لعله خير.....................ايه شعورك لو حصلك .........

[zeznia]

بسم الله الرحمن الرحيم

اعتقد ان معظمنا عارف القصه بتاعت الوزير اللي كان كل ماتحصل مصيبه يقول للملك لعله خير واللي كان نهايتها ان الملك نجي من الموت بسبب مصيبه حصلتله قبل كده وظنها الملك شر والوزير قله لعله خير فراح الملك طرده وساعتها تذكر الملك كلمت الوزير لعلهههههههههه خيييييييييييييييير
مش ده موضوعنا.........
يمكن قليل منكم يعرف اني بقالي شهر بعمل شويت سمكره وبويه ونضافه بسيطه في العربيه بتعتي زي تغير الاكصدام الخلفي وسمكرت الرفرف اليمن الخلفي المهم رشيت البويه من اسبوع في الفرن وطبعا بويه سكنز ولمعت العربيه ورحت واخد العربيه غاسلها من بره وجوه وبقت حاجه بسم الله ماشاء الله منوره
النهارده اول مره اخرج بالعربيه رحت الزقازيق الدنيا زحمه واقف في حالي راح الفتك اللي واقف ورايه بعربيه ملاكي مشغلها تاكسي كاسر شمال وطالع مني ورح حاكك الرفرف الشمال والاكصدام بالرفرف اليمن بتاع عربيته
[/IMG]
[/IMG]
انا مش عارف اوصف شعوري في تلك اللحظه بس انا جتلي حاله هستيريه وقعدت اسب والعن والنتيجه اني رحت شايت العتب بتاع عربيتي تحت باب السواق ودي النتيجه
[/IMG]
ولما شفت المنظر ده رحت راكب عربيتي من سكات والراجل قعد يبوس علي راسي ويتاسف ويقول انا حمار انا حمار
مشيت والدمعه هتفر من عيني وبعدين طلعت بره الزقازيق لقيت عربيه نقل كبيره مكتوب عليها من ورا لعله خير
لما قرتها تذكرت القصه اللي حكتها في الاول وهديت خالص
واستغربت اللي انا عملته
ولما وصلت البلد جبت فوطه عليها بنزين ومسحت الحكه نضفة وبقي ملهاش اثر غير اللي في الصور
المهم دلوقتي انا اسمع عن ناس بتعالج الخبطه اللي في العتب بالشفط حاجه كده بتشفط الصاج وتطلعه لبره تاني وبعد كده يظبط لو حد يعرف حاجه عن الموضوع ده فاليفينا وله الاجر وثواب عند الله
اه كمان انا رجلي بتوجعني من الشلوت بتاع العتب ممكن تتشفط دي كمان ولا ايه...........
حتي الهزار ماليش نفس

[zeznia]

الصور تاني
[IMG][/IMG]
[IMG][/IMG]
[IMG][/IMG]

[Dr'AhmZZong]

معلش حصل خير يا عم zezenia ..

< و عسى ان تكرهوا شيئا و هو خير لكم > .. صدق الله العظيم ..

إن شاء الله العتب ده أمره سهل .. بس بصراحة معرفش بيتعمل فين ..

تحياتي ..

[popo2012]

ممكن تسأل في اوتو ايجبت.

[mohammedabdallh]

يا كبير الحمد لله انها جت فى العتب
سيبها شويه علشان العين هتلاقى الناس قالت انك جبت عربيه جديده
ومتخوفنيش انا ظبت عربيتى وهستلمها بكره
ربنا يستر

[zangry]

قدر الله وماشاء فعل فدااااااااااااااك

[moh19227]

ياباشا بسم الله ماشاء الله انا مش عاوز احسد بس حضرتك طبقت العتب برجلك :)
اكيد سيفتي ولا ايه :)
بس خفيفه ان شاء الله ممكن سمكري يشوفهالك

[togo]

ياراجل وقعت قلبي الحمد لله انها جت على قد كده وربنا يكفيك شرها

[zeznia]

بصراحه يارجاله انا كنت محروق عالمجهود والوقت اللي كان ممكن يضيع في لحظت غباوه من سواق غبي
بس واضح اني انا اللي اتغابيت علي نفسي وعملت في عربيتي اكتر من اللي عمله الراجل
حسبي الله ونعم الوكيل

[_hema]

الحمد لله على كل حال

الحمد لله انك بخير


والى يجى فى الريش بقشيش


سيبها كدا تاخد العين


حفظك الله تعالى من كل مكروه

[Ahmed_selmy]

قدر الله وما شاء فعل
الحمد لله انها جت على قد كده
مادام البنى ادم كويس يغور الحديد فى دهيه

[S O P H O S]

متزعلش الحمد الله علي كل شئ

[A7MED_PHARMA]

انت لابس جزمة حديد
ولا تكون لابس بيادة ؟
ههههههههههههههههههههههههه

الحمد لله ياسيدي بسيطة خالص
والتكسجية في الزقازيق دلوقتي يانهار ازرررررررررررررق
كل واحد راكب عربية حمرا او نبيتي مشغلها تاكسي
لما بقت حاجة تقرف


موضوع الشفط ده ماعنديش عنه خلفية

شوف العقيد خالد يقولك ايه فيها

[WalidAdel]

يعني الخبطه اللي انت نزلت و زعقت و لعنت و اتعصبت طلعت بسيطه وانت اللي خبطها خبطة معلم طفست العتبه
يلا الحمد لله علي كل حال ياعم خالد ماتضايقش نفسك
الخبطه بتاعة العتب دي عندي اختها بس انا كان موضوعي اكبر من كده بكتير و ماعرفتش ارجعها تاني فسيبتها زي ماهيا كده

يلا ياعم خالد رزقك في رجليك اهو

http://www.nilemotors.net/Nile/279653-a.html

[Ahmed.TV]

فداك يا خالد بيك .. وان شاء الله تتعمل على خير
وفداك .. والحمد لله انها جت على قد كدا
وخاليها شوية تاخد العين
وقدر الله ماشاء الله

ورستوخ .. والحمد لله على كل شئ