إعـــــــلان

Collapse

.

,
See more
See less

تقرير عن السيارة القشقاي اوتوماتيك 2012 مدعم بالصور

Collapse
X
 
  • Filter
  • الوقت
  • Show
Clear All
new posts

  • تقرير عن السيارة القشقاي اوتوماتيك 2012 مدعم بالصور

    (( بسم الله ما شاء الله و لا حول و لا قوة الا بالله ))

    الحمد لله الذي رزقني اياها من غير حول لي و لا قوة
    اللهم ارزق غيري بما هو أفضل منها
    اخواني و احبتي في الله
    في محاولة مني لرد جزء بسيط من جميل المنتدي عموما و جميل قسم نيسان خصوصا
    يشرفني ان اقدم لكم تقرير بسيط عن القشقاي الاوتوماتيك 2012
    و ارجو ان ينال رضاكم و اعذروني علي التقصير و عدم التنظيم لاني غير متخصص في مثل هذه المواضيع.


    (( فهرس التقرير ))

    1- الشكل العام الخارجي بالصور
    2- الشكل العام الداخلي بالصور
    3- ملاحظات سريعة علي السيارة بشكل عام
    4- ما تم تركيبه من كماليات حتي الان و سعر التكلفة بالتوكيل
    5- الحكم علي السيارة بالدرجات ( من وجه نظري فقط و لا افرضها علي احد و لا اعتبرها مقياس للتقييم )
    6- مميزات و عيوب السيارة (( كرأي شخصي حتي الان ))

    1- الشكل العام الخارجي بالصور







    2- الشكل العام الداخلي






















    3- ملاحظات سريعة علي السيارة بشكل عام و بعض خصائصها

    * مع اول لحظة لي اثناء التشغيل و الخروج من امام المعرض و احسست بأن السيارة فعلا ما شاء الله تستاهل و بانها قيمة بالفعل و طبعا بعد كام يوم من الترخيص بدأت الاحظ بعض المزايا بها

    * لاحظت مثلا ان صوت الماتور منخفض جدا و ناعم لدرجة اني لو بدورها في شارع مزدحم لا اسمع صوت المحرك سواء كنت داخلها او خارجها

    * هناك ايضا ثبات علي الارض في حالة اخذ غيار الحركة ( d ) فهي لا تحتاج لان تفرملها بالفرامل كل لحظة مثل سيارات اخري تندفع بمجرد ان تفعل الغيار للحركة مما يستهلك الفرامل خصوص في المناطق المزدحمة التي تستدعي التحرك ببطء كل لحظة و اخري

    * لاحظت انه لا يصدر عن الفرامل صوت ( تزييق ) كما في سيارات اوتوماتيك اخري

    * المرايات الجانبية كافية جدا لان تحسن الركن و لها امكانية النزول بالرؤية لاقصي وضع ممكن فتري الارض او الرصيف الذي يمكن ان يحتك به الكاوتش اثناء عملية الركن في جوانب السيارة

    * انبهار كل من يركب معي بسبب الاحساس بالارتفاع عن الارض سواء في مستوي رؤية من بجوارك من السيارات او في المطبات و عدم احتكاك السيارة بأي مطب مهما ارتفع عن الارض و يمكن لم تبهرني اوي هذه النقطة خصوصا اني كنت راكب تريوس قبل القشقاي و كانت اعلي قليلا

    * لم ازيد في السرعة عن 140 و كانت السيارة تجذبني للزيادة و الانطلاق اكثر من ذلك و لكن حرصي علي التليين الصحيح جعلني اقلل من السرعة وقتها
    احساس بالثبات في المنحنيات الحادة مريح جدا و خوصا اني كنت احسب له الف حساب في التريوس بل احيانا كنت اقلق كثيرا مع بعض المنحنيات

    * السيارة يمكن ان يتم ركنها علي وضع ( التموير ) و ليس شرط ان تفعل وضع ( p ) و هي ميزة في اوقات كثيرة

