استفسار في تكييف صني 2008 اتوماتيك

[bmya]

السلام عليكم
انا معايا صني 2008 اتوماتيك صالون

العربيه بتعمل حاجه غريبه
لما اشغل التكييف علي اصي سرعه له بحس انه شويه يبرد وشويه يجيب هواء عادي او سخن
ولما اقلل من سرعته علي 2 مثلا بيبقي التبريد ممتاز يا تري ده من ايه وفيه حد لاحظ الحكايه دي قبل كده

مع العلم انا ان شاء الله هعمل لسه صيانه ال5000

[Abdo_Eldesokey]

متهيألي حضرتك بتتكلم على وضع التبريد .. فيه وضعين للتبريد ...
- دورة مفتوحة ... كل فترة العربية بتجيب هوا من برا عشان تجدد الهوا الي في العربية ... وأظن إن ده السبب الي بيخلي حضرتك تحس بالهوا العادي ... ودي في التكييف علامتها زي الصورة


- دورة مغلقة ... العربية بتقلب الهوا الي جوا العربية ومش بتجيب حاجة من برة ... وعلامتها مش لاقيلها صورة ... بس هيا الي على الناحية التانية من الزرار ده ... كل الي حضرتك هتعمله إنك تسحب الزرار ده ناحية العلامة بتاعة الدورة المغلقة ...

وشوف كده إيه النتيجة

[bmya]

شكرا يا استاذ عبدو للرد وانا بصراحه مش عارف هي علي اي وضع عموما هشوف كده وربنا يسترر

[loai-omar]

بص يا باشا

انت تعمل التكييف زي ايلي في الصوره

طبعا على اي سرعه انت عايزها و يكون زرار ال A/C منور


زي ما عبدو باشا قالك

لو السهم جاي من بره العربيه " ايلي على الشمال " دا يعني هوا من بره و يسقعه و يدخلك
لو السهم من جوا العربيه لجوا برضح " الوضع ايلي على اليمين" الدوره المغلقه يعني الهوا ايلي عندك حيسحبوا و يدخلوا تاني

و دا افضله عشان مش حياخد مجهود عشان يسقع

غير انه ياخد من بره

[walaa_samra]

المشكلة متكررة في كل النيسان 2008 الحل في ظبط ضغط الفريون فقط لا غير

[waelbaha]

التكييف في الصني تعبان جدا في الايام شديدة الحرارة
حصلت معايا اكتر من مرة في الكام يوم اللي كانوا حر جدا في القاهرة الصيف اللي احنا في اخره ده
واتكررت العمليه يوم الخميس اللي فات واللي كان برده شديد الحرارة لدرجة ان الكومبريسور فصل تماما طول ما انا جاي في الطريق من العبور وحتى عين شمس وكانت الدنيا كمان زحمه فكان يوم مايعلم بيه غير ربنا
وكل مرة اروح التوكيل علشان يشوفوا في ايه
وكل مرة يقولولي حاجه مختلفه
مرة الفريون ناقص؟؟؟؟؟!!!!!!!!!!! ازاي وهي على الزيرو مابقالهاش كام شهر؟؟؟
ومرة يقولولي اصل الحساس بتاع التكييف اللي في صالون العربية كان معلق؟؟؟؟؟؟؟؟؟ !!!!!!!!!!!! اصلهم شايفيني هندي
وهكذا دواليك حججهم مابتخلصش (طبعا بتوع ابوغالي العبور)
واقتنعت بيني وبين نفسي ان ده عيب في الصني ولازم اتاقلم عليه بدل ما احرق دمي معاهم اكتر من كده
بس باذن الله حاعمل الصيانه الجايه في السبع لاني اسمع انهم محترمين ويارب يلاقولي حل لان الموضوع ده مزعج جدا

[bmya]

بالعكس ياباشا التكييف بتاع الصني حلو جدااا !!

[pharonicking]

انا اول مرة اسمع الكلام دة عن الصنى

[Ahmed.TV]

تكيف النيسان عموما تلاجة
واذا كان فى حد عنده مشكلة فدى بتكون مشكلة فردية , فبلاش تحكموا حكم كلى يا جماعة وتقولو ان الصنى عموما تكيفها وحش
ولو فى مشكلة فعلا يبقا بتتحل فى التوكيل , وتاكدوا انها بتتحل بيسر , وبيفضلوا وراها فى التوكيل لغاية ما بيحلوها
وممكن يكون زى ما قالوا الاخوة وتفضلوا بتوضيح زرار التكيف بتكون ازاى , فممكن يكون العيب فى ظبط تشغيل التكيف
واذا كان فى مشكلة فى الفريون او ترموستات او اى حاجة تانية بتتعمل وبتتحل على اكمل وجه
وربنا يوفق الجميع

[Abdo_Eldesokey]

