طرمبة بنزين الصني .. موضوع محيرني جداااااااااا

[Dr'AhmZZong]

المفروض يا جماعة إن العربية لو فيها لتر فاضل في التنك ..

العربية بتاخده و بتستفيد بيييييه !!!

طيب .. معنى كده إن طرمبة البنزين موجودة اسفل التنك عشان العربية تستفيد بـ أي قطرة بنزين ..

صح !!!

طيب .. مادام وجود الطرمبة اسفل التنك .. يبقى كده كده الطرمبة بتسحب الشوائب اللي في آخر التنك < اكيييييد عشان هي في الأسفل > ..

سؤال بقى ؟؟

1. لييه بيقولوا متسبش العربية تقل عن ربع التنك < يعني 15 لتر > .. مادام كده كده الطرمبة بتاخد من تحت يعني مش فرقة 15 ولا حتى 5 يعني كده كده هتاخد من الشوائب ؟؟
.................

في ناس بتقول إن الطرمبة مش هي اللي اللي في الأسفل .. قلت الحمد لله .. بس في حاجة .. الطرمبة مادة ليها زي tubes كده لحد أسفل التنك .. طب ماكده هي هي .. برده بتاخد من الشواءب اللي من تحت !!!!!!!!!!!!!

أنا حاسس انه موضوع غريب .. أتمنى التوضيح الوافي ..

[zangry]

فى حاجة مش فهمينها

[Dr'AhmZZong]

فى حاجة مش فهمينها

فعلا

[SHNORY]

العربيه لما بتتحرك الشوائب بتعوم في البنزين وتتحرق مع الحرق
الكلام ده لو البنزين راكد وبيطير لوحده من غير حركه يبقي اكيد الرواسب حتفضل تحت

[zangry]

العربيه لما بتتحرك الشوائب بتعوم في البنزين وتتحرق مع الحرق
الكلام ده لو البنزين راكد وبيطير لوحده من غير حركه يبقي اكيد الرواسب حتفضل تحت

كلام سليم

[Amr2004IBM]

مين قالك يا حمادا ان الطرمبه فى اسفل التنك اتنه مختش بالك من المواضيع السابقه انك بتفك الطرمبه من تحت الكنبه الخلفيه مباشرتا يعنى الطورمبه موجوده اعلا التنك
لكن انها بتسحب اخر لتر فى البنزين دى مشكوك فيها يا ريت حد ياكدهلنا ويشرحلنا ازاى
الكلام ده كان فى العربيات القديمه وبرغم انها كاربراتير لكن كانت بتتسد كل فتره لان السحب كان من اعمق نقطه فى التنك وبتالى شوائب بالهبل وكنت لازم تغير الفلتر كل فتره
علشان كده تفادو العيب ده فى وضع طلمبه البنزين فى السيارات الحديثه ... والله اعلى واعلم

[S H @ F T]

موضوع ربع التانك ده صحيح بس السبب هو اللي غلط
انت بتسيب ربع التانك مش عشان الشوائب لأن الشوائب في مصفى بتحمي الطلمبة منها وبعد كده في فلتر بنزين
يعني مفيش منها أي قلق
ولكن السبب الرئيسي والمهم جدا ان طلمبة البنزين التبريد بتاعها الوحيد هو عن طريق البنزين الموجود في التانك وبالتالي لما تمشي من غير بنزين (أقل من الربع ) بتكون الطلمبة شغالة بدون تبريد ومع الوقت الموتور بتاعها بيسخن ويتحرق

هو ده الموضوع ببساطة

[EhabVet]

موضوع ربع التانك ده صحيح بس السبب هو اللي غلط
انت بتسيب ربع التانك مش عشان الشوائب لأن الشوائب في مصفى بتحمي الطلمبة منها وبعد كده في فلتر بنزين
يعني مفيش منها أي قلق
ولكن السبب الرئيسي والمهم جدا ان طلمبة البنزين التبريد بتاعها الوحيد هو عن طريق البنزين الموجود في التانك وبالتالي لما تمشي من غير بنزين (أقل من الربع ) بتكون الطلمبة شغالة بدون تبريد ومع الوقت الموتور بتاعها بيسخن ويتحرق

