حطيت اخر مره زيت موتور نوعه ايه و اخباره ايه معاك؟

[Land_Cruiser]

السلام عليكم يا صقور

زى ما احنا عارفين الصيف داخل و موضوع زيت الموتور ده بيبقى مهم جدا و علشان كده عملت الموضوع ده علشان نعرف رأى الناس بعد الاستخدام الفعلى بعيد عن الاعلانات و التركيز على بلد الصنع و ياريت نحط البيانات التاليه

الموديل:
سنه الصنع:
الزيت المستخدم:
المسافه المقطوعه بالزيت:
التقييم:
ما نوع الزيت اللى هتستخدمه المره القادمه؟ :
ملاحظات:

[Land_Cruiser]

انا هبدأ بنفسى

الموديل: صنى
سنه الصنع: 2010
الزيت المستخدم: شل
المسافه المقطوعه بالزيت: 9000
التقييم: متوسط
ما نوع الزيت اللى هتستخدمه المره القادمه؟ : محتار بين ليكى مولى و فالفولين
ملاحظات : شل بيخللى صوت الموتور عالى و لم اجرب انواع اخرى

[sanhory]

الموديل:civic SiR
سنه الصنع:1996
الزيت المستخدم:فالفولاين
المسافه المقطوعه بالزيت:5000
التقييم:عمي ما اقتنعت ان نوع الزيت بيفرق في صوت الموتور الا مع الزيت ده
ما نوع الزيت اللى هتستخدمه المره القادمه؟ : فالفولين
ملاحظات:انا بحط فالفولين الاحمر (high kilometer) دا للعربيات المعدية 100 الف كم بس رائع

[amartaha33]

السياره صنى 2008 اوتوماتيك نوع الزيت : موبيل المسافه المقطوعه :2000 التقييم: متوسط ما نوع الزيت اللى هتستخدمه المره القادمه؟ : موبيل وان وبفكر اجرب فالفولين ملاحظات : صوت الماتور كويس حتى الان مع انى حطيت المرة دى موبيل 4000 كيلو

[ahmad--ezzat]

الموديل:civic sir
سنه الصنع:1996
الزيت المستخدم:فالفولاين
المسافه المقطوعه بالزيت:5000
التقييم:عمي ما اقتنعت ان نوع الزيت بيفرق في صوت الموتور الا مع الزيت ده
ما نوع الزيت اللى هتستخدمه المره القادمه؟ : فالفولين
ملاحظات:انا بحط فالفولين الاحمر (high kilometer) دا للعربيات المعدية 100 الف كم بس رائع

معلش يافندم موجود فين فلاوفين...!!

[sanhory]

معلش يافندم موجود فين فلاوفين...!!

في واحد واخد وكيل ليه قدام شغلي علطول عند موقف الف مسكن و حضرتك جاي من ميدان الحجاز ورايح على الف مسكن اول ما تقرب من الموقف بتاع الف مسكن في جامع في الجزيرة اللي فالنص حتلاقيه قدام الجامع علطول على ايدك اليمين و حاتشوف اللوجو بتاع الزيت

وفي محل اسمه star بتاع زيوت في الحرفين

و ليهم رقم خط ساخن تكلمهم يجولك يغيرولك الزيت او يدهولك و انت تغيره 19728

[ahmad--ezzat]

في واحد واخد وكيل ليه قدام شغلي علطول عند موقف الف مسكن و حضرتك جاي من ميدان الحجاز ورايح على الف مسكن اول ما تقرب من الموقف بتاع الف مسكن في جامع في الجزيرة اللي فالنص حتلاقيه قدام الجامع علطول على ايدك اليمين و حاتشوف اللوجو بتاع الزيت

وفي محل اسمه star بتاع زيوت في الحرفين

و ليهم رقم خط ساخن تكلمهم يجولك يغيرولك الزيت او يدهولك و انت تغيره 19728

انت قصدك جامع الفتح ولا ف جسر السويس بره ولا عند اولاد رجب مثلا!!! انا ف هليوبوليس

[mody3on]

الموديل: النترا
سنه الصنع: 2010
الزيت المستخدم: شل الترا
المسافه المقطوعه بالزيت: حوالي 8000 كيلو
التقييم: مش ممتاز ولا وحش , عادي
ما نوع الزيت اللى هتستخدمه المره القادمه؟ : ليكوي مولي او فالفولين
ملاحظات: ------

[megaman]

السياره اكسنت 2009
العداد 95000
الزيت فالفولين تخليقى w5-40
الاداء افضل من شل الترا صوت الموتور ناعم بخر مفيش مع انى بحرت فى العربيه المره الجايه برضه فالفولين وبنصح فيه

[sanhory]

انت قصدك جامع الفتح ولا ف جسر السويس بره ولا عند اولاد رجب مثلا!!! انا ف هليوبوليس

ايوه بالظبط اللي قدام اولاد رجب الناحية التانية

[me_medoo]

الموديل: تويوتا
سنه الصنع: 2008
الزيت المستخدم:موبيل 1
المسافه المقطوعه بالزيت:8000
التقييم:عادي مش حاسس بفرق لاني مجربتش غيرو من ساعت ما اتولدت
ما نوع الزيت اللى هتستخدمه المره القادمه؟ : كاسترو او لوكي مولي هبولي .
ملاحظات:
اي زيت اول ما تغيرو تحس ان العربية ناعمه وبعد كده بتكون اتعودت على الزيت او على خشونة صوت العربية فكمان مش هتحس بفرق .
بس هو موضوع ممتاز ـ كل الناس عاوزة صوت عربيتها ناعمه وسحبها طيارة ... بس اعتقد انو كلو واحد ماعدا طبعاً زيت كلتيكس او التعاونيه الي بيخلي المتور يزغرط ويدخن ويرقص عشرة بلدي كمان هههههه .

[Land_Cruiser]

شكرا على الردود و فى انتظار المزيد من تجارب الاعضاء
هو اى زيت اكيد فى الاول بيبقى كويس و علشان كده كنت عايز اعرف ايه الاخبار بعد كام الف كيلومتر لانى سمعت من بعض الناس ان فى زيوت كويسه لكن نسبه البخر فيها عاليه جدا و دى مشكله كبيره لو كانت الحكايه دى ظاهره و كمان الهدف نعرف الاغلبيه بتفضل ايه

[me_medoo]

تعرف يا لاند كروزر باشا ... انا زمان كنت فاكر ان نسبة تبخر الزيت ده عيب في المتور وكنا بنقول عليه المتور بيحرق زيت ... اتاري انو فعلا ً الزيت بيتبخر ..

[_hema]

السلام عليكم

موضوع اكثر من رائع ومفيد جدا للجميع لان بعض من الناس تحتار من بين جميع الزيوت

الموديل: صنى اتوماتيك
سنه الصنع: 2011
الزيت المستخدم: شل الترا
المسافه المقطوعه بالزيت: 4200
التقييم: متوسط
ما نوع الزيت اللى هتستخدمه المره القادمه؟ : محتار بين ليكوى مولى وفالفولين
ملاحظات: صوت الموتور عالى اثناء الحرق او الكيك داون بس غير كدا عادى

[SonaSteel]

الموديل: صني
سنه الصنع: 2011
الزيت المستخدم: ليكوي مولي توب تيك 4100
المسافه المقطوعه بالزيت: 7000 كم
التقييم: ممتاز ماشاء الله
ما نوع الزيت اللى هتستخدمه المره القادمه؟ : ليكوي مولي هاي تيك
ملاحظات: مش هاستخدم سيراتيك تاني ..... اعتقد مش مفيد زي ما فهمت