بسم الله الرحمن الرحيم
اعزائي الصقور ... زي ما انتوا عارفين من فترة قريبة ربنا رزقني و اشتريت نيسان تيدا 2012 أول فئة.. اللون من بره أزرق و من جوة الفرش بيج فاتح..
طبعاً كلكو عارفين ان الفرش الفابريكة مخمل و شكله ما شاء الله تحفة شكلاً و موضوعاً. و مريح جدا في القعدة للمسافات الطويلة... بس بعد فترة هاتقابلني مشكلة تنظيف الفرش..
للمحافظة على الفرش كان لازم أركب فرش أو كسوة على الفرش الفابريكة.. ولازم الفرش الجديد يكون مريح و شكله ما يفرقش كتير عن الفرش الأصلي.
الحل ايه ؟ كان ممكن أجيب فرش من التوفيقية في ربع ساعة تكون العربية عروسة.. بس بعد فترة قصيرة جدا الفرش ده هايريح و هايحتاج يتشد تاني و كمان شكله مش هايبقى متفصل على الكرسي زي الفرش التفصيل..
بعد استشارة الأحباب .. دلوني على جينز كار.. كانت البداية بمكالمة تليفونية للحاج أحمد مشعل صاحب المكان و للأمانة الراجل على خلق و يتعامل معاك بأريحية شديدة و تحس كأنك تعرفه من سنين على الرغم من أنها أول مكالمة.
المهم.. اتفقت معاه ان أول زيارة هايبقى هدفها انه يشوف العربية و نحدد الخامات و ايه اللي هاينعمل في العربية بالظبط و معاد التركيب و الأسعار و الخصم..
علشان انا كنت رايح في فترة العرض المجاني و استفدت فعلا من الخصم و أخدت خصم فوق الخصم الطبيعي بمساعدة الشقيق و الأخ أحمد مصطفى,,,
طبعاً كان أول سؤال من الحاج أحمد هو عن طلبي في العربية و عاوز أعمل العربية جلد ولا قماش ولا جلد على قماش؟؟
كان طلبي ان العربية شكلها من جوة ما يختلفش كتير عن الفابريكة و في نفس الوقت مش عاوز الفرش الجديد يتبهدل بسرعة..
ما شاء الله الحاج أحمد من الناس المنظمين جدا في شغلهم و مرتب الخامات على حسب سعرها..
أول فرش جلد ممكن يتعمل للتيدا بدون خصم كان ب 900 جنيه لحد 1700 جنيه...و نصحني اني أعمل الفرش جلد و اتفقت أني أعمل أعلى خامة جلد موجودة عنده.
بالإضافة الي اني طلبت خياطة دبل و دي بسعر تاني لوحدها 200 جنيه و بتبقى على الأطراف علشان تدي شكل جمالي .. الفرش كان بنفس اللون الأصلي بيج و الخيط الدبل كان لونه أزرق سماوي فاتح و شكله بعد التقفيل تحفة ما شاء الله.
لازم أنوه طبعا إن كل عربية في سعر فرشها بتبقى مختلفة عن عربية في نفس الفئة بس بأوبشن أعلى .. يعني التيدا البلس أغلى من التيدا أول فئة علشان الكنبة اللي بتتقلب. و هكذا...
بعد انتهاء تركيب الفرش.. الحاج أحمد عمل واجب جاااامد جدا.. كالتالي:
فرش شنطة جلد مجاناً للأسف (ما فيش صورة )
+
هاند بريك جلد مجاناً

حلية من جلد ازرق في الأكر للأربع أبواب برضه مجاناً














+

و ده كله بره الحساب و مجاملة و واجب من الراجل الجميل الحاج أحمد مشعل.. جزاه الله خير.
اسيبكو مع الصور 

الكنبة الخلفية قبل تركيب أي حاجة.

الكنبة الخلفية برضه

الكنبة الخلفية بعد التركيب..

الخياطة الدبل على الأطراف..



الكراسي الأمامية:


الهاند بريك الجلدي المريح كان هدية من الحاج أحمد.. شكله أكتر من رائع:

صورة نهارية للفرش داخل السيارة:

و دي كانت افتكاسة جميلة و اختراع من الحاج أحمدعلشان تعمل منظر جميل لأكرة الباب.

الكنبة الخلفية بعد التركيب.. صورة نهارية:


Comment