مكالمات خدمة العملاء

[Powert]

النهاردة جالي تليفون من خدمة عملاء شركة تابعة لشركة نيسان مصر (ده عادي)

امال اللي مش عادي ده اية

انه ده الاتصال رقم 4 من شركة نيسان علشان يسألوا عن مستوي صيانة ال 30.000 الف اللي احنا عملنا يوم السبت في اوتوا ايجيب

اول اتصال جالي من المركز تاني يوم بيسألوا عن الصيانة واخبارها اية

بعده بيومين جالي اتصال منهم تاني بيسألوني عن مستوى الخدمة العملاء والحجز والصاينة برضه

تالت اتصال كان من شركة نيسان مصر بيقولوا اية اخبار الصيانة

النهاردة تليفون تاني من شركة تابعة لنيسان مصر بيسألوا عن مستوى الخدمة ومركز والمهندس والاستقبال

ومستوى الاستراحة و.و..و..و كل حاجة

المفأجاة الغريبة ان يوم الاثنين اللي فات جالى اتصال من السبع بيفكروني بمعاد صيانة ال 30.000 الف قولتلهم عملتها في الاوتو ايجيبت

[Dr'AhmZZong]

نفس اللي حصل معايا بالظبط ..

كل شوية يكلموني بصراحة شركة محترمة ..

[moh19227]

لا فعلا شغل ممتاز فعلا ودايما ان شاء الله

[me_medoo]

ههههههههههههههههه
اانا لو معاية رقم تيلفونك هتصل بيك انا كمان وأقولك ها عاملت الصيانة ...وهدي رقم تيلفونك لأخواتي وصحابي والجيران علشان يتصلو بيك ويقلولك أخبار الصيانة ايه يافندم ههههههههههههههه

[Bishoy.Girgis]

احمد .. هي دي نيسان

[_hema]

نيسان شركة محترمة

[Ahmed.TV]

لصح .. ان المركز يكلمك عشان يعرف مستوى الخدمة عنده اخبارها ايه ..
والصح الصح .. ان نيسان تتابع العميل وتتطمن ان المركز المعتمد تابعها قام بالواجب ومقصرش مع العميل
وده حيتم لما المركز يبعت لنيسان ان العميل الفلانى جه عندى وعمل صيانة كذا ..
وبصراحة فى حاجة غريبة نقف عندها هنا
انا عملت صيانات فى مراكز خدمة كتير معتمدة لنيسان .. وكنت بلاقى المركز فقط هو اللى بيكلمنى .. واحيانا مش بيكلمونى .. المهم اللى اخدت بالى منه .. ان مكنش بيتصل بيه حد من نيسان مصر .. ويتابع معايا ويسالنى عن مركز الخدمة هل قام بالصيانة معايا بمنتهى الحرفية ولالا .. وده بيخلينا ناخد بالنا من اللى قولته .. ان المركز لازم يبعت بيانات العميل لنيسان مصر عشان تتابع وراه .. فالظاهر زمان كان فى تقصير او كسل من المراكز القديمة

واللى شايفة دلوقتى ان بوجود مراكز خدمة اخرى دخلت المنافسة مع المراكز القديمة .. اصبح الكل بيتنافس لمصلحة العميل ولكسب رضاه العملاء .. وده حاجة بتسعدنا بصراحة .. ونتمنى وجود مراكز خدمة قوية ومحترمة اكتر تدخل عالم نيسان وينافسوا بعض منافسة شريفة فى الخير تنصب لمصلحة العملاء

[DarkMagician]

دولة اللي يتقال عليهم عاوزين يشتغلو ويكسبو زبون

[Land_Cruiser]

ناس محترمين بصراحه و الأهم من انهم بيتكلموا انهم بيهتموا فعلا بآراء الناس يعنى قول و فعل مش كلام و خلاص