### إزاي تعفرت عربيتك التيدا "شرح بالفيديو" ###

[EhabVet]

الحكاية إني روحت عند واحد كهربائي كان شغال في توكيل نيسان وفتح بره مع نفسه عشان أركب حساس ركن



وبعد ما ركبته وكله بقى تمام .. لقيته عمل حركة كده حسيت إنه بيتمنظر قدامي عشان يبين لي إنه متمكن



الحركة إنه قفل الكونتاكت .. وبعدين عمل حاجة بسيطة كده ماخدتش بالي منها وبعدين فتح الكونتاكت ووقف قدام العربية



وفجأة لقيت المساحات اشتغلت والفوانيس اشتغلت وفانوس الشبورة اشتغل وبعدين طفى .. والفوانيس الكبيرة قعدت تقلب عالي وواطي والفوانيس اللي ورا اشتغلت بردو وبعدين المروحة اشتغلت وصوتها ظهر .. كل ده اوتوماتيك بدون أي تدخل من حد .. شغل عفاريت يعني :)

ففهمت إن ده نظام في العربية عشان لو الواحد عايز يجرب الكهربا مايحتاجش حد معاه يقلب في النور من جوه العربية وواحد يقف يبص على الفوانيس من بره العربية خصوصا لو بالنهار مش هتشوف النور غير وانت واقف قدام الفوانيس

حبيت أعمل نفسي عادي يعني ومش مهتم .. بس عِرق الفضول نقح عليا



قلتله عملتها ازاي بقى؟

قالي دي طريقة عرفوها لينا في المصنع بتاع نيسان

قلتله إيه الطريقة دي؟

قالي لااااااااا .. دا سر من اسرار المهنة وإحنا حالفين عليه



يمين شمال مفيش فايدة



رجعت تاني أعمل نفسي مش مهتم .. واتكيت شويه على عرق الفضول لحد ما سكت

وسيبته ومشيت

وبعدها بكام إسبوع قلت إما أجرب حاجة كده كنت لقطتها منه يمكن تنفع

وسبحان الله نفعت فعلا والعفاريت اشتغلت

وده فيديو صورته جنب العيادة فيه شرح عملي للي حصل:



[youtube]http://www.youtube.com/watch?v=JXrJTCoBD2U&feature=youtu.be[/youtube]

طبعا انتوا دلوقتي عايزين تسألوني سؤال واحد بس بيدور في ذهن كل واحد منكم .. وأنا عارفه كويس

ألا وهو:

البقرة كان عندها إييييييييييييييه؟؟؟؟

هههههههههههه

لا بجد أكيد انتوا عايزين تعرفوا أنا عملهتا ازاي



بس أنا بصراحة محتار أقول ولا لأ

بلاش أقول عشان مافضحش سر الراجل .. وانتوا عارفين إن سر الراجل زي عود الكبريت هههههههههههه



ولا أقول لأني عرفت السر لوحدي بمجهودي الشخصي من غير ما حد يقولي؟؟؟







على العموم سيبوني سنتين أفكر :))

[Dr'AhmZZong]

يييييييييييييه نفسي تكمل الحاجة للاخر بقى

[ahmad--ezzat]

طب هو ايه الهدف????????????????????????????????????????????? ?????????????????????????????????????????????????? ?????????????????????????????????????????????????? ?????????????????????????????????????????????????? ?????????????????????????????????????????????????? ??????????????????????????????????????????????????

[EhabVet]

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

[totaman]

ده اكيييييد فوتو شوب


مش فاهم ايه الزرار ده طيب لو عايز اعمل كدة فى الاوبترا ينفع

[Dr'AhmZZong]

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

6. إيه الزرار ده و فين

[Bishoy.Girgis]

ايه يا عم شغل العفاريت الجامده ده .. دا انا هجربها في الصني وش :)))))))))))))))))))))))))))

[masterzmind]

يا عفريت هههههههههههههههههه جامدة اووووووووووووووووووووووى

[EhabVet]

6. إيه الزرار ده و فين

في زرار في القايم بتاع الباب مش بيظهر غير لما تفتح الباب .. ولما الباب بيتقفل بيضغط عليه عشان يطفي لمبة الباب في الطبلوه .. هو ده

ده اكيييييد فوتو شوب :u_thin1[1]::u_thin1[1]:


مش فاهم ايه الزرار ده طيب لو عايز اعمل كدة فى الاوبترا ينفع

ايه يا عم شغل العفاريت الجامده ده .. دا انا هجربها في الصني وش :)))))))))))))))))))))))))))

مش فوتوشوب ولا حاجة
أنا فعلا عايزكم تجربوها عشان نعرف الخاصية دي في التيدا بس ولا إيه ؟

[ahmad--ezzat]

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

هههههههخخ لا ميش طوب ولا حاجه...كابتن كابتن هو متنفعش في النوبيرا

[me_medoo]

طريقة جمدة يا دكتور بسم الله مشاء الله انا هجربها عندي في التويوتا. والهونداي واشوف ايه النتيجة وابقى اقولكم. ، صحيح مقلتلناش بقه. البقرة عندها ايه ؟ اوعه يكون الحمى القلاعيه وصلت عندكم لاقدر الله لان الموضوع ده شاغل بالنا اكتر من عرفتت التيدا لحسن احنا الي اتعفرتنا ومبقناش عارفين ناكول ايه ههههههههه وتحياتي

[heeshooheeshoo]

يمكن قصده على الزرار إللى بيفتح ويقفل نور الصالون عند فتح وقفل الباب !!

[ahmad--ezzat]

اعتقد الموضوع ده هدفه الناكد من سلامه الانوار والفوجات والمساحات مره واحده

[me_medoo]

ده ياجماعه تشيك كامل على كهربة العربية. ، كان زمان في اللينكون كان فيها النظام ده بس والعربية دايرة بتعملها انشيك. انجن. وتشيك اليكرتك. وهيا تجربلك كل حاجة وهيا واقفة ده حتى سمعات الكاسيت بتجربهم وتقولك فرنت رايت فرنت ليفت وهكذا
اما بالنسبة لزرار القايم مش انتا لمن تفتح باب السواق نور الصالون بينور لوحدووو ازاااي ؟ بيبقة فيه بلبلة كده في الصاج هو ده الي قصدو الدكتور عليه

[S O P H O S]

متابع لحل الالغاز