يا جماعة هو صحيح النيسان قشقاي هيتغير شكلها الموديل الجاي

[sport781]

السلام عليكم و رحمة الله و بركاته
أنا سمعت إن النيسان قشقاي هيتغير شكلها الموديل الجاي موديل 2013 او ممكن موديل 2014 فهل الكلام ده صحيح ولا لأ ؟

خصوصا انها نازله من 2007 و عملت facelift في 2010
و طبعا كلنا عارفين اللي كانت موجوده قبل كده كانت مانيوال بس و الأوتوماتيك لسه نازله قريب جدا

[Sameh_OO7]

ما اعتقدش ان شكلها هيتغير الا بعد 5 سنين على الاقل ممكن يضاف لها تعديلات بسيطة فى الشكل زى الفوانيس والشبكة ... الخ

[Dr'AhmZZong]

ما اعتقدش ان شكلها هيتغير الا بعد 5 سنين على الاقل ممكن يضاف لها تعديلات بسيطة فى الشكل زى الفوانيس والشبكة ... الخ

+1111111111111111111

[zangry]

سنة او اتنين بالكتير ولازم الشكل يتغير

[S O P H O S]

ما اظنش

[DarkMagician]

لسه منزلوش نسخة اختبارية عشان الشكل يتغير يعني لو النسخة نزلت بعد سنتين تقريبا الشكل بيتغير

يبقى انت كده على الاقل قدامك من 3 سنين الى 4 ان شاء الله

[houseiny]

انا حد بعتلي صورة وقالي ان ده هيبقى موديل نيسان 2014 ، بس مش عارف ارفعها على الموقع إزاي

[kandil1971]

متابع بإهتمام بالغ
يارب شكلها يتغير ويبقى أحسن

[DarkMagician]

انا حد بعتلي صورة وقالي ان ده هيبقى موديل نيسان 2014 ، بس مش عارف ارفعها على الموقع إزاي

مفيش لحد دلوقتي نموذج اختباري
طب لو حنمشي على المبدا ده مهي حتتغير على 2017 وان شاء الله ممكن على 2021

كده محدش بقى يشتريها احسن

[houseiny]

مفيش لحد دلوقتي نموذج اختباري
طب لو حنمشي على المبدا ده مهي حتتغير على 2017 وان شاء الله ممكن على 2021

كده محدش بقى يشتريها احسن

أنت حضرتك زعلت من كلامي ليه كده ، هي صورة جتلي من قريبي في أنجلترا وقولت أحطها هنا للشباب اللي فعلاً انا بحبهم عشان يطمنوا ان في تغيير في الشكل قريب وتبقى في خطتهم لو بيفكروا كمان سنتين او أكتر يغيروا ، وعلى رأي اعلان بريزدون ( انا مش بفتي على فكرة)
ياعم دارك براحة علية انا هيوندااوي غلبان لسه مبقتش نيساناوي ، وصدقني اول ماجيب القشقاي الشيب الجديد مش هديك لفة ، اول واحد هيجربها ان شاء الله هيكون أحمد مصطفى حبيب القسم
قولي بس ارفع الصورة إزاي عشان نشوفها سوا وتديني رأيك فيها

[houseiny]

أه ، نسيت حاجة كمان ، أنا من وجهة نظري أنا شايف ان الشكل الحالي بتاع 2012 افضل بكتير من الشكل اللي هينزل ، لأن انسيابيته أفضل وشكله أفخم ، لو بس حد يقولي ارفع صورة إزاي وهتعرفوا قصدي إيه ............

[Land_Cruiser]

بص حضرتك هو على ٢٠١٤ انا سامع ان. هينزل شكل جديد فعلا بره و ده منطقى لان العربيه نزلت هناك من ٢٠٠٧ فده هيبقى طبيعى ان الشكل هيتغير و ما اعتقدش ان ده. هيكون ليه تأثير علينا لان العربيه لسه نازله فى السوق يعنى ممكن الشكل الحالى يفضل ينتج عندنا حتى لو أتوقف انتاجه او تسويقه لبره طبعا بشرط نجاحه. فى مصر و الامثله على الموضوع ده كتيره زى الصنى و اللانوس و البومه يعنى فى مصر الموضوع سوف يتوقف على نجاح و انتشار العربيه و برضه صعب ان نيسان تنزل عربيه لسه جديد و شكلها يتغير بعد سنه و لا اتنين صعبه شويه يعنى على الاقل خمس سنين ان ما كنش اكتر

[ahmedhawas]

انا حد بعتلي صورة وقالي ان ده هيبقى موديل نيسان 2014 ، بس مش عارف ارفعها على الموقع إزاي

ياترى .. هل تقصد الصورة دي ؟؟

[ahmedhawas]

بص حضرتك هو على ٢٠١٤ انا سامع ان. هينزل شكل جديد فعلا بره و ده منطقى لان العربيه نزلت هناك من ٢٠٠٧ فده هيبقى طبيعى ان الشكل هيتغير و ما اعتقدش ان ده. هيكون ليه تأثير علينا لان العربيه لسه نازله فى السوق يعنى ممكن الشكل الحالى يفضل ينتج عندنا حتى لو أتوقف انتاجه او تسويقه لبره طبعا بشرط نجاحه. فى مصر و الامثله على الموضوع ده كتيره زى الصنى و اللانوس و البومه يعنى فى مصر الموضوع سوف يتوقف على نجاح و انتشار العربيه و برضه صعب ان نيسان تنزل عربيه لسه جديد و شكلها يتغير بعد سنه و لا اتنين صعبه شويه يعنى على الاقل خمس سنين ان ما كنش اكتر

معتقدش يا كبير .. لأن القاشقاي شكلها موحد في العالم كله .. ولو إتغير شكلها فهيتغير عالميا.
لإن مش معقول يعملوا خط إنتاج جديد للقاشقاي وبجواره خط إنتاج قديم لنفس السيارة وفي نفس المصنع.
اللي أعرفه إن كان في أخبار عن محاولات لتوحيد شكل ال qashqai مع ال rogue نظراً للتقارب الشديد بين الموديلين ولتقليل تكاليف تشغيل خطوط الإنتاج
(وخصوصاً بين qashqai+2 وبين ال rogue ) إلا إن مفيش شيء مؤكد.

[Mzeid]

الموقع دة نقلا عن carspied.comبيقول انها هتنزل ان شاء الله على 2014

2013 Nissan Rogue (Codename W32R) rendering that will replace it self and X-trail | autointrends