محتااااااااار .... عفشة ولا استهلاك بنزين !!!

[abdo1100]

السلام عليكم جميعا

انا عندي مشكلة عويصة جدا ومحتار ومش عارف اوصل لحل مناسب

باختصار شديد معايا صني 2012 من شهر 11 تقريبا يعني تقريبا خلصت اربع شهور بيها
ولكن ...

معظم الطرق اللي بمشي فيها مش ممهده بمعنى يا اما مش متسفلته خالص او اسفلت سئ او طرق مش حافظها فبنزل في حفر كتير

فعشان كدة حاطط نيتروجين ومخليه 30 قدام 28 ورا عشان يبقى الكاوتش حنين ومش يوصل التخبيط الجامد ده للعفشه ويزود معدل استهلاكها وكمان مبقاش قاعد بترزع جوه العربية....

وبعد اربع شهور مشيت حوالي 2800 كيلو والمفاجاة طلع متوسط الفترة دي 150 كيلو في الصفيحة

حد يلحقني ويقولي اية الحل ؟؟؟؟

احط 36 قدام 33 ورا زي ما مكتوب عشان اوفر بنزين وكدة العفشة بالسلامة
ولا
استحمل استهلاك البنزين عشان احافظ ع العفشة

ارجو المساعدة وتوضيح تكلفة العفشة كل كام كيلو مقابل فرق الاستهلاك المتوقع لو زودت الضغط

وشاكر ليكم حسن تعاونكم

[Manchestrawy]

العفشه حسب الطرق الي بتقول عليها دي مش هتشتكي قبل 60 الف كيلو ..
احسبها حضرتك وشوف انهي الاوفر ليك

[abdo1100]

العفشه حسب الطرق الي بتقول عليها دي مش هتشتكي قبل 60 الف كيلو ..
احسبها حضرتك وشوف انهي الاوفر ليك

شكرا لرد حضرتك السريع

ولكن عذرا انا عندي استفسار

العفشة مش هتشتكي قبل 60 الف على ضغط الهواء الحالي اللي هو 30\28

ولا لو حتى رفعتها 36 \30 عشان اوفر بنزين؟

[Manchestrawy]

معلش والله معنديش فكره عن تأثير هوا الكوتش على العفشه ..

بس 36 دي كتير .. مشفتهاش قبل كدا

بس لو نفختها 40 بردو العفشه شغاله معاك لـ 60 الف

ممكن اكتر شوية او اقل واصحاب الخبره هيفيدوك .. ومتستعجلش

شوية والمنتدى يدزحم وتلاقي اجوبة لكل استفساراتك

وتكلفه اصلاح العفشه في التوكيل مش غاليه اوي بردو ..

مقصات ومساعدين والخ .. مش هتكلف كتير متقلتش

وفي موضوع مثبت لقطع االغيار في التوكيل ممكن تبص عليه كدا

تحياتي

[Dr'AhmZZong]

أولا أهلا بيك ..

بالنسبة لموضوع النيتروجن انسب قياس تعملوا هو 32 قدام 29 ورا .. سيبك من حوار 36 ده عشان مش هتفرق خالص في البنزين غير ممكن 1% مثلا .. لا تقلق .. لكن 30 قدام 28 ورا قليل اويييييييييي .. تمام ........

بالنسبة للبنزين بقى .. اقرا حضرتك المواضيع ديه كويس جداااااااا

.. http://www.nilemotors.net/Nile/275339-100.html

..http://www.nilemotors.net/Nile/265021-a.html

حضرتك هتلاقي إن العربية استهلاكها كويس جدا بس على حسب سواقة حضرتك .. و بتعتمد على عدة عوامل منها الزحمة .. المشي على سرعات بطيئة جدا و عالية جدا .. الحرق و الفرملة كل شوية .. عدم ضبط الكاوتش .. الاوزان الزيادة .. و حاجات يامااااااااااا ..

اقرا حضرتك المواضيع كويس عشان كمان فيها ازاي تحسب استهلاك السيارة بالمللي ..

تحياتي لحضرتك و نورت القسم ..

[abdo1100]

أولا أهلا بيك ..

بالنسبة لموضوع النيتروجن انسب قياس تعملوا هو 32 قدام 29 ورا .. سيبك من حوار 36 ده عشان مش هتفرق خالص في البنزين غير ممكن 1% مثلا .. لا تقلق .. لكن 30 قدام 28 ورا قليل اويييييييييي .. تمام ........

