تغطية العربية هل له اضرار على دهان العربية؟؟

[Bently]

انا من النوع الى بغطى العربية على طول بالليل او فى الشمس الحامية عشان عارف ان الشمس بتضيع لمعة الدهان مع الوقت....واحد النهاردة شافنى مغطى العربية الضهر فقالى كده غلط !! لان العفرة الى فى الغطه بتجرح الدهان لما كل شوية تغطيها؟؟؟
معلش طولت ...بس عاوز اعرف الخلاصة منكم وشكرا

[kar!m]

معتقدش .. بالعكس الغطا بيحم العربية من الندى و الشمس و التراب.

هو صحيح الغطا بيلم تراب .. لكن انت مش عمال تحركه رايح جاى على الصاج يعنى.

[moh19227]

كلام غريب !!
يعني لما تسيب العربيه ف الشمس كده انت بتحافظ ع الدهان بتاعها
غطي يا عم :)

[zangry]

معتقدش .. بالعكس الغطا بيحم العربية من الندى و الشمس و التراب.

هو صحيح الغطا بيلم تراب .. لكن انت مش عمال تحركه رايح جاى على الصاج يعنى.

+1111

[MARTINDALE]

بص اللي انا اعرفه ان التغطيه للعربيه وهي سخنه مع حبه رطوبه ممكن تعمل بقع على الدهان مع الوقت .

[_hema]

اهم حاجه ان حضرتك تسمح العربيه كويس من التراب اللى عليها قبل ماتغطيها

واما حضرتك تحب تشيل الغطاء نفض الغطاء كويس من التراب وشيلوا نظيف فى العربيه

وبعدين اغلب الناس بتغطى العربيه لحمايتها من الشمس والاتربه والكلام اللى حضرتك سمعتوا دا غريب شويه


كل الود لحضرتك

[mahmoud_afifi]

الغطا غلط في حاله واحده بس, لما تكون البويه مش بوية المصنع. ساعتها بس الغطا بيحبس الحراره داخل الغطا ويأثر على البويه وممكن تقشر مع الوقت. اما لو بوية المصنع يبقى الغطا كويس لحماية العربيه من ولاد اللذينه الي بيخربشوا العربيات وايضا من التراب لأنه متبطن من جوه (او على حسب نوع الغطا). ويفضل يتغسل كل فتره (ممكن يتغسل في البنزينه).
هذا والله اعلم

[M.FOUAD]

طيب اللزق اللي بيلزقوا بية الورد في الافراح لية اي مشكلة على الدهان عشان واحد طالب مني العربية يزوقها في فرحة

[Dr'AhmZZong]

معتقدش .. بالعكس الغطا بيحم العربية من الندى و الشمس و التراب.

هو صحيح الغطا بيلم تراب .. لكن انت مش عمال تحركه رايح جاى على الصاج يعنى.

+111111111111111111111

[Bently]

شكرا لردودكم الجميلة كلها
انا عشان عربيتى سودا الشمس بتسخنها جدااااااااااا فبغطيها ...و انا مكنتش مقتنع بكلام الراجل دا اوى بس عشان خبرتى ضعيفة فى كيفية الحفاظ و التعامل مع دهان العربية فى كل الظروف ..فحبيت اتأكد من صحة الكلام من بيت الخبرة كلها :)
شكرا لحضراتكم

[mahmoud_afifi]

طيب اللزق اللي بيلزقوا بية الورد في الافراح لية اي مشكلة على الدهان عشان واحد طالب مني العربية يزوقها في فرحة

المشكله مش في اللزق, المشكله لما تيجي تطلع اللزق.
حاول ماتسبش اللزق كتير على العربيه (خاصة في الشمس) عشان هيتعبك وانت بتطلعه وهتحتاج أسيتون او بنزين (البنزين بيجير العربيه). بس ممكن تديها حته بوليش تلمع بعد ما تستخدم البنزين.

[Land_Cruiser]

هات لزق مضروب يتشال بسهوله

[M.FOUAD]

المشكله مش في اللزق, المشكله لما تيجي تطلع اللزق.
حاول ماتسبش اللزق كتير على العربيه (خاصة في الشمس) عشان هيتعبك وانت بتطلعه وهتحتاج أسيتون او بنزين (البنزين بيجير العربيه). بس ممكن تديها حته بوليش تلمع بعد ما تستخدم البنزين.

هات لزق مضروب يتشال بسهوله

الف شكر يا رجالة

[Ahmed_selmy]

اعتقد ان نوع القماش بتاع الغطا ممكن يكون ليه دخل
وعلى حد علمى ان فيه اغطيه مبطنه وتقيله وفيه منها الخفيف ومنها اللى متجمع كده من كل بستان زهره
وكله بتمنه
فانا اعتقد ان اللى سعره عالى وبيكون مبطن بيحمى العربيه لانه بيعرلها عن التراب والميه لو فيهمطر والشمس
بس فعلا المهم ان الواحد يمسح العربيه قبل ما يغطيها
والله اعلم

[S O P H O S]

ان شاء الله خير لا تقلق