خطوه بخطوه لتركيب فلتر التكيف بنفسك

[night_whisper]

السلام عليكم يا صقور
عاملين إيه جميعاً
أتمنى يكون الجميع بخير و سعادة
تقرير النهاردة عن تركيب فلتر التكييف بنفسك خطوة بخطوة
أولاً صور الفلتر قبل التركيب




السهم يقوم بتوضيح مقدمة الفلتر و إتجاه تركيب الفلتر


جانب الفلتر

مرفق مع الفلتر شريط لاصق يتم لصقه على مقدمة و خلفية الفلتر

مرحلة تجهيز الفلتر للتركيب
يتم لصق الشريط اللاصق على مقدمة و خلفية الفلتر بالشكل التالى

مرحلة التركيب
هنفتح درج العربية
هنلاقى 2 كلبس على الجانبين

يتم شد الكلبس الى الخارج لتحرير الدرج بالشكل التالى

بعد ما نشيل الدرج هنلاقى ثلاجة التكييف و مكان الفلتر مغلق بباب

فى 2 كلبس يتم الضغط عليهم لفتح باب مكان الفلتر

يتم إدخال الفلتر فى مكانه
الكتابة بتكون من الأمام
و إتجاه السهم الى أعلى بالشكل التالى

نغلق باب الفلتر

و نرجع الدرج الى مكانه عن طريق إدخاله فى المجرى الخاص به ثم الضغط على الكلبس فى جانب الدرج لتثبيت الدرج بالشكل التالى

مبروك تم تركيب الفلتر بنجاح

مكان شراء الفلتر على جوهرى بالتوفيقيه - بعد اللف فى المنطقه ده الوحيد اللى لقيت عنده فلتر نيسان - باقى المحلات عايزين يبيعوا أى فلتر (صينى - تايوانى - كورى) و خلاص و الكل بيقول يمشى على نيسان و السعر من 60 الى 140 جنية
صناعة الفلتر : يابانى
السعر مفاجأه : 70 جنية
أتمنى يكون الموضوع إضافة للقسم
الموضوع سهل جداً و ممكن كل الأعضاء تعمله بنفسهم
تحياتى و إحترامى للجميع

[tiger76]

مبروك على الفلتر و شكرا على تقريرك الرائع

و ان شاء الله هاعمل زيك و اركب الفلتر و التقرير بتاعك هيسهل الموضوع اوى

شكرا مرة اخرى على مجهودك

[zoz111]

يا باشا الف مبروك على التركيب بس ليه لفيت انا لفيت قبل كده وقولت على مكان الراجل ده وانى اشتريته منه ب70 جنيه انت تعبت نفسك على الفاضى فى اللف وعلى اى حال الففففففف مبرووك واديك اخدت جوله فى التوفيقيه

[Dr'AhmZZong]

ألف ألف ألف شكر على الموضوع الجميل ده ..

فعلا سهل و بتكاليف قليلة جداااااااااااا ..

صحيح مقلتلناش من اللي لقيت عنده ؟؟؟؟؟؟؟؟؟؟

ربنا يجازيك خير على الشغل الرائع ده ..

[zangry]

موضوع رائع .. مبروك الفلتر

[Tamer_Merit]

تسلم يا باشا
الف شكر على التقرير الرائع والافاده الكبيره

[_hema]

مبرووووك على الفلتر

وسلمت يمناك على التقرير

[Dr'AhmZZong]

صحيح سؤال تاني معلش ...

إيه احساسك قبل و بعد التركيب ؟؟

هل دفع الهوا قل بعد التركيب ولا لأ ؟؟

هل قوة التبريد قلت ولا زادت ؟؟

معلش هتقل عليك !!