بالنسبة للبنزين بقى .. اقرا حضرتك المواضيع ديه كويس جداااااااا

.. http://www.nilemotors.net/nile/275339-100.html

..http://www.nilemotors.net/nile/265021-a.html

حضرتك هتلاقي إن العربية استهلاكها كويس جدا بس على حسب سواقة حضرتك .. و بتعتمد على عدة عوامل منها الزحمة .. المشي على سرعات بطيئة جدا و عالية جدا .. الحرق و الفرملة كل شوية .. عدم ضبط الكاوتش .. الاوزان الزيادة .. و حاجات يامااااااااااا ..

اقرا حضرتك المواضيع كويس عشان كمان فيها ازاي تحسب استهلاك السيارة بالمللي ..

تحياتي لحضرتك و نورت القسم ..

شكرا ليك كتير على ردك الشامل ده

وبالفعل قريت المواضيع دي كاملة وانا معنديش اي مشكلة ولا شك في ان الصني بتاكل بنزين

انا عارف انها معقولة ان لم تكن جيدة في فئتها....

لكن موضوعي ده بسأل في عن حاجة تانية خالص

عن اثر ظبط ضغط الهواء على استهلاك البنزين واهلاك العفشة...

هل بيأثر اوي وبالتالي اعمله اعتبار ولا نسبته ضئيلة زي ما حضرتك وضحت ويبقى مش فارقة وازود نيتروجين عادي 32\29 عشان حتى العربية تبقى خفيفة معايا وانسى العفشة بقى خالص؟؟؟

[SonaSteel]

هي كل امشكلة في الدبدبة لو عملته 36 و 33
مع انها احسن للكاوتش والعفشة والاستهلاك ... بس هاتدبدب معاك
وان شاء الله علي 15000 هتلاقيها ريحت كتييييييييير وعن تجربة
انا من ساعه ماستملتها وانا عاملها 36 و 33 ...... والطرق عندنا ضايعه برده
بس محتاج يكون الباور اخف .
جرب فترة وهاتعود .

[abdo1100]

هي كل امشكلة في الدبدبة لو عملته 36 و 33
مع انها احسن للكاوتش والعفشة والاستهلاك ... بس هاتدبدب معاك
وان شاء الله علي 15000 هتلاقيها ريحت كتييييييييير وعن تجربة
انا من ساعه ماستملتها وانا عاملها 36 و 33 ...... والطرق عندنا ضايعه برده
بس محتاج يكون الباور اخف .
جرب فترة وهاتعود .

36 \ 33 احسن للعفشة ؟؟؟؟ والمشكلة بس في الدبدبة؟؟؟؟

والله لو ع الكلام ده يبقى تمام اوي اوي لاني الدبدبة مش فارقة معايا بشكل شخصي خالص يعني مش مسببه ليا ازعاج نهائي كل قلقي على العفشة بس ....

لو الكلام ده اكيد اعملها النهاردة 36 \ 33 على طول.

شكرا لردكم السريع

[midorody]

يا باشا من الاخر
ظبط 32 قدام و 29 او 30 ورا وريح دماغك
استهلاك الصنى فى الزحمه وكدة لازم ما يقلش عن 180
وعلى الطرق السريعة لايقل عن 260
وعن تجربه
ولن تجد اسوا من طرق كفر الشيخ الحبيبة

[abdo1100]

شكرا لكل اللي ردوا عليا

وفعلا معلومات مفيدة جدا وقيمة...

هظبط نيتروجين باذن الله

32\30 طبقا لكلام اغلبية الناس

والله المستعان

[Sameh_OO7]

شكرا لكل اللي ردوا عليا

وفعلا معلومات مفيدة جدا وقيمة...

هظبط نيتروجين باذن الله

32\30 طبقا لكلام اغلبية الناس

والله المستعان

تصحيح بسيط بالنسبة لضغط الهواء هيبقى هكذا 32 قدام و 29 ورا

[Formulator]

السلام عليكم,
عايز بس أضيف.. بعد اذن حضراتكم,

- ضغط الكاوتش القليل (Under-inflated) مش بس بيزود استهلاك البنزين..
لأ, ده بيتقل الدركسيون والهاندلينج بتاع العربية..
وكمااااااااااااااان بيقلل الثبات فـ السرعات, عشان بيبقى فيه Side-rolling جااااااااامد فـ الكاوتش..
وقد يكون اسوأ من الضغط الزائد (Over-inflated) فـ تقليل الثبات..

