نقل ملكية العربية

[meller]

الاخوة الافاضل

انا ان شاء الله سوف انقل العربية باسمي وكنت عايز اعرف شوية معلومات :-
1- مصاريف النقل كام .
2- العربية تبع مرور النزهه فطبعا هروح اجيب المخالفات وشهادة بيانات موجودة للمرور الا هنقل له بس هو يعني شهادة المخالفات والبيانات بتقعد قد اية بمعني انا ان شاء الله هروح السبت الجي اجبهم من مرور النزهه وطبعا مش هينفع اروح في نفس اليوم مرور فيصل فهروح السبت الا بعده ان شاء الله فهل الشهادات هتفضل سارية والا لا .
3- عندي الاكصدمات لونهم اسود علشان لما غيرتهم مرشتهمش ولون العربية فضي فهل ممكن افحص عادي في مرور فيصل والا هيرخموا عليا .

وياريت لو في حد عنده معلومات اضافية يقولي علشان دية اول مرة اعمل الموضوع ده

[أبو صلاح]

1- اعمل حسابك في حدود 1800 جنيه للشهر العقاري بخلاف مصاريف الترخيص في المرور
2- شهادة المخالفات في الوقت الحالي بتطلع من المرور اللي انت هتنقل ليه مباشرة من على الكمبيوتر
يعني انت هتروح مرور فيصل على طول وعامة شهادة المخالفات مدتها 15 يوم كانت قبل كده 30 يوم
3-انت وظروفك مع مهندس الفحص بس هو رسميا طبعا غلط او هيثبت على الرخصة لونين

[amdd]

هى العربية نوعها ايه وموديلها ايه وكام سى سى

[meller]

1- اعمل حسابك في حدود 1800 جنيه للشهر العقاري بخلاف مصاريف الترخيص في المرور
2- شهادة المخالفات في الوقت الحالي بتطلع من المرور اللي انت هتنقل ليه مباشرة من على الكمبيوتر
يعني انت هتروح مرور فيصل على طول وعامة شهادة المخالفات مدتها 15 يوم كانت قبل كده 30 يوم
3-انت وظروفك مع مهندس الفحص بس هو رسميا طبعا غلط او هيثبت على الرخصة لونين

شكرا ياباشا علي الرد بس انا سالت في الشهر العقاري قالولي 750 جنية تسجيل لية بقي 1800 جنية وبعدين هي مدة العقد قد اية

وثانيا موضوع اللاكصدامات شكلها هيرخموا قوي

[meller]

هى العربية نوعها ايه وموديلها ايه وكام سى سى

صني 2002 1300 سي سي

[Dr'AhmZZong]

1- اعمل حسابك في حدود 1800 جنيه للشهر العقاري بخلاف مصاريف الترخيص في المرور
2- شهادة المخالفات في الوقت الحالي بتطلع من المرور اللي انت هتنقل ليه مباشرة من على الكمبيوتر
يعني انت هتروح مرور فيصل على طول وعامة شهادة المخالفات مدتها 15 يوم كانت قبل كده 30 يوم
3-انت وظروفك مع مهندس الفحص بس هو رسميا طبعا غلط او هيثبت على الرخصة لونين

+111111111111111

[أبو صلاح]

شكرا ياباشا علي الرد بس انا سالت في الشهر العقاري قالولي 750 جنية تسجيل لية بقي 1800 جنية وبعدين هي مدة العقد قد اية

وثانيا موضوع اللاكصدامات شكلها هيرخموا قوي

معلش ياباشا مخدتش بالي من موديل العربية والسي سي
هو عامة بيبقى جدول عندهم في الشهر العقاري مكتوب فيه سنة الصنع والسي سي

[beckeryahia]

نقل العربية يتكلف 750 جنية وترخيص 3 سنين بالتامين الاجباري يتكلف حوالي 800 جنية ونثريات وفحص خوالي 150 جنية وبالنسبة للاكصدامات مالهومش دعوه بيها مدام فيبر لاكن لو مرشوشة اي بوهية بخلاف لون العربية ممكن يدقق عليها

[Ahmed.TV]

رسوم تسجيل العربية الصنى الجديدة فى الشهر العقارى عشان مش مستوردة حوالى على ما اتذكر كان من 1100 الى 1200 .. لان فاكر ان التيدا اغلى بحوالى 200 او 250 جنيه

دى معلومة للناس اللى جايبة جديد