينضم ليا فى اليوم دة.
واهى تعويضة عن يوم السبت الى فات.


والسلام ختام

[AhmdDomar]

وأنا كمان خلصت فحص ميزانية 2011 في آخر يناير 2012 ودي أول مره ، الظاهر ده وش الثوره الحلو ، وربنا يجعل كل اللي جاي حلو

كان نفسي أكون معاك السبت وخصوصا إن جربت الصيانه المجمعه مع فريق المنتدى بدعوة الدكتور إيهاب وكانت أجمل ما يكون ، واليوم عدى هوى والاهتمام من أوتو إيجيبت كان رائع ، والاستفاده كانت كبيره ، والصحبه كانت أروع ما يكون

يار يت تكون كل صيانتنا مجمعه ، لأن المقابلات في الصيانه في الغالب بتنصب في النواحي الفنيه والنقاشات حول المشاكل اللي بنطلب حلها من المركز ، وبالتالي تبادل الخبرات والحلول

تقبل تحياتي

[Ahmed_Rahem]

وأنا كمان خلصت فحص ميزانية 2011 في آخر يناير 2012 ودي أول مره ، الظاهر ده وش الثوره الحلو ، وربنا يجعل كل اللي جاي حلو

زميل محاسب فى المنتدى،
أنا مراجع حسابات ومخلص 8 ميزانيات - غير الى بالانجليزى ههههههههههههههه - فدة انجاز وبسبب الثورة

[AhmdDomar]

زميل محاسب فى المنتدى،
أنا مراجع حسابات ومخلص 8 ميزانيات - غير الى بالانجليزى ههههههههههههههه - فدة انجاز وبسبب الثورة

نعم فأنا أعمل رئيس حسابات لشركه أجنبيه وحمدا لله إني أنهيت الفحص بدري بدري ، وبالنسبه لك كمراجع حسابات كان الله في العون ده سيزون وربنا ييسر لك الحال

[Ahmed.TV]

احتمال اكون موجود عشان صيانة حسين جمال .. حنشوف ايه الدنيا ونظبطها عشان نكون معاك

[Ahmed_Rahem]

نعم فأنا أعمل رئيس حسابات لشركه أجنبيه وحمدا لله إني أنهيت الفحص بدري بدري ، وبالنسبه لك كمراجع حسابات كان الله في العون ده سيزون وربنا ييسر لك الحال

الشركات الاجنبية دى اكتر شركات مريحة فى المراجعة من حيث السرعة وخبر الناس الى شغالة.

احتمال اكون موجود عشان صيانة حسين جمال .. حنشوف ايه الدنيا ونظبطها عشان نكون معاك

تمام انا معادى الساعة 9 صباحاً

[Dr'AhmZZong]

ربنا يسهل و اعرف اجي .. بس عشان اشوفكم بس مش هاعمل صيانة ..

[maged george]

انا نفسي اجي معاكم بس كل ماتصل عشان احجز يقوقولي اتصل كمان عشر دقائق لغاية ما اتخنقت منهم بصراحة ومش عاوز احجز في السبع عشان معندهمش خراطة طنابير بس ربنا يسهل وهحاول احجز بكرة تاني.

[Ahmed_Rahem]

ربنا يسهل و اعرف اجي .. بس عشان اشوفكم بس مش هاعمل صيانة ..

دة انت تنورنا

انا نفسي اجي معاكم بس كل ماتصل عشان احجز يقوقولي اتصل كمان عشر دقائق لغاية ما اتخنقت منهم بصراحة ومش عاوز احجز في السبع عشان معندهمش خراطة طنابير بس ربنا يسهل وهحاول احجز بكرة تاني.

انت بتتصل برقم نيسان 16242 ولا باتوايجيبت 16666، لانى اتصلت باتو ايجبت على طول وحجزت فى 5 دقائق

[EhabVet]

لو مستغنيين عن نفسكم أنا ممكن آجي
بس هاتوا مولد كهربا معاكم :)




أوعوا تصدقوا .. أنا مش هقدر آجي

خوفا عليكم على الأقل :)

[citadeldeath]

أنا هكون موجود يوم السبت بإذن الله، حجزت الساعة 11، صيانة الـ 5000، وهتكون فرصة إني أشوف حد فيكم...

أحمد مجدي

[maged george]

انت بتتصل برقم نيسان 16242 ولا باتوايجيبت 16666، لانى اتصلت باتو ايجبت على طول وحجزت فى 5 دقائق

اتصلت برقم 16666 ورد عليا واحد اسمه كريم مرتين وكل مرة يقولي اتصل بعد عشر دقائق واسيبه ساعة واكلمه نفس الكلام قولتله ليه يعني كده قاللي معلش معلش فمش عارف كان فيه ايه يوميها الله اعلم.

[Sameh_OO7]

يا مسهل هكلمهم بكره .. ولو فى حجز يبقى هروح بأذن الله علشان خاطر الصقور اولاً وعلشان اركب كنترول ال((abs)) واعمل صيانة ال10.000كم .......... ______.......... تحياتى للجميع

[Ahmed_Rahem]

الواحد مبسوط بتجاوب الاعضاء العالى

الاعضاء الموكدين حضورهم
- Ahmed_Rahem أحمد عبد الرحيم
- Citadeldeath أحمد مجدى
- حسين جمال

الاعضاء الى لسة بيشاوروا عقلهم وفى انتظار التأكيد
- أحمد TV مصطفى - وياريت تيجى
- Ahmazong
- Maged gearge
-Sameh-007

فى انتظار تأكيد حضورهم ومشاركات الباقى

والسلام ختام

[Powert]

وانا كمان حجزت الصيانة الساعة 10.30 في اوتو ايجيبت

التجمع هيكون هناك الساعة كام ؟؟؟