نيسان جوك!

[NaderNabil]

أعضاء نايل موتورز الكرام...

أزهلني كثير نزول النيسان جوك رسمياً في مصر من خلال توكيلها المحترم بسعر و كماليات أكثر من روعة...مما أثار إنتباهي لهذه السيارة بعد ان كنت من المعاديين لها بسبب شكلها الملفت

و الان بعد طرحها بسعر 160000 و بهذا الكم الهائل من الكماليات (من الأخر مش نقصها غير فتحة سقف) رجعت تاني تلعب في دماغي!

و فعلاً مش قادر أتخيل إزاي الخليجي منها كانت و مازالت بالسعر ده...إمبارح رحت أباظة في التجمع و كان عارض جوك خليجي بطاسات! من غير مثبت سرعة...من غير عجلة قيادة جلد...من غير مرايات ضم...من غير المفتاح البصمة.... من غير النواكل الداخلية و بكام؟ 196000!!!!!!!!!!!!! طب إزاي؟؟؟ الحكاية أكيد فيها إن

العيوب بالنسبة لي في العربية دي كالاتي:
1- الشكل المستفز و الغير مستساغ إطلاقاً...و بالتالي كم التريقة و الشتائم من الأهل و الأصدقاء (و أيضاَ المارة في الشوارع)
2- ضيق الكنبة الخلفية و مساحة الأرجل الخلفية...بالإضافة إلى ميل السقف
3- شنطة صغيرة للغاية 251 لتر
4- المواد الداخلية بلاستيكية من الدرجة الأولى و إن كانت جودة التقفيل و الشياكة تعوض الجزئية دي

العربية دي المفروض مبينة على شاسية الرينو كليو و النيسان ميكرا...و هي مصنفة كسوبر ميني suv و ده معناه اننا لو هانقرنها يبقى هانحط البولو و الإبيزا و الكورسا و البونتو و الفيستا في المقارنة...مش مع فئة تاني

ياريت نسمع أرائكم في العربية بعد نزولها رسمياً و بالسعر ده :)

[Sehsss]

اولا اهلا بيك في قسم نيسان.. ثانيا العربية دي تقارن بالفلويستر ومثيلاتها مثل الاسترا، وانا مستغرب جدا ان شكلها مش عاجبك لأنها شبابية جدا، وعلى فكرة خاماتها نضيفة جداااااااااا، تحياتي

[DarkMagician]

هي عربية جميلة وصفقة رابحة بس لازم تحط في دماغك موضوع المساحة

والكماليات حركة ذكية منهم عشان لو حد معجبهوش الشكل الكماليات تكلبشو
هههههههههههههه

[محمد بدر]

متتتتتتتتتتتتتابع

[S O P H O S]

موفق اخي الكريم

[Dr'AhmZZong]

بصراحة عربية جااااااااامدة جدا بس اللي يستحمل شكلها ..

مفيش عربية بالسعر ده فيها options ديه كلها

[mody3on]

في فيلوستر وكيا سول واوبشن اكتر كمان ومواتير اقوى
بالنسبة لشكلها هيخلي واحد يجيبها مخصوص لشكلها المميز وواحد يبعد عنها لشكلها الغريب ، هي اذواق في الاخر بس انا مش عاجبني شكلها خالص

[Land_Cruiser]

هى عربيه تميل لكونها هاتشباك عن SUV و مناسبه لاستخدام شاب او حد لسه متزوج حديثا و بالتالى مش هتناسب قوى استخدام اسره لانها مش واسعه قوى و كمان شنطتها صغيره ووجهه نظرى المتواضعة ان اللى زيها فى الكيا هى الكيا سول مع فارق لصالح الجوك لكن نفس الفئه و الفيلوستر بالنسبه للهيونداى و هى بس شكلها مش عاطفى (مش عارف اللى صممها هى و الفيلوستر يعنى ملقاش غير شكل الضفدعه علشان يقلده ؟) و ان كان الشكل ده اذواق و لو حد عنده اسره ممكن القشقاى تناسبه اكتر يعنى الموضوع اكيد مرتبط بالاحتياجات و الأولويات

[Dr.A.Nabil]

انا بصراحه شايفها قنبله

[Screenplays]

نيسان بتجيب مصممين من علي القهوه ههههههههههههههه هي دي المشكله

[Manchestrawy]

السبب بكل وضوح ان الجوك الخليجي بتنزل بماتور بقوه 190 حصان عند 6000 دورة (اعلى فئه)
مقابل الجوك المصري بقوه 118 حصان عند نفس عدد الدورات .. (اعلى فئه)

الكلام ده انا جبته من موقع نيسان الامارات وموقع نيسان مصر .. (:

[AutoTycoon]

السبب بكل وضوح ان الجوك الخليجي بتنزل بماتور بقوه 190 حصان عند 6000 دورة (اعلى فئه)
مقابل الجوك المصري بقوه 118 حصان عند نفس عدد الدورات .. (اعلى فئه)

الكلام ده انا جبته من موقع نيسان الامارات وموقع نيسان مصر .. (:

الكلام دا تقريباً للموتور التربو هل تجار الخليجي جابوا التربو ؟؟؟؟!!!

[محمد عز]

للاسف النيسان جوك لا تصلح الا عربية لشاب او بنت

لكن كعربية عائلية لا يمكن

انا رحت اتفرجت عليها النهاردة

اقعدت فى الكنبة اللى ورا

عملية الدخول والخروج صعبة وضيقة

راسي خبطت فى السقف نتجية ميل السقف

الشنطة ضيقة جدا

علشان كده العربيه ده لواحد لوحده بس

[AutoTycoon]

للاسف النيسان جوك لا تصلح الا عربية لشاب او بنت

لكن كعربية عائلية لا يمكن

انا رحت اتفرجت عليها النهاردة

اقعدت فى الكنبة اللى ورا

عملية الدخول والخروج صعبة وضيقة

راسي خبطت فى السقف نتجية ميل السقف

الشنطة ضيقة جدا

علشان كده العربيه ده لواحد لوحده بس

+1
دا بالإضافة لأماكن الأكر بتاعت الأبواب الخلفية اللي عالية اوي متنفعش للأطفال

[Manchestrawy]

الكلام دا تقريباً للموتور التربو هل تجار الخليجي جابوا التربو ؟؟؟؟!!!

والله معنديش فكره عشان كدا كتبت بين قوسين (لأعلى فئه)
واعتقد فرق السعر الكبير ده اكيد مش هيكون ع الفاضي يا اما التجار حراميه