بتعمل ايه. للتغلب على الحر و انت سايق؟

[Land_Cruiser]

السلام عليكم،
زى ما احنا عارفين الصيف بدأ و درجات الحراره بدأت تزيد الصبح بطريقه مزعجه فحبيت اعمل الموضوع ده علشان كل واحد يقولنا على اقتراحات و افكار لمواجهه الحر و الشمس خاصه. لو العربيه بتبقى مركونه فى الشمس او لو الواحد بيسوق لمده طويله فى عز الحر

[Dr'AhmZZong]

مفيش حل غير تركيب عازل حراري محترم ..

[shaddadfalcon1]

بعمل زي علاء ولي الدين واتخيل الدنيا برد :))

[ahmedamr]

بفتح الازاز واطلع اجري وااعلى الكاسيت ع الاخر عشان انسى

[sheko_2000eg]

بفتح الازاز واطلع اجري وااعلى الكاسيت ع الاخر عشان انسى

هههههههههههههههههههههههههههه

[night_whisper]

بشغل التكيف

[aboomar22]

حاول متنزلش فى فترة الظهيرة الا لو كنت مضطر خلى معاك زجاجة مياه باردة تشرب منها وخلى فى العربية كيس مناديل مبللة معطرة اتاكد من عزل العربية علشان صهد الموتور ميطلعش عليك اركن دائما فى مكان ضل وحط شماسة على الزجاج مهم قوى يفضل بلاش الفرش الجلد فى الصيف لسعتة بايخة قوى

[msa142]

بفتح الازاز واطلع اجري وااعلى الكاسيت ع الاخر عشان انسى

ههههههههههههههههههههههههه
الواحد لو نسى السخونية شوية هيلاقى ضهره بقا نص شوا

[mustafa_fawzy]

شاهد هذا الفيديو
‫طريقة تبريد السيارة من الداخل وقت الحر‬‎ - YouTube

[mazher_m]

شاهد هذا الفيديو
‫طريقة تبريد السيارة من الداخل وقت الحر‬‎ - youtube

بالطريقه دي هنغير الباب كل صيف

[Manchestrawy]

بوجه كل فتحات التكيف عليه وكل بتاع قصب بنزل اشرب كبايتين تلاته :'d ههههههه

[S O P H O S]

بنقول الحمد الله ونستحمل

[Dora]

حضرتك حاول متركنش العربية فمكان مشمش جدا ولو حضرتك اضطريت يبقى حضرتك تغطى العربية بكيس العربية ويفضل يكون لونة فاتح
او حضرتك ممكن تحط الشماسة او زى ما الأستاذ قال ممكن تعمل زجاج عازل للحرارة


أما فى حالة عدم وجود تكييف فى العربية فا ربنا معاك

[verna2008auto]

با افتح الشباكين اللي قدام واخرج من العربية شوية علي ما العربية تسخن ...... واتكل علي الله

[FBIAhmed]

باغسل سربنتينه التكيف بشويه ميه و بطلع بتبقى تلاجه ما شاء الله