    * تم تجربة سريعة لحساس المطر و كم تمنيت شرائها في الشتاء هههههههههه

    * حساس الضوء يريحك جدا بعد تظبيطه علي الوضع ( auto ) فلا تحمل هم ان النور ابدا بعد ذلك

    * درج التابلوه كبير ما شاء الله و به جزء به خاصية ( تثليج ) حين يتم تفعيل المكيف

    * المفتاح الذكي جميل جدا و يمكن تشغيل السيارة و الريموت في محيط السيارة و احيانا انسي ان اغلق الماتور بسبب ان ميدالية المفاتيح في جيبي و ربنا يستر الا اتركها شغالة و ابعد عنها
    و لكن يمتنع الريموت عن غلق السيارة اذا كانت في وضع التشغيل من الخارج فتعلم انها في حالة تشغيل و محدش يضحك لانها حصلت لي مرتين

    * تم تجربة استخدام الموبايل من خلال كابل ( aux ) و كان الصوت داخل الكابينة واضح و مميز في الارسال و الاستقبال و يتم توقف الكاسيت تلقائيا اثناء استقبال المكالمة و اعادة تشغيلة مباشرة بعد انتهائها

    * الكاسيت امكانياته متعددة و النظام السمعي قوي و مميز و توزيعه ممتاز و الراديو قليلا ما استخدمه و لكني لاحظت انه يعمل بصورة جيدة حتي في حالة نزع الاريال من اعلي السيارة



    4- ما تم تركيبه من كماليات حتي الان و سعر التكلفة بالتوكيل

    اول شئ كان ينقص السيارة بالطبع هو حساسات الركن الخلفي و بالفعل ذهبت لاوتو ايجيبت و ركبتها
    و مع ان السيارة بها خاصية مانع السرقة الخاصة بنيسان
    الا انها للاسف لا تخيف (( الحرامية )) لانها بلا اصوات و ستمنعهم فقط ان شاء الله بعدم التمكن من استخدام مفتاح مصطنع و لذلك و لخطورة الوضع الحالي استعنت بالله و ركبت معها انذار ( ايطالي ) و كان تحفة بصراحة و عامل ازعاج حلو قوي في اي مكان اذهب اليه خارج الجراج و هو يعمل علي ريموت السيارة
    و هو يعمل علي ( كلاكس السيارة ) فتحس انه مميز عن كل الانذارات المحيطة بك في اي سيارة اخري
    كانت تكلفة الحساس بالتركيب و الضريبة ( 420 ) جنية
    و الانذار بالتركيب و الضريبة ( 1100 ) جنية

    5- الحكم علي السيارة بالدرجات

    ( و هي مجرد وجهة نظري و لا افرضها علي احد و لا اعتبر رأيي مقياسا للتقييم فلست اهلا لذلك )

    ( 1 ) – الماتور

    ماتور جيد جدا ( صوت ناعم جدا ) اداء عالي يعمل بتكنولوجيا ( cvt ) و اظن اني بدأت اجيد التعامل مع هذا النوع من المواتير خصوصا في السحب الهادئ قليلا علي السرعات من ( صفر – 40 ) و فكرة الضغط علي دواسة البنزين بدرجة معينة ثم رفع القدم في لحظة معينة و اعادة الضغط مرة اخري ثم التقدم و الاندفاع بعد الوصول الي ( 60 ) ثم القوة و السحب الممتاز بعد الوصول الي ( 70 )
    و اخيرا و بدون مبالغة اجد انني اسير موازي لاغلب السيارات السيدان التي انطلقت معي من مرحلة الثبات و صرخت ( تستغيث ) بالمارة اثناء انطلاق قائدها بها بلا رحمة و تبديله من غيار الي اخر حتي يصل لسرعة 100 كم و اذا بنا نجاور بعضنا البعض في نفس التوقيت غالبا بأختصار
    و تقييمي للماتور و السحب ( 8.5 / 10 )

    ( 2 ) – الثبات

    اري ان السيارة ممتازة في ثباتها علي الطريق و لاني حتي الان مازلت في مرحلة التليين فأغلب الوقت تحت ال 120 و التريوس مثلا لا تقارن بها ابدا في الثبات و لذلك
    سأعطيها ( 9 / 10 )

