الصنى اتخرشمت :(

[just4fun]

بجد مش عارف ايه اللى بيحصل ده :( , العربية اتخبطت مرتين و هى واقفه

من كام يوم كنت راكن العربية جنب البيت قريب من محل بيشطب المهم الشغل كان بعيد و الدنيا تمام , نزلت مره بشيل الغطا و كانت الصدمة الاولى الفانوس الامامى شمال وشه اتكسر و الشنطه خدت خبطة من فوق عند العلامة اتارى الباشوات عملوا مدخنة من جنب المحل و وقعوا طوب عليها و تقريبا عرق خشب وقع على الشنطة , اتنرفزت جدا و رحت كلمتهم قالولى منعرفش و صاحب المحل قال مكنش يقصدوا و بتاع , قلت الحمد لله انها جت فى العربية و ربنا يعوض و الموضوع انتهى .

انهارده بقى نازل الصبح لقيت الرفرف الشمال اتخبط و دخل جامد لجوة و الفانوس الشمال بردو اتكمل عليه لحد مبقيت مش طايق العربية .
المحصلة بقت فانوس شمال + رفرف شمال ينفع يترد + خبطة فى الشنطة , عايز نصيحتكم فى الحجات دى و الفانوس الاستيراد يعمل كام ؟ و ارد على البارد ولا ارش ؟

معلش طولت عليكم بس ده من همى ,و مستنى نصايحكم ....

[EhabVet]

ولا تزعل نفسك
قدر الله وما شاء فعل
والحمد لله على كل حال

[Dr'AhmZZong]

يااااااااااه معلش يا اندرو .. متزعلش .. كويس إنها جت على قد كده ..

عموما الحاجات المخبوطة ردها على البارد احسن .. بدل ما ترش و كلام فاضي ..

موضوع الفانوس ده بقى أنا سألت زميلنا manshestrawy و قال لي في فوانيس اسمها ديبو موجودة عن واحد اسمه محمد نجم في فيصل و دول فوانيس أظن تيواني .. ممتازين جدا و سعرهم في حدود الواحد بـ 280 جنيه و ميفرقش عن الأصلي في حاجة ..

لو عايز أي حاجة تاني كلمني .. و أنا تحت امرك

[Kareem Fawzy]

انا كمان انصحك بDepo خامة وكويسة وسعر معقول عن الاصلى

[Land_Cruiser]

معلش ربنا يعوض على حضرتك و حاول بعد كده تركن فى مكان بعيد عن المحلات او ساحه انتظار حتى لو دفعت فلوس او اضطريت تمشى شويه

[el_nahal2004]

قدر الله ماشاء فعل
وان شاء الله تخلص الشغل الى فيها على خير

[just4fun]

ولا تزعل نفسك
قدر الله وما شاء فعل
والحمد لله على كل حال

متشكر , الحمد لله على كل شىء و كويس انها جت فى العربية .

يااااااااااه معلش يا اندرو .. متزعلش .. كويس إنها جت على قد كده ..

عموما الحاجات المخبوطة ردها على البارد احسن .. بدل ما ترش و كلام فاضي ..

موضوع الفانوس ده بقى أنا سألت زميلنا manshestrawy و قال لي في فوانيس اسمها ديبو موجودة عن واحد اسمه محمد نجم في فيصل و دول فوانيس أظن تيواني .. ممتازين جدا و سعرهم في حدود الواحد بـ 280 جنيه و ميفرقش عن الأصلي في حاجة ..

لو عايز أي حاجة تاني كلمني .. و أنا تحت امرك

الحمد لله يا احمد ,
الفوانيس الديبو عارف انها كويسه بس سمعت ان توزيع الاضاءة بتعها مش زى الاصلى و فى فرق مللى فى الابعاد , فالو فى استيراد يكون اصلى و احسن بس مش عارف بكام , و الرد على البارد خايف تطلع شكلها معضعض و مش كويس ولا اية رائيك ؟
ربنا يخليك يا احمد و متشكر اوى على اهتمامك ...

[night_whisper]

قدر الله و ما شاء فعل
بالنسبة للفانوس شوف الموضوع دة كدة يمكن يفيدك

http://www.nilemotors.net/Nile/274867-a.html

[atefadel]

يبقي انت اكيد في مصر

[Medicalist]

انا كده زيك برضه مع انى بركن العربيه فى حتت واسعه بنزل الاقى الاكصدام محكوك واحد خابط السقف واحد خابط الشنطه عادى جداا دلوقتى بقيت بكبر و مش بصلح حاجه سايبها كده للذكرى الواحد زهق

[zangry]

معلش متزعلش نفسك فداك 1000000000 عربية وانشاء الله تتظبط وترجع احسن من الاول

[assaf]

معلش ياباشا الحمد لله انا جت في العربيه بس . الناس معادتش بتخاف علي حاجه الغير .
انا العربيه كان فيها خبطه عند الباب جنب السواق ردتها ورشيت الباب وبعد اسبوع كنت راكن العربيه جيت لقيت الباب مخبوط مش عايز اقولك اما كنت متضايق اد ايه
ومره كنت راكن وجيه واحد من العيال وعمل بيمسح العربيه وكنت مش واخد بالي بعد مروحت لقيت خرابيش في كل العربيه خوط ودواير يظهر كان في سلك في الفوطه انا لوشفته كان ممكن اموته
بس من بعدها اتعودت ومعدش فارق معايا تقدر تقول خدت مناعه

[DrKamBosha]

عاوز تحافظ على عربيتك = دور على جراج خصوصي

انا واخد ب 200 في الشهر للعربية بتاعتي و معايا مفتاحه ، و نصيحة ابعد عن الجراجات العمومية اللي بياخدوا المفتاح

[zeznia]

الف سلامه عالعربيه معليش
اعتقد ان ممكن الفانوس تصبله وش كرستال زي حسام زكي كده
والخبطات ممكن صور عاشان نعرف تترد ولا تغير

[Donzi]

قدر الله و ما شاء فعل و الحمد لله انها جت في العربية على قد كدا بس حاول تركن بعيد عن اي محلات او مباني في تشطيبات عشان بيبهدلوا العربيات