فرامل الصنى

[mamingira]

السلام عليكم يا شباب
عربيتى صنى سوبر صالون 2012 لاحظت انى لما بدوس فرامل والعربية واقفة ودايرة انى لو ضغطت على دواسة الفرامل بتوصل للاخر او بمعنى اخر بتوصل لارضية العربية فهل ده طبيعى مع العلم ان العربية فيها abs .

[Manchestrawy]

اعتقد طبيعي .. الي مش طبيعي انها توصل للآخر والعربيه مطفيه

[Dr'AhmZZong]

لأ طبعا مش طبيعي نهاااااااااااائي ..

حاااااااول تروح تكشف في التوكيل بسرعة ..

[mohammedabdallh]

لأ طبعا مش طبيعي نهاااااااااااائي ..

حاااااااول تروح تكشف في التوكيل بسرعة ..

++1
الطبيعى متوصلشى للاخر فى الحلتين وهى دايره وهى مطفيه

[moh19227]

بتلمس الارضيه بتاعة العربيه !!
روح التوكيل اكشف عليها وخلي بالك وانت ماشي وعلي مهلك

[Sehsss]

مش طبيعي طبعا، ولازم تروح التوكيل ضروري وبسرعة علشان الفرامل ما فيهاش هزار

[tiger76]

لأ طبعا مش طبيعي نهاااااااااااائي ..

حاااااااول تروح تكشف في التوكيل بسرعة ..

متفق مع أحمد لازم تروح التوكيل فى اسرع وقت

[maged george]

وهي دايرة توطى شوية صغيرة لكن متوصلشي للارض اما وهي مبطلة تحجر ومتوطاش خالص لكن كده في هواء في دائرة زيت الفرامل لازم تكشف عليها ضروري وبسرعة.

[mamingira]

انا شاكر على ردودكم ياشباب عموما ان اتصلت بالتوكيل بمهندس الصيانة وقال لى ان ده طبيعى فى فرامل ال abs

[MOK3336]

انا شاكر على ردودكم ياشباب عموما ان اتصلت بالتوكيل بمهندس الصيانة وقال لى ان ده طبيعى فى فرامل ال abs

الحمد لله إن الموضوع طبيعي:b4_282:

[Bishoy.Girgis]

كويس يا باشا انك طمنتنا عليك و علي العربية

[Dr'AhmZZong]

انا شاكر على ردودكم ياشباب عموما ان اتصلت بالتوكيل بمهندس الصيانة وقال لى ان ده طبيعى فى فرامل ال abs

حضرتك قلت بتوصل للاخر و بتلمس الأرضية ..

أنا عربيتي صني abs و مفيهاش كده .. و ركبت 100 عربية صني abs و زي عربيتي بالظبط ..

حول تروح تكشف عليها هناك مش بالتلفون بسسسسسسسسس ..

تحياتي لحضرتك ..

[Bently]

حضرتك قلت بتوصل للاخر و بتلمس الأرضية ..

أنا عربيتي صني abs و مفيهاش كده .. و ركبت 100 عربية صني abs و زي عربيتي بالظبط ..

حول تروح تكشف عليها هناك مش بالتلفون بسسسسسسسسس ..

تحياتي لحضرتك ..

اضم صوتى ليك انا عربيتى فيها abs و بدال الفرامل عالى مش بيجيب الارض خااااااااااالص

[mamingira]

مشكورين ياشباب على اهتمامكم وعموما انا نزلت من شوية فى طريق المطار ومشيت بالعربية لغاية 110 كم \ ساعة وفرملت جامد ولقيت الفرامل كويسة ومفيش مشاكل .

[mamingira]

حضرتك قلت بتوصل للاخر و بتلمس الأرضية ..

أنا عربيتي صني abs و مفيهاش كده .. و ركبت 100 عربية صني abs و زي عربيتي بالظبط ..

حول تروح تكشف عليها هناك مش بالتلفون بسسسسسسسسس ..

تحياتي لحضرتك ..

مشكور ياأخى بس احتمال اكون بالغت شوية فى موضوع الارض ده لما حسيت انها بتنزل جامد