    ( 3 ) – الصالون و الفرش و الخامات المستخدمة و السقف البانوراما

    اري ان الصالون تقفيله جيد جدا و خاماته جيدة جدا و غير بلاستيكية و الفرش جميل جدا لدرجة اني حابب استمتع به و لا اضع عليها فرش اخر او كسوة اخري علي الاقل حاليا و السقف البانوراما تحفة و الشباب اللي معايا في الشركة بعد ان كانو بيتخانقو مع بعض مين اللي يقعد بجانبي في الامام الان بعد القشقاي بيتخانقو علي الجلوس في الكنبة الخلفية و بيجبروني علي فتح البانوراما حتي في عز الحر هههههههههه و
    اعطيهم ( 8.5 / 10 )

    ( 4 ) – الفرامل

    ممتازة و سريعة التجميع
    اعطيها ( 9 / 10 )

    ( 5 ) – العفشة و الكاوتش

    بصراحة العفشة ممتازة و لكن يجب الالتزام دائما بضغط الكاوتش للحفاظ علي احساس نعومة العفشة و عدم ( الدب ) في الطريق و ضغط الكاوتش بيختلف في حالة تحميل السيارة بحمولة متوسطة عدد 3 افراد او اقل مثلا تختلف بالطبع عن تحميلها بعدد 5 افراد بحقائبهم و لذلك فاللحصول علي افضل اداء لعفشة القشقاي مرتبط ارتباط كلي و جزئي بتظبيط ضغط الكاوتش الموصي به علي قايم السيارة
    اعطيهما ( 8.5 / 10 )

    ( 5 ) – الصاج

    احس بأنه ثقيل و الابواب محملة و ثقيلة
    اعطيهم ( 9 / 10 )

    ( 6 ) – الاتساع العام و الصالون و مساحات التخزين

    قائد السيارة مرتاح جدا في الكرسي و رجله مفرودة اثناء القيادة و الكرسي ماسك الظهر كله و لا يوجد اي تعب في القيادة لمسافات طويلة و الراكب الامامي مرتاح جدا في الكرسي و امامه اتساع كبير و مسند اليد مريح جدا سواء للسائق او من بجانبه و له مستويين للتقدم لكي يريح اكثر و لا يعيق من عمل فرامل اليد
    و يوجد اسفله او بداخل مسند اليد مساحة اخري مناسبة للتخزين
    الكنبة الخلفية مزودة بمسند في المنتصف و به حامل لعدد 2 كوب ايضا مثل الكونسول الامامي
    و المسافة بين الكنبة الخلفية و الكراسي الامامية اري انها جيدة و لكنها ليست ( بحر ) كما كانت في التريوس مثلا
    و السيارة عموما
    اري انها مناسبة لاسرة مكونة من 5 افراد و لا يوجد اي قلق عليهم و الكنبة الخلفية تتسع لعدد 3 افراد متوسطي الحجم او اتنين وزن ثقيل و واحد ( عصفر ) بضم العين ههههههههههه
    الشنطة مناسبة جدا و بها امكانية فك الجزء المتحرك بها لتعطي مساحة اوسع في التحميل طبعا لا اصغر من شنطة التريوس
    و تقييمي للاتساع بوجه عام ( 8 / 10 )

    ( 7 ) – العزل

    طبعا طوال الفترة الماضية كنت محروم من العزل المحترم للسيارة لاني كنت دائما فاتح للشبابيك يمكن كلها علشان كنت في مرحلة التليين و لم اشغل المكيف الا امس الاول و اثناء عودتي من اوتو ايجيبت و بعد اجراء صيانة الالف قفلت الشبابيك و فتحت بقي التكييف و كم كانت المفاجأة بسم الله ما شاء الله عزل محترم جدا و دنيا تانية بالداخل ( و لا حس و لا خبر )
    درجة تقيمي له ( 9 / 10 )