هو ده الموضوع ببساطة

معلومة جميلة

[Sameh_OO7]

موضوع ربع التانك ده صحيح بس السبب هو اللي غلط
انت بتسيب ربع التانك مش عشان الشوائب لأن الشوائب في مصفى بتحمي الطلمبة منها وبعد كده في فلتر بنزين
يعني مفيش منها أي قلق
ولكن السبب الرئيسي والمهم جدا ان طلمبة البنزين التبريد بتاعها الوحيد هو عن طريق البنزين الموجود في التانك وبالتالي لما تمشي من غير بنزين (أقل من الربع ) بتكون الطلمبة شغالة بدون تبريد ومع الوقت الموتور بتاعها بيسخن ويتحرق

هو ده الموضوع ببساطة

العربيه لما بتتحرك الشوائب بتعوم في البنزين وتتحرق مع الحرق
الكلام ده لو البنزين راكد وبيطير لوحده من غير حركه يبقي اكيد الرواسب حتفضل تحت

كلام سليم 100%

[Bishoy.Girgis]

موضوع ربع التانك ده صحيح بس السبب هو اللي غلط
انت بتسيب ربع التانك مش عشان الشوائب لأن الشوائب في مصفى بتحمي الطلمبة منها وبعد كده في فلتر بنزين
يعني مفيش منها أي قلق
ولكن السبب الرئيسي والمهم جدا ان طلمبة البنزين التبريد بتاعها الوحيد هو عن طريق البنزين الموجود في التانك وبالتالي لما تمشي من غير بنزين (أقل من الربع ) بتكون الطلمبة شغالة بدون تبريد ومع الوقت الموتور بتاعها بيسخن ويتحرق

هو ده الموضوع ببساطة

معلومة جديدة فعلا .. شكرا يا باشا

[aymannnnnnnn]

طبعاً كل الاحتملات اللي اتقالت دي منطقية ومظبوطة واحب اضيف ليهم احتمال تاني من وجهه نظري
ان كل ما منسوب البنزين بيقل في التنك بيزيد الحمل على الطرمبة في السحب فتسخن اكتر في حين ان التنك لو مليان على اخره مستوى البنزين بيكون اعلى من الطرمبة
عشان كده غلط تفك العوامة والتنك مليان بنزين حتغرق الدنيا

[Dr'AhmZZong]

متشكر قوي يا جماعة على رايكم المجمع على إن موضوع ربع التنك ده عشان برودة الطرومبة مش عشان الشوائب هي كده كده بتاخد لحد آخر نفس في التنك تمام كلام جميل جدا ..

و لكن !!!

لو بصينا على طرومبة بنزين الصني هتلاقيها أعلى التنك مش أسفله .. و بحكم الجاذبية البنزين مشفوط لتحت .. برده كده الطرومبة مش هتبقى بارده غير لما نفول كل 20 كيلو عشان التنك يبقى مملي على الآخِر و تبرد الطرومبة .. صح ولا ايييه ؟؟؟

لاما بقى الطرومبة أسفل التنك و بكده كلامكم صح على البرودة و لازم يكون في ربع التنك .. بس الطرومبة في الأعلى مش الأسفل !!!

إيه رأيكم !!

[egyseadragon]

إلتبريد بيتم من خلال مرور البنزين في الطرمبة مش من حواليها

[S H @ F T]

الطلمبة بتركب من فوق التانك لكن بيبقى مكانها أسفل التانك

[highspeed]

ياجماعه معظم الشوائب كثافتها اخف من البنزين علشان كده بتطفو على وش البنزين ولما البنزين يقل او لما العربية تشطب بنزين الشوائب دي بتتسحب وتدخل في خرطوم السحب الموجود اسفل التانك وداخل على الطرمبة فتتسد المصفه (فلتر البنزين) فيزود مقاومة السحب و يحمل على الطرمبة فتسخن وتتحرق. انما موضوع التبريد ده ميتهيأليش بصراحه. مشكلة النيسان الرهيبة ان فلتر البنزين جوا الفلتر وعلشان يتغير يبقى بالطرمبة بس انا فكيت الطرمبة مره ونضفت الفلتر بس الموضوع محتاج ميكانيكي كويس علشان ميبوظش الطرمبة.. والله اعلم