فلتر زيت الفتيس

[حماده المصري]

السلام عليكم ورحمه الله

اعضاء نيسان ازيكم عاملين ايه

ان شاء الله ناوي اغير زيت الفتيس ل فالفولين ماكس لايف طبعا فتيس اوتوماتك

العربيه ماشيه 100 الف كيلو هل يلزم تغيير فلتر زيت الفتيس او المسماه المصفه

وحد غيره قبل كده وكام سعره

اتمنى الي عنده معلومه ان شاء الله مبيخلش عليا بيها

انا ناوي اغير زيت الفتيس ل فالفولين

وزيت المتور ل ليكوي مولي وان شاء الله ده يبقى الامثل للعربيه

وهل في فلتر زيت متور في السوق اصلي سعره كام

والفلاتر الكوري دي والمصري ايه ظروفها

[akmm]

متابع ---

[amdd]

كان نفسى اشارك بإجابة
بس انا عايز فعلا اجابة على موضوع الاخ الكريم لانى فى نفس الموقف بالظبط

[zangry]

اتمنى ان الموضوع ده يفيد حضرتك

تغير زيت فتيس اوتوماتيك لنيسان صنى مع فالفولين مدعوم بالصور

[Ahmed.TV]

تغير الزيت وسعره وكل اللى انت عايزه موجود فى القسم لعمرو اخونا وصديقنا كان عامله وبالصور
وده كان لسه حد قريب بردوا كان سال فى نفس الموضوع .. وحطينا لينك عمرو فيه .. ولينك العضو اللى سالى تقريبا فى تانى او تالت صفحة .. وكمان معيار الزيوت قد ايه بيتحط بردوا موجود ليها موضوعات كتير فى الفهرس المثبت

اما بخصوص الفلتر .. الفلتر تمنه من 55 الى 60 الاصلى .. واعتقد لو فى كورى مش حيقل عن 40 جنيه فالاصلى افضل طبعا

[amdd]

استاذ احمد هو فى فعلا موضوع بخصوص تغيير الزيت فالفولين اكتر من رائع بجد
بس الفكرة ان التغيير كان شفط ومغيرش الفلتر
احنا عايزين تجربة التغيير البدائية لو حد جربها ..وموضوع الفلتر ده سهل فى التغيير ولا ممكن حد يعك الموضوع
السؤال ليه؟...لان فى ناس كتير فى محافظات تانية لاعندها خدمة فالفولين ولا عندها اى توكيل زى حالاتى مثل.

[Ahmed.TV]

الله يكون فى عونك بجد ..
بس اللى اعرفه ان فالفولين بيبعت الزيت لاى محافظة فى مصر ايان كان بعدها .. وبيشحنلك الزيت بزيادة 10 جنيه مصاريف شحن

وفعلا معاك فى موضوع الزيت والتغير والشفط .. بس مفيش حد فعلا غير زيت بالطريقة القديمة وغير فلتر قبل كدا .. ونتمنى مزيد من التقارير المفيدة من الاعضاء للافادة العامة

[Amr2004IBM]

بص يا باشا لو عايز ضرورى تغير الفلتر يبقى لازم التوكيل ليييييييييييييه؟؟؟؟؟؟؟؟؟؟؟؟؟؟؟؟؟
علشان بيفك الكرتيره بتاعه الزيت لان الفلتر جواها ودى قصه صعبه ودقيقه ولا ينصح بعملها باقل من 150000 كيلوميتر غير انك بعد الفك هاتطر انك تغير من7 الى8 لتر ( الزيت كوله)
او ممكن تروح لواحد متخصص فتيس اوتوماتيك ويفضل بتاع يابانى وانته وحظك بقى!!!!!!!!!!!
نصيحه اخيره لو مصمم روح التوكيل احسن واضمن حتى لو اغلى وخاصتا ان دى من اساسيات السياره واخر مره سمعت ان الفتيس ب 25000ج فحرام تجازف

[zangry]

25 !!! مش يعتبر كتير اذا اتقارن بفتيس الاوروبي

[حماده المصري]

والله ياجماعه انا بشكركم على ردودكم وتفاعلم

فعلا في موضوع انا قراته عن فالفولين بس كان شفط فعلا متمش فك الكرتيره والكلام ده


انا غيرت قبل كده زيت وفلتر فتيس عادي جدا في الهيونداي ولو الصني زييها هيبقى برضو عادي بس انا لازم اسال الاول اكيد

الكرتيره كلها على بعضها كام مسمار او صموله والفلتر يتفك ويتركب الي بعده لو الصني زي النترا الي كانت معايا هتاحد في حدود 4 لتر ونص بالكتير اوي انما قصه 7 ولا 8 لتر دي لما الفتيس كله يتفك

[Dr'AhmZZong]

تغير الزيت وسعره وكل اللى انت عايزه موجود فى القسم لعمرو اخونا وصديقنا كان عامله وبالصور
وده كان لسه حد قريب بردوا كان سال فى نفس الموضوع .. وحطينا لينك عمرو فيه .. ولينك العضو اللى سالى تقريبا فى تانى او تالت صفحة .. وكمان معيار الزيوت قد ايه بيتحط بردوا موجود ليها موضوعات كتير فى الفهرس المثبت

اما بخصوص الفلتر .. الفلتر تمنه من 55 الى 60 الاصلى .. واعتقد لو فى كورى مش حيقل عن 40 جنيه فالاصلى افضل طبعا

الله يكون فى عونك بجد ..
بس اللى اعرفه ان فالفولين بيبعت الزيت لاى محافظة فى مصر ايان كان بعدها .. وبيشحنلك الزيت بزيادة 10 جنيه مصاريف شحن

وفعلا معاك فى موضوع الزيت والتغير والشفط .. بس مفيش حد فعلا غير زيت بالطريقة القديمة وغير فلتر قبل كدا .. ونتمنى مزيد من التقارير المفيدة من الاعضاء للافادة العامة

بص يا باشا لو عايز ضرورى تغير الفلتر يبقى لازم التوكيل ليييييييييييييه؟؟؟؟؟؟؟؟؟؟؟؟؟؟؟؟؟
علشان بيفك الكرتيره بتاعه الزيت لان الفلتر جواها ودى قصه صعبه ودقيقه ولا ينصح بعملها باقل من 150000 كيلوميتر غير انك بعد الفك هاتطر انك تغير من7 الى8 لتر ( الزيت كوله)
او ممكن تروح لواحد متخصص فتيس اوتوماتيك ويفضل بتاع يابانى وانته وحظك بقى!!!!!!!!!!!
نصيحه اخيره لو مصمم روح التوكيل احسن واضمن حتى لو اغلى وخاصتا ان دى من اساسيات السياره واخر مره سمعت ان الفتيس ب 25000ج فحرام تجازف