- الفرامل كفائتها بتقل مع ضغط الكاوتش الأقل من الـRecommended (أو القليل أوى زى اللى حضرتك عامله ده)..
هتلاقى الكاوتش بيصرخ عـ الأسفلت مع الفرامل الجامدة.. طبعا عشان الـContact Path مش متلامس تماما مع الأسفلت..؟؟!!!

- الباشمهندس حسين SonaSteel بيتكلم صح, فى ان الضغط الأعلى أفضل للعفشة..
فيه مكونات فـ العفشة, زى الـDrop-Link فـ المكفرسون قدام.. والـStabilizer bar ورا, وأجزاء تانى مابتشتغلش لو ضغط الكاوتش قليل..؟؟؟!!!
أيوه, لا تؤدى وظيفتها لأن حضرتك مقلل ضغط الكاوتش عن الـrecommended.. لدرجة ان الأجزاء دى مش بيوصل لها أى تحميل/Load فـ امتصاص الصدمات.

على الأقل لو مش هتلتزم بالموصى-به من نيسان, يبقى 32/33 قدام, 29/30 ورا.. 28 والكلام ده مش ناااااااااااافع خالص.

Regards,

[SonaSteel]

36 \ 33 احسن للعفشة ؟؟؟؟ والمشكلة بس في الدبدبة؟؟؟؟

والله لو ع الكلام ده يبقى تمام اوي اوي لاني الدبدبة مش فارقة معايا بشكل شخصي خالص يعني مش مسببه ليا ازعاج نهائي كل قلقي على العفشة بس ....

لو الكلام ده اكيد اعملها النهاردة 36 \ 33 على طول.

شكرا لردكم السريع

انا فاهم انها فعلا احسن للعفشة لسبب بسيط
ان ال36 بيقي الside wall بتاع الكاوتش اكبر فبيمتص صدامت اكتر
بعكس ال32 بيبقي اقل فاصدمات تبقي اقرب للجنط والعفشة
------------------
اان سالت ناس صحابي وفي انتظار ردهم علي النقطة ديه بالذات
لان منهم قالي ان الكاوتش مش بيمتص صدمات اصلا
وحد تاني قالي ان زي ما مكتور اعمل لو اقل او اكتر يأثر بالسلب علي العفشة
ان شاء الله اي جديد ابلغك بيه :))

[SonaSteel]

السلام عليكم,
عايز بس أضيف.. بعد اذن حضراتكم,

- ضغط الكاوتش القليل (under-inflated) مش بس بيزود استهلاك البنزين..
لأ, ده بيتقل الدركسيون والهاندلينج بتاع العربية..
وكمااااااااااااااان بيقلل الثبات فـ السرعات, عشان بيبقى فيه side-rolling جااااااااامد فـ الكاوتش..
وقد يكون اسوأ من الضغط الزائد (over-inflated) فـ تقليل الثبات..

- الفرامل كفائتها بتقل مع ضغط الكاوتش الأقل من الـrecommended (أو القليل أوى زى اللى حضرتك عامله ده)..
هتلاقى الكاوتش بيصرخ عـ الأسفلت مع الفرامل الجامدة.. طبعا عشان الـcontact path مش متلامس تماما مع الأسفلت..؟؟!!!

- الباشمهندس حسين sonasteel بيتكلم صح, فى ان الضغط الأعلى أفضل للعفشة..
فيه مكونات فـ العفشة, زى الـdrop-link فـ المكفرسون قدام.. والـstabilizer bar ورا, وأجزاء تانى مابتشتغلش لو ضغط الكاوتش قليل..؟؟؟!!!
أيوه, لا تؤدى وظيفتها لأن حضرتك مقلل ضغط الكاوتش عن الـrecommended.. لدرجة ان الأجزاء دى مش بيوصل لها أى تحميل/load فـ امتصاص الصدمات.

على الأقل لو مش هتلتزم بالموصى-به من نيسان, يبقى 32/33 قدام, 29/30 ورا.. 28 والكلام ده مش ناااااااااااافع خالص.

regards,

انا اسف يا كبييييييييرنا والله ...... انا مخدش بالي من مشاركك لاني فتحت الصفحة وسيبتها فترة ورديت
تصدق بالله انا دايخ علي الفيس من الصبح اكلم صحابي .... بس مخدتش الجاوب الشافي

يعني نورت نيسان اولا ........ والف شكر علي المشاركة الطيبة ديه
بالله عليك تبقي كرر الزياره :))))

[abdo1100]

يا جماعة والله مش عارف اشكركم ازاي على فيضان المعلومات د ه ...

شاكر كتير لكل الناس
.
.
.