إعـــــــلان

Collapse

.

,
See more
See less

الف شكر على الاهتمام والامانه والرقي العالي ده....

Collapse
X
 
  • Filter
  • الوقت
  • Show
Clear All
new posts

  • الف شكر على الاهتمام والامانه والرقي العالي ده....

    الحمد لله رحت النهارده ل...(اوتو سمير الريان)

    علشان استلم العربيه بعد ما دفعت العربون 1000 جنيه....
    وبعد ماشالوا اللزق الابيض ده وغسلوا العربيه قلنا نجرب كل حاجه قبل ما نستلم العربيه زي ما قريت في المنتدى هنا.....
    كل شئ كان تمام جدا جدا.....وخلاص رايحين نخلص وندفع الفلوس.....لقيت الراجل الغلبان ايللي بينشف العربيه بيقول للموظف المسؤل عن البيع حاجه عن الازاز.....
    تقريبا العربيه ماكنتش تبع الريان وهو جايبها من معرض تاني....وحد ذكي مووت كان عايز يشيل الاستيكر اييلي عليه اسم المعرض القديم عشان يحط اسم الريان على العربيه بس الذكي ده استعمل مفتاح او سكينه
    المهم ان الازاز كان مخربش اوي في الحته دي داير ما يدور
    ومش عارفه ازاي ماشفتهاش
    الناس فى منتهى الامانه وكويس انهم قالولي...لكن في نفس الوقت...طلبوا مني اني لو عايزه اغير العربيه اني ادفع 500 جنيه تمن الورق ايللي المفروض كان المندوب طلبه للعربيه قبل مانيجي
    طبعا فوجئت جدا...واتضايقت لان مش معقول ادفع كل الفلوس دي والعربيه ازازها بايظ كده
    وضغطنا جامد على المندوب وقولناله مش مشكله هناخد اي لون متاح بس لازم تغيرلنا العربيه
    واصر المندوب انه ماينفعش لازم ندفع 500 جنيه علشان نغير
    المهم قلتله انا عايزه اقابل صاحب المعرض وهاحاول معاه وفي سري قلت ان شاءالله ادفع النص وهو النص...اي حاجه بس اغير العربيه
    لقيت المندوب قاللي اديني عشر دقايق وراجعلك...وبعد شويه رجع وبشرني اني ممكن اخد فراني بس الفرش بيج
    قلتله طبعا على بركه االله...والمهم اتغسلت وفحصتها كده لقيتها تمام ولقيت فيها خربشه تقيله من الناحيه اليمين..وطولها بتاع 8 سم...حاول يعمللها بوليش ماراحتش ...قمت واخداها وتوكلت على الله...وخلاااص.....
    دي حكايتي النهارده ...ايللي ضايقني اكتر حاجه ان كان على الترابيزه ايللي جنبي واحد حاجز نيسان زيي بالظبط...هو دفع 93000......وانا دفعت 94000
    والسبب انه حجزها قبلي بيوم....وتقريبا سعر النيسان غلي بقى ب 95000....في كل المعارض ماعدا الريان ب94000
    بس مش مشكله ...الحمدلله



    انا محتاجه اسال برده عن
    1-لو عايزه اركب 2 شاشه lcd للاولاد ورا...... اروح فين وهتبقى في حدود كام؟
    2-ايه السينسور ايللي بالكاميرا ده...وهل له لازمه؟
    3-الترخيص 3 سنين هيبقى في حدود كام؟


    وبصراحه الردود على اسالتي لما جيت من بره هيا الحاجه الوحيده ايللي فرحتني النهارده بعد المشاكل الكتيره دي.....وربنا يكرمكم يارب

  • #2
    الف مبروك يا باشا
    ربنا يباركلك فيها

    Comment


    • #3
      الف مبروك وربنا يباركلك فيها ويكفيك شرها يارب
      rompo10

      Comment


      • #4
        ألف ألف مبروك يا فندم ومتزعليش على الألف جنيه ..
        صدقيني لو كنتي اكتشفتي الخربشه الي في الازاز دي بعد ما خدتي العربيه
        كنتي هتضايقي اكتر من الألف الي ادفعت ..
        بخصوص الشاشات والسنسور موجودين في اي توكيل .. زي توكيل اوتو ايجيبت مثلاً
        بس مش فآكر اسعار .. وبخصوص الترخيص ان شاء الله الاعضاء يفيديوكي (:
        واهلا وسهلاً بيكي في القسم

        Comment


        • #5
          ألف مبروك لحضرتك العربية
          و ربنا يبارك لك فيها بإذنه تعالى