    ( 8 ) – التكييف

    ما زلت لم اكتشفه بعد و حكمي عليه لن يكون اليوم و اطلب ( تأجيل ) تقييمه و لكن بوجه عام صوته هادئ و اغلقته بعد فترة بسيطة من تشغيله لانه سقعني و خفت من البرد و به تحكم مزدوج

    ( 9 ) – معدل استهلاك البنزين

    حتي الان ما استطيع توضيحه هو معدل استهلاك البنزين ( داخل الزحام ) و معدل الاستهلاك حوالي (( 230 كم في الصفيحة )) بدون استخدام التكييف


    6- مميزات و عيوب السيارة
    (( كرأي شخصي حتي الان ))

    اولا العيوب :-

    1- الافتقار الي بعض الكماليات و احتياج تركيبها و البحث عنها لدي الوكيل بعد الشراء (( كحساسات الركن – بلوتوث و gps لمن يهواه – دلايات امامية للكاوتش ))
    2- لا توجد فتحات خلفية للتكيف ( مع اني لسه مش عارف هل ستكون محتاجة لذلك ام ان التكييف سيغطي كامل الصالون )
    3- لا يوجد وحدات رفع للزجاج ( لمن تعود علي هذه الخاصية )
    4- مرايات الاجناب ( ليست ضم ايضا لمن يهوي ذلك )
    5- احساس بالبطئ النسبي في ( التسارع ) من ( صفر – 40 ) عن السيارات السيدان


    ثانيا المميزات :-
    1- ( ما شاء الله ) السيارة جميلة جدا ههههههههههههه
    2- اتساع و ارتفاع مناسب جدا
    3- الاضاءة الخارجية و الداخلية ممتازين و وضوح العدادات سواء نهارا و ليلا
    4- صوت هادئ جدا للماتور يكاد لا يسمع و ممكن تنخدع و تعيد تشغيل المحرك
    5- احساس عام بالفخامة الخارجية و الداخلية بالتقفيل العام الداخلي



    تحياتي للجميع


    م.حاتم السباعي


    ------

    تم تنسيق الموضوع بناء على طلب من صاحبه
    وتم التنسيق الموضوع ورفع الصور وتصغيره بمساعدة منسق القسم
    م1ب
    HAGAN سابقا

  • #2
    الف مبروك عليك

    Comment


    • #3
      شكرا جزيلا على التقرير الممتاز

      وهو فعلا بيوصف العربيه زي ما انا حسيتها بالظبط في التيست درايف بتاع داندي مول

      مبروك مرة تانيه وربنا يحفظك ويحفظهالك
      [CENTER][SIGPIC][/SIGPIC][/CENTER]

      [CENTER]سبحان الله [CENTER][/CENTER]وبحمده سبحان الله العظيم[/CENTER]

      Comment


      • #4
        المشاركة الأصلية كتبت بواسطة bassamhafez مشاهدة المشاركة
        شكرا جزيلا على التقرير الممتاز

        وهو فعلا بيوصف العربيه زي ما انا حسيتها بالظبط في التيست درايف بتاع داندي مول

        مبروك مرة تانيه وربنا يحفظك ويحفظهالك
        الله يبارك في حضرتك
        و اعذرني علي تأخري الحضاري في فن تنسيق المواضيع و رفع الصور فأنا من الجيل السااااابق هههههههههه
        و ربنا يعزك و يكرمك
        تحياتي لحضرتك


        م.حاتم السباعي
        HAGAN سابقا

        Comment


        • #5
          ما شاء الله تقرير هايل يا فندم و تحياتى لحضرتك فى اختيار اللون الابيض فهو ما شاء الله اختيار موفق و كنت عايز اقترح على حضرتك بالنسبه للكماليات اقترح على حضرتك كفر المرايات اللى فيه الاشاره اعتقد هيبقى شكله ظريف عليها و ربنا ريباركلك فيها و يديلك خيرها و يكفيك شرها بإذن الله

