لما ادوس فرامل الدريكسيون يرعش فى ايديا

[mahranoo]

الى الاستاذ أحمد مصطفى وجميع النسور المحترمين اللى الواحد مقصر جدا معهم

عندى مشكلة ان عربيتى نيسان صنى 2006 ex كل لما ادوس فرامل الدريكسيون يرعش فى ايديا ويرمى شمال -ظبط زاويا وبرده المشكلة لسه قائمة - برجاء المساعدة وابداء الرأى - جعله الله فى ميزان حسناتكم - والله الموفق0


------
تم تغير العنوان ليتماشى مع المحتوى
م1ب
مشرف القسم

[zangry]

اطلع علي التوكيل وإن شاء الله خير

[Ahmed_selmy]

يا باشا دى طنابير الفرامل, المشكله دى كانت عندى فى العربيه بس مش نيسان
بس ان شاء الله تكون هى.

[mohamedbook]

ممكن الطنبير محتاجة خراطة انا عارف ان فية ماكينة مخصوصة لخراطة الطنابير في اتو ايجيبت ياريت تروح وان شاء الله المشكلة تتحل

[Bishoy.Girgis]

اعتقد كده و الله اعلم دي علبة دركسيون .. شكلها كده فيها مشكلة .. بس ممكن تعرفها لو بتسمع دبدبة في المطابات

و ممكن يكون فعلا الطنابير عايزة تتخرط و لو كده يبقي تروح تخرطهم في اوتوايجيبت افضل بكتير

[ahmedhawas]

في الغالب:
- الرعشة سببها ريجة في الطنابير run out
- أما الحدفة الشمال أثناء الفرملة: خرطوم الفرامل اليمين مسدود (اللي في بير العجل) .. غير الناحيتين.

والله أعلم.

[Dr'AhmZZong]

في الغالب:
- الرعشة سببها ريجة في الطنابير run out
- أما الحدفة الشمال أثناء الفرملة: خرطوم الفرامل اليمين مسدود (اللي في بير العجل) .. غير الناحيتين.

والله أعلم.

فعلا

[tarekmomo]

دى مشكلة طنابير

[Manchestrawy]

طنآآبير ان شاء الله ويارب متكنش علبه دريكسيون .. الله لا يوريك
وابقى طمنا وقولنا كانت ايه المشكله وطريقه حلها عشان الجميع يستفيد

[mahranoo]

متشكرا جدا يا جماعة على اهتمامكم جميعا ان شاء الله هاروح اكشف على الطنابير الاول وربنا يستر ومتكونش فى حاجة ف علبة الدريكسيون

[Ahmed.TV]

لما بتدوس فرامل والرعشة دى .. يبقا ده فى ريجة فى الطنابير ..
واحنا عملنا موضوعين .. واحدة عن الوقاية من الريجة بتاعت الطنابير
والثانى تقرير عن مركز اوتوايجيبت فيها صورة لجهاز الطنابير .. بيقوم بمسح الطناير بالليزر .. من غير ما ناكل فى الطنابير ونقلل من عمرها وامانها .. فالمسح بالليزر افيد بجد للطنابير ..
وده موجود فى اوتوايجيبت تقريبا فى حدود 105 جنيه .. على ما اذكر

[mahranoo]

بارك الله فيك يا استاذ احمد وجعله الله فى ميزان حسناتك بس ممكن احجز فى اوتو ايجيبت علشان الموضوع ده بس خاصة انى عربيتى بعمل صياناتى بمعرفتى دلوقتى واخر صيانة كانت 60 الف اللى هى المفروض تتعمل ف ال 40000 واتعملت ف ابوغالى وبعد كده زيوت وعفشة وتيل اصلى وكله بره التوكيل
وشكرا

[aimank]

لما بتدوس فرامل والرعشة دى .. يبقا ده فى ريجة فى الطنابير ..
واحنا عملنا موضوعين .. واحدة عن الوقاية من الريجة بتاعت الطنابير
والثانى تقرير عن مركز اوتوايجيبت فيها صورة لجهاز الطنابير .. بيقوم بمسح الطناير بالليزر .. من غير ما ناكل فى الطنابير ونقلل من عمرها وامانها .. فالمسح بالليزر افيد بجد للطنابير ..
وده موجود فى اوتوايجيبت تقريبا فى حدود 105 جنيه .. على ما اذكر

استاذ احمد ممكن لينكات الموضوعين دول اكون شاكر تعب حضرتك

[tarek08]

كان عندي نفس المشكلة وخفت جامد بعد الترصيص بس رصص عند حد متخصص - انا رصصت فى اوتو ايجيبت وماضبطتش رصصت عند واحد فى الزقازيق تخصص الوضع احسن بكتير
انا كنت غيرت تيل وطنابير فى مودرن والمشكلة ماراحتش الا بعد الترصيص - جرب الاول عشان ما تغرمش تمن الطنابير والتيل وتمشي تكلم نفسك زي ما حصلي ولو الترصيص ما ضبطش ابقى غير الطنابير

[aimank]

انا الموضوع ده لسه حاصل معايا بعد تغيير تيل الفرامل مع انى مغير التيل القديم الى هو جى فى العربية من الزيرو بعد 60.000كم و بحالته مكنش محتاج يتغير و انا الى قولت للمهندس غيرو و (يارتنى ما غيرتوا)
الى حصل بعد تغيير التيل ان مع الفرامل بلاقى الدريكسيون يتهز جامد يمين و شمال قولت اصبر على الحكاية دى يمكن التيل علشان لسه جديد دلوقتى عدى عليه 1000كم و الحكاية لسه زى ما هى
و المشكلة بقى انى كنت مع المهندس جمب العربية و هما بيغيروا التيل و شوفنا الطنابير زى الفل و قولتله اسحب هوا من الاربع عجلات مرداش و قالى ان احنا لسه مغيرين زيت الفرامل قريب
قعدت افهمه ان مع تغيير التيل منسوب الزيت بيتغير و هوا مصمم ان مش لازم قولتله الدواسة واطية قالى حعليها رجلش ورا و خلاص و شوية و رجعت واطية تانى المهم كلمته فى التليفون تانى النهاردة قالى ده عيب طنابير عايزة تتغير !!!!!! مع ان انا اعرف ان الى يأثر على الطنابير ان تركب تيل مش اصلى او تعدى على مياه و العربية سخنة بسرعتك او تغسل العربية بعد مشوار و كل الحاجات دى انا معملتهاش
انا حروحلهم بكره و اقولكوا ايه الى حيحصل