[night_whisper]

مبروك على الفلتر و شكرا على تقريرك الرائع

و ان شاء الله هاعمل زيك و اركب الفلتر و التقرير بتاعك هيسهل الموضوع اوى

شكرا مرة اخرى على مجهودك

الله يبارك فيك اخى الكريم
الموضوع سهل جدآ
و جميل أن الواحد يعمل عربية بنفسة
أشكرك على المشاركة و مبروك مقدمآ على الفلتر

[night_whisper]

يا باشا الف مبروك على التركيب بس ليه لفيت انا لفيت قبل كده وقولت على مكان الراجل ده وانى اشتريته منه ب70 جنيه انت تعبت نفسك على الفاضى فى اللف وعلى اى حال الففففففف مبرووك واديك اخدت جوله فى التوفيقيه

الله يبارك فيك أخى الحبيب
يا ريتنى كونت شوفت مشاركة حضرتك قبل ما أنزل التوفيقية لانى لفيت كتير جدآ فيها

أحنا كدة عندنا تأكيد أن على جوهرى عنده حاجات نيسان الأصلية

أشكرك على المشاركة بالتعليق

[night_whisper]

ألف ألف ألف شكر على الموضوع الجميل ده ..

فعلا سهل و بتكاليف قليلة جداااااااااااا ..

صحيح مقلتلناش من اللي لقيت عنده ؟؟؟؟؟؟؟؟؟؟

ربنا يجازيك خير على الشغل الرائع ده ..

جزانا الله و أياكم خيرآ بأذن الله تعالى
أنا كاتب فى الموضوع أنى لقيته بعد لف كتير فى التوفيقية عند على جوهرى
كل اللى عرضوا عليا فلاتر غير المحل دة كان واضح أنها فلاتر مضروبه و عايزين يبيعوا و خلاص و يقولوا لا هو لو ماركبش رجعه
دة الوحيد اللى لقيت عنده يابانى و كان واضح من تغليف الفلتر

صحيح سؤال تاني معلش ...

إيه احساسك قبل و بعد التركيب ؟؟

هل دفع الهوا قل بعد التركيب ولا لأ ؟؟

هل قوة التبريد قلت ولا زادت ؟؟

معلش هتقل عليك !!

أنا لسه مركبة النهارده
محتاج أجرب العربية شوية علشان أقدر أحس بالفرق
بس مبدائيآ
دفع الهواء و قوة التبريد زى ما هما قوية الحمد لله
انا جربت أنى أفتح دائرة التكيف لأدخال هواء من الخارج و كانت النتيجة كويسة قبل كدة كونت بحس بروائح الدخان بشكل مستفز
انا مشكلتى أنى ساعات بحس برائحه عفن فى هواء التكييف (أسف فى اللفظ)
و رغم أنى عملت رش للتكييف بتيتول (فكره العضو المحترم بيشوى) بس ساعات الرائحه دة بتظهر
أحنا هنا كلنا أخوات
أسأل أى سؤال بدون تكليف

[atefadel]

مبروك
وعمر الفلتر اد اة
يعني اغبرة امتي
وعاوزين نعرف الفرق فبل وبعد التركيب
وهل بيقلل خروج الهواء زي ماسمعت

[night_whisper]

موضوع رائع .. مبروك الفلتر

تسلم يا باشا
الف شكر على التقرير الرائع والافاده الكبيره

مبرووووك على الفلتر


وسلمت يمناك على التقرير

الله يبارك فيكم يا رجالة
شاكر جدآ تفضلكم بالمشاركة بالموضوع
تحياتى و أحترامى للجميع

[midorody]

مبروك على الفلتر يا باشا

[night_whisper]

مبروك
وعمر الفلتر اد اة
يعني اغبرة امتي
وعاوزين نعرف الفرق فبل وبعد التركيب
وهل بيقلل خروج الهواء زي ماسمعت

الله يبارك فى حضرتك
عمر الفلتر 20 الف كيلو (يعنى بيتم تغيرة كل 20 الف كيلو)
المشاركة السابقة فيها أنطباع أول عن الفلتر
هجرب العربية كام يوم و أكتب بأذن الله تقرير مفصل بالفرق قبل و بعد التركيب