          Comment


          • #6
            المشاركة الأصلية كتبت بواسطة hossam_elwani مشاهدة المشاركة
            الف مبروك عليك متابع .......................
            الله يبارك في حضرتك
            و يا رب التقرير يعجب حضرتك

            المشاركة الأصلية كتبت بواسطة land_cruiser مشاهدة المشاركة
            ما شاء الله تقرير هايل يا فندم و تحياتى لحضرتك فى اختيار اللون الابيض فهو ما شاء الله اختيار موفق و كنت عايز اقترح على حضرتك بالنسبه للكماليات اقترح على حضرتك كفر المرايات اللى فيه الاشاره اعتقد هيبقى شكله ظريف عليها و ربنا ريباركلك فيها و يديلك خيرها و يكفيك شرها بإذن الله
            الله يبارك في حضرتك و هذا ذوق من حضرتك
            و عذرا اني حيرتكم بسبب عشوائية التقرير
            و موضوع كفر المرايات بالفعل انا افكر فيه و لكنه غالي الان شوية و اراه مبالغ فيه
            تحياتي لحضرتك


            م.حاتم السباعي
            HAGAN سابقا

            Comment


            • #7
              ماشاءا لله العربيه شكلها جميل جدا وربنا يعوضك بيها عن اللي حصلك في العربيه التانيه ان شاء الله

              Comment


              • #8
                المشاركة الأصلية كتبت بواسطة shaddadfalcon1 مشاهدة المشاركة
                ماشاءا لله العربيه شكلها جميل جدا وربنا يعوضك بيها عن اللي حصلك في العربيه التانيه ان شاء الله
                ربنا يبارك في حضرتك
                و الحمد لله علي كل شئ و انا اعتقد ان الموضوع الاول ايضا كله خير
                تسلم ايد حضرتك و تحياتي اليك


                م.حاتم السباعي
                HAGAN سابقا

                Comment


                • #9
                  مبرووك ياباشا :)) ربنا يديك خيرها كلة يارب :)

                  شايف اننا كلنا مستغلين اماكن الكوبايات فى الجنيهات المعدن اللى بنوزعها على السياس فى اى مكان هههههههههه

                  لا بس ماشاء الله حاتم بك وعقبال الحتة ال اودى كواترو بقى :)
                  اللى حيضيع بلدنا : الفهلوة و كلمة باشا و معلش و أصل


                  [SIGPIC][/SIGPIC]

                  Comment


                  • #10
                    السلام عليكم
                    ربنا يباركلك فى العربيه
                    كنت عايز اسألك هو انت جيبت العربيه منين علشان بدور على اللون الابيض ومش لاقيه خالص

                    Comment


                    • #11
                      الأستاذ الفاضل HAGAN
                      ألف مبروك على العربية
                      بسم الله ما شاء الله
                      ربنا يكفيك شرها و يسعدك بيها يا رب
                      التقرير أكثر من ممتاز
                      جميع المواتير الحديثة متلينه
                      أقفل زجاج العربية و شغل التكيف
                      أستمتع بالعربية بدون أى قلق
                      بعد أذنك شيل الجنيهات من مكان الكوبيات لسببين
                      أولآ : أن فى الحر هيسخنوا و ممكن يعملوا علامات مكانهم
                      ثانيآ : أن حتى لو مبلغ بسيط ممكن لا قدر الله حد يطمع فية و يكسر الزجاج علشان يأخذهم
                      ربنا يحفظك و يحفظها يا رب
                      أنا بشكرك مره أخرى على التقرير و أسلوب حضرتك المهذب اللى بيدل على شخصية ذات أخلاق كريمة
                      تحياتى و تقديرى لشخصكم الفاضل