          و بالنسبة لموضوع ال 500 جنيه اللي كانوا عايزين يدفعوها لحضرتك كان المفروض ان هما اللي يدفعوها علشان حضرتك دافعة الفلوس في العربية فتاخديها بدون خربوش واحد و اي تقصير في خدة هما اللي يتحملوا
          [SIGPIC]http://imageshack.com/a/img838/5746/61n6.jpg[/SIGPIC]

          Comment


          • #6
            ربنا يباركلك فيها ويبعد عنك شرها
            اقوى واغلى 10 اسلحه بالعالم
            http://technology-mmm.blogspot.com/
            http://imageshack.com/a/img850/6764/4fdl.jpg

            Comment


            • #7
              الف مبروك السياره ربنا يباركلك فيها
              اما بالنسبه للسينسور و الشاشات موجوده فى مودرن موتورز و اوتو ايجيبت
              وانا رأى ان تركبى السينسور من غير كاميرا لانالكامير بتلخبط ده رأى
              و أهلا بحضرتك فى المنتدى
              [url=http://nileup.com/up/][img]http://nileup.com/up/uploads/thumbs/nilemotors_136
              [FONT="Book Antiqua"][B][CENTER][marq="3;left;1;scroll"]Dr. Mohamed Salah [/marq][/CENTER][/B][/FONT]

              Comment


              • #8
                السلام عليكم و رحمة الله و بركاته
                ألف مبروك يا باشا على العربيه...
                بالنسبة لموضوع الشاشات ليه شوية خطوات:
                1- جهاز DVD محترم Kenwood , Pionner
                2- شاشتين مسند رأس الواحدة بحوالى 250 جنيه Symphony علشان ليها ضمان و ليها تصليح
                لازم يكون الجهاز DVD مش VCD
                و يكون بيشغل MP3
                و يفضل يكون وش الكاسيت بيتفتح علشان الـCD يدخل و بعدين الوش يتقفل علشان التراب
                اى معلومات عن أماكن البيع على الخاص
                [CENTER][SIZE=3][B]"حينما تري المجرم يحاكم لا تنظر اليه و تشفق عليه بل انظر الى جريمته"[/B]
                [/SIZE] [/CENTER]
                [CENTER][SIZE=3][B]الشيخ الشعراوي[/B][/SIZE][/CENTER]

                Comment


                • #9
                  الف مبروك
                  بالنسبة للشاشتين + جهاز d.v.d. بحوالى 2500 جنية عند مودرن موتورز وتقريبا برده بسعر قريب من كده عند كينود اللى هو اصلا توكيل الكاسيت الاصلى بتاع العربية وفى الحالة دى حتشوفى بيعة كويسة لكاسيت العربية الاصلى او تحتفظى بيه لو حبيتى تغيرى العربية فى بوم من الايام
                  ممكن تركبى حساسات ركن + وحدات رفع فى مودرن موتورز وبضمان سنة بحوالى 500 جنية
                  واوعى تركبى الحاجات دى بره علشان ضمان الكهرباء بتاع العربية مهما كان ارخص
                  الكاميرا وان كانت افضل لكن سعرها غالى جدا فى التوكيل اعتقد 1000 جنية .
                  عموما حساسات الركن كويسة وبتأدى الغرض .

                  Comment


                  • #10
                    الف مبروووووووووك وربنا يديكي خيرها ويكفيكي شرها
                    [img2]http://nileup.com/up/uploads/nilemotors_13649876441.jpg[/img2]

                    Comment


                    • #11
                      الف مبروك على حضرتك العربية و ربنا يكفيكي شرها يارب

                      و اهلا بيكي معانا في المنتدى و ان شاء الله تكوني عضوة نشيطة في قسم نيسان
                      [CENTER][COLOR="DarkSlateGray"][SIZE="4"]"لا إله إلا انت سبحانك إني كنت من الظالمين"[/SIZE][/COLOR][/CENTER]

                      Comment


                      • #12
                        المشاركة الأصلية كتبت بواسطة ahmed1006 مشاهدة المشاركة
                        الف مبروك يا باشا
                        ربنا يباركلك فيها
                        اللهم امين

                        Comment


                        • #13
                          المشاركة الأصلية كتبت بواسطة ahmed1006 مشاهدة المشاركة
                          الف مبروك يا باشا
                          ربنا يباركلك فيها
                          الله يبارك فيك

                          Comment


                          • #14
                            الف شكر

                            Comment


                            • #15
                              الف مبروك

                              Comment

                              Working...
                              X