غسيل الموتور

[ELBEH]

السلام عليكم يا صقور نيسان:-
كنت عايز اسالكم اروح فين لو عايز اغسل الموتور و بيتغسل باه علشان كنت مسافر السخنة و رجعت فى اليوم اللى كان مليان ترات و الطريق كان فى عواصف ترابية فا بفتح الكبوت النهارده بالصدفة لقيته مليان رمل من الطريق فقولولى اعمل اه و مين غسل الموتور قريب و هل بيتغسل بالفوم و لا كيماوى و بيتعمل بالهواء الاول و لا اه و على العموم انا ساكن فى التجمع لو فى مكان قريب دلونى علية .


و شــــــــــــــــــــــــــــــــــــــكرا,,,,,,,, ,,,,,,,,,,,,

[Sehsss]

بيتغسل هواء + فوم، بس بصراحة ما اعرفش فين بالضبط، بس أي كار كير محترم في أي بنزينة هايقوم بالواجب، وأوعى تجيب عليه مياه خااااااالص

[abdo7000]

اي بنزينة اخي الكريم بيغسلو الماتور

[masterzmind]

بلاش بنزينة خليك فى كاركير احسن ناس محترمة وفاهمة عشان انا كذا مرة اغسل فى بنزينة السنتر يعلق الكلاكس يبوظ .............................ألخ

[Land_Cruiser]

بيتغسل هواء + فوم، بس بصراحة ما اعرفش فين بالضبط، بس أي كار كير محترم في أي بنزينة هايقوم بالواجب، وأوعى تجيب عليه مياه خااااااالص

+11111
اللى انا اعرفه عند مودرن موتورز ابو رواش و ممكن. اى كاركير كويس و اسأل الاول هينضفها بأيه

[Dr'AhmZZong]

بيتغسل هواء + فوم، بس بصراحة ما اعرفش فين بالضبط، بس أي كار كير محترم في أي بنزينة هايقوم بالواجب، وأوعى تجيب عليه مياه خااااااالص

100 100

[Ahmed.TV]

فى كار كير محترم .. حضرتك ممكن تكلمنى وانا حدلعك عليه .. وانا عارفه .. وشغله محترم جدا .. وهو فى مساكن الشيرتون .. لو ناوى قولى ..

تحياتى

[Bishoy.Girgis]

انا برده رايي كاركير لأنهم عارفين لما يفتحوا الكابود ايه اللي هيتغسل بالظبط و ايه اللي هيبعدوا عنه تماما

[zeznia]

انا معايه صني 2009 مانوال
من يوم ماشتريتها كل اسبوعين لو ماغسلتش الموتور بالميه والصابون السايل ابقي مش مرتاح
انا مش بقولك اعمل كده بس ده اللي بعمله والله

[S O P H O S]

ميه ازاي ده اكبر غلط ؟

[Moh.Fahmy]

يا باشا لو الموتور بس مش مشكلة ممكن تشتري اسبراي غسيل الموتور من اي محطة بنزين محترمة زي امارات او كارفور و ترش علي جميع اجزاء الموتور بلا خوف و بعد كده تنشف بقطعة قماش نظيفة و جافة

[ELBEH]

فى كار كير محترم .. حضرتك ممكن تكلمنى وانا حدلعك عليه .. وانا عارفه .. وشغله محترم جدا .. وهو فى مساكن الشيرتون .. لو ناوى قولى ..

تحياتى

ناوى ان شاء الله و شكرا على اهتمامك

[ELBEH]

انا معايه صني 2009 مانوال
من يوم ماشتريتها كل اسبوعين لو ماغسلتش الموتور بالميه والصابون السايل ابقي مش مرتاح
انا مش بقولك اعمل كده بس ده اللي بعمله والله

انا بردو معايا صنى 2009 مانوال بس بيجيلك قلب تغسل الموتور بالمية .

[AhmdDomar]

انا معايه صني 2009 مانوال
من يوم ماشتريتها كل اسبوعين لو ماغسلتش الموتور بالميه والصابون السايل ابقي مش مرتاح
انا مش بقولك اعمل كده بس ده اللي بعمله والله

أتفق معك يا أستاذ خالد

أنا غسلت موتور التيدا بالمياه والفوم والإريال الإسبوع اللي فات بعد وضع أكياس على كمبيوتر العربيه وعلبة الفيوزات وكمان حاجه ، وبعد كده الرجل إستخدم البشبوري ، وبعد كده نشف بالهواء ، بدون أي مشاكل

وهكرر التجربه دي شهريا ، نظرا لكم الأتربه الكثير اللي بتكون على الموتور ، وده كان في بنزينه عاديه بس الرجل كان فاهم

[ELBEH]

فى كار كير محترم .. حضرتك ممكن تكلمنى وانا حدلعك عليه .. وانا عارفه .. وشغله محترم جدا .. وهو فى مساكن الشيرتون .. لو ناوى قولى ..

تحياتى

يا أستاذ احمد مقولتليش على الكاركير اللى فى مساكن شيراتون كنت عايز اروح النهاردة ان شاء الله.