                      Comment


                      • #12
                        المشاركة الأصلية كتبت بواسطة ashouhdy مشاهدة المشاركة
                        مبرووك ياباشا :)) ربنا يديك خيرها كلة يارب :)
                        شايف اننا كلنا مستغلين اماكن الكوبايات فى الجنيهات المعدن اللى بنوزعها على السياس فى اى مكان هههههههههه
                        لا بس ماشاء الله حاتم بك وعقبال الحتة ال اودى كواترو بقى :)
                        الله يبارك في حضرتك يا دكتور احمد
                        و ربنا يجمعنا دائما في الخير
                        و بالفعل موضوع الجنيهات ده مهم قوي و لازم يكون متوفر بغزارة ههههههههههه
                        و الا منعرفش نركن و لا نمشي في الشوارع
                        و ان شاء الله يكرمنا بالاودي في الاخرة بقي هههههههههه
                        تحياتي لحضرتك

                        المشاركة الأصلية كتبت بواسطة saiddelho مشاهدة المشاركة
                        السلام عليكم
                        ربنا يباركلك فى العربيه
                        كنت عايز اسألك هو انت جيبت العربيه منين علشان بدور على اللون الابيض ومش لاقيه خالص
                        الله يبارك في حضرتك
                        و انا رديت علي رسالة حضرتك اللي وصلتني علي الخاص
                        و ربنا يوفقك في الاختيار بأذن الله
                        و منتظرين حضرتك ان شاء الله تشرفنا بالانضمام لرابطة القشقاي
                        تحياتي لحضرتك

                        المشاركة الأصلية كتبت بواسطة night_whisper مشاهدة المشاركة
                        الأستاذ الفاضل hagan
                        ألف مبروك على العربية
                        بسم الله ما شاء الله
                        ربنا يكفيك شرها و يسعدك بيها يا رب
                        التقرير أكثر من ممتاز
                        جميع المواتير الحديثة متلينه
                        أقفل زجاج العربية و شغل التكيف
                        أستمتع بالعربية بدون أى قلق
                        بعد أذنك شيل الجنيهات من مكان الكوبيات لسببين
                        أولآ : أن فى الحر هيسخنوا و ممكن يعملوا علامات مكانهم
                        ثانيآ : أن حتى لو مبلغ بسيط ممكن لا قدر الله حد يطمع فية و يكسر الزجاج علشان يأخذهم
                        ربنا يحفظك و يحفظها يا رب
                        أنا بشكرك مره أخرى على التقرير و أسلوب حضرتك المهذب اللى بيدل على شخصية ذات أخلاق كريمة
                        تحياتى و تقديرى لشخصكم الفاضل
                        الله يبارك في حضرتك
                        و الف شكر علي كلمات حضرتك و هذا من ذوق حضرتك ليس اكثر
                        و ان شاء الله سوف اخد بالي من موضوع الفلوس بس بصراحة مكان جهنمي مش واضح خالص و خصوصا اني بسحب ( مسند الذراع ) للمستوي الثاني فبيكون مغطي علي هذه الحفرة هههههههههههه و عموما ان شاء الله هاخد بالي بعد كده و ربنا يسترها معنا جميعا
                        و اشكر حضرتك مرة اخري علي المشاركة
                        تحياتي لحضرتك


                        م.حاتم السباعي
                        HAGAN سابقا

                        Comment


                        • #13
                          الف مبروك على العربية

                          ربنا يديك خيرها ويكفيك شرها

                          تحياتى لك


                          [CENTER][URL="http://nileup.com/up/"][IMG]http://nileup.com/up/uploads/nilemotors_13645395801.jpg[/IMG][/URL]
                          [/CENTER]

                          Comment


                          • #14
                            تقرير جميل جميل جميل جميل
                            بسم الله ماشاء الله ربنا يرزقك خيرها ويحفظك من شرها يارب اامين

                            ربنا يستر طريقك ويجعلك في كل طريق بيها رزق وسلامة ان شاء الله

                            تقريرر وافي جدا ومحايد مفيهوش لا تفخيم في العربية وتعصب ليها يكاد يكون من احيد التقارير اللي شفتها لمالك سيارة
                            وعلى الرغم من توزيعو في كذا رد بس اانا عاجباني معرفش ليه حسيت كده بمتعة وانا بدور على باقي الموضوع ^_^

                            الف مبروك يا بمشهندس وربنا يحفظهالك الى ان يرزقك بