مشكلة فى صاج عربيتى وعايزلها حل من صقور المنتدى

[ramymh]

السلام عليكم أحلى صقور فى المنتدى

انا معايا صنى فضى ميتالك وبحترمها جدا ونفسى احافظ عليها وعندى كام سؤال كنت احب اسأل اهل الخبرة لو يدلونى اعمل اية

1. فى تنيات صغيرة فى كل الأبواب مكان الناس اللى بتركن على العربية عايز اعرف حلها اية
2. فى خرابيش على السقف والراجل بتاع المغسلة قالى ان فيها صدأ واحتمال يسرح فى السقف كلة وقالى احاول اعالجها لكن انا مش عارف ازاى
   

يا ريت لو الاخوة الاعضاء تقولى انا ممكن اعالج المشكلتين دول ازاى

[Dr'AhmZZong]

متاااااااااااابع باهتمااااااااام

[Sehsss]

التنيات دي ليها حلين، الأول توديها لسمكري يفك فرش الباب من جوه، ويديها دقة خفيفة هاترد مكانها تاني، وفي فكرة غريبة كان قال عليها أحد الأعضاء على المنتدى العام تقريبا وهي إنك تسلط سشوار على الحتة المعووجة شوية وبعدين ترش عليها غاز ولاعات اللي بيبقى في علبة معدن ده والراجل بيملا منه الولاعة هاترد مكانها على طول، ودي أنا هاجربها أني عندي تنية برضه في باب من البيبان، تحياتي

[sayedmagic]

متابع

[dr.hazem]

ليلتها كلها متابعه
هههههههههههههههههه
بالنسبه للتنيات البسيطه دي ممكن تجرب معاها طريقة الشفط منفعش تبقى تعمل زي ماقال سحس بس دي هتظطر تفكر فرش الباب

بينما الشفط مش هتخسر حاجه لو جربته
هتجربه فين مش عارف بس انا عندي شفاط صغنن بستخدمه وبينفع ساعات مش دايما

بالنسبه للخرابيش مش عارف علاجها ايه
انا اشتريت عربيتي وبعد ما اخدتها بفتره وانا بغير البطاريه اكتشفت ان تقريبا كان في مية بطارية بتنزل عالرفرف تحت البطاريه وواكله البويه هناك
شحمتها ورحت لسمكري قالي كويس انك شحمتها وشال الشحم وحط عليها بلاك
بس ده مش من بره

وبالمناسبه عندي زي نقر ممكن من الزلط عالطرق او السفر بالعربية وشايله البويه ومش عارف دي ممكن تصدي ولا لأ
ولو حصل وصدت ايه العلاج؟؟؟

تحياتي

[S O P H O S]

مش هقول متابع
هههههههههه
هقول ربنا يحلها ان شاء الله

[SonaSteel]

النقر ديه تتنفع بالشفط فعلا? .... مش عارف
وهو الصدا في اي منطقة بالظبط?

[ramymh]

يا شباب دى تنيات كتير وصغيرة أما بالنسبة للصدأ دة على السقف وعلى الشنطة

[dr_ahmed_kaf]

التنيات دي بتبقي صغيرة و بتيجي من الناس اللي بيركنو العربيات علي مسافة قريبة منك أوي و وهو نازل يفتح الباب بغباء و السن بتاع الباب يخبط في جنب عربيتك يطبقه و دي لو كبيرة بتترد من جوا ولو صغيرة بتروح خالص بالمعجون لو هتجدد أو هترش العربية.

[Bishoy.Girgis]

[Ahmed.TV]

موضوع الشفط ده كويس .. بس مش عارف مين بيشتغل فيه
ولو الحاجات دى متدمعة فى كام مكان كدا .. ممكن يتعملوا على البارد
اما الصدا ده لو فعلا صدا مالوش حل الا الرش على البارومة

تحياتى