إيه الي رجع الموضوع ده تاني يا شريف ؟؟

لأ و "أستاذ عبدو" وحركات d:

ههههههههه

[waelbaha]

ياريت يا جماعه تكون المشكله اللي عندي مشكله فرديه وياريت حد عنده ضمير في مركز الصيانه يقدر يحلهالي من غير ما يفضل يقوللي على اعذار واهيه كل مرة
وبخصوص التعميم اللي قلته ده مش من راسي او من نفسي كده
انا سمعته من الباشا اللي تعبني وقرفني في مركز الصيانه (العبور) لاني زي ما قلتلكم رحت علشان المشكله دي اكتر من 3 مرات من ساعة ما كنت باعمل صيانة الخمس الاف وما بعدها كل صيانه اقولهم على الشكوى دي بس بعد ما العربيه تطلع من الصيانه ويقولولي انهم خلاص ظبطوا المكيف وان السبب كات فريون ومرة كان حساس ومرة ثالثه كان فريون وهكذا
وفي اخر مرة الباشمهندس قاللي ان الصني عموما تكييفها بيتعب شويه في الحر الشديد علشان كده قلت تبقى مشكله عامه واقلمت نفسي على كده
لكن لما حضراتكم قلتوا ان التكييف ثلاجه يبقى اكيد في ازمة ضمير عند الناس دي بالتاكيد
والمرة الجايه باذن الله في صيانة العشرين حاروح السبع
وياريت حد من الاعضاء الكرام يدلني على حد محترم وعنده ضمير اروحله ويحللي المشكله دي من غير مايطلعلي اسباب عبيطه زي موضوع الفريون ولا الحساس بتاع الصالون
معقوله يا جماعه تكييف عربيه على الزيرو ولسه ما مشيتش 5 الاف وقتها يقل منه الفريون؟؟؟؟؟ والله انا كنت حاتجنن ساعتها لما البيه قاللي الموضوع ده لاني عمرى ماشفت حاجه زي كده في عربية زي الاكورد اللي كانت معايا في الامارات والصيانات كانت بتتعمل بمنتهى السلاسه والاحترام وياريت الاقي مركز صيانة السبع بنفس الكفاءة
وشكرا

[Amr Hussain]

بص حضرتك المشكلة دى حلها عند السبع حصلت معايا و قولتلهم عليها و هما ظبطو التكييف

[waelbaha]

ربنا يطمنك يا استاذ عمرو ويارب يحلوهالي هناك
مافيش مهندس هناك كويس تكونوا مجربين التعامل معاه اكلمه علشان يهتم بالموضوع

[bmya]

إيه الي رجع الموضوع ده تاني يا شريف ؟؟

لأ و "أستاذ عبدو" وحركات d:

ههههههههه

ههههههههههههه
كان زمان بقه لما كنت فاكرك استاذ
وطلعت بشمهندس اعمنا

[طائر الليل]

التكييف في الصني تعبان جدا في الايام شديدة الحرارة
حصلت معايا اكتر من مرة في الكام يوم اللي كانوا حر جدا في القاهرة الصيف اللي احنا في اخره ده
واتكررت العمليه يوم الخميس اللي فات واللي كان برده شديد الحرارة لدرجة ان الكومبريسور فصل تماما طول ما انا جاي في الطريق من العبور وحتى عين شمس وكانت الدنيا كمان زحمه فكان يوم مايعلم بيه غير ربنا
وكل مرة اروح التوكيل علشان يشوفوا في ايه
وكل مرة يقولولي حاجه مختلفه
مرة الفريون ناقص؟؟؟؟؟!!!!!!!!!!! ازاي وهي على الزيرو مابقالهاش كام شهر؟؟؟
ومرة يقولولي اصل الحساس بتاع التكييف اللي في صالون العربية كان معلق؟؟؟؟؟؟؟؟؟ !!!!!!!!!!!! اصلهم شايفيني هندي
وهكذا دواليك حججهم مابتخلصش (طبعا بتوع ابوغالي العبور)
واقتنعت بيني وبين نفسي ان ده عيب في الصني ولازم اتاقلم عليه بدل ما احرق دمي معاهم اكتر من كده
بس باذن الله حاعمل الصيانه الجايه في السبع لاني اسمع انهم محترمين ويارب يلاقولي حل لان الموضوع ده مزعج جدا

الكلام ده غير سليم تعميمه على الصنى لأن تكييفها قوى وممتاز
أمتلك سيارة صنى تعمل منذ سبع سنوات لم يتم عمل صيانة نهائيا للتكييف ويعمل بكفاءة و وهو يعد ثلاجة بجد وقد إستعملته مرة لمدة 4 ساعات متواصلة فى مسافة 320ك ولم يحدث أى مشكلة
أكيد دى مشكلة فردية وربنا يكرمك إن شاء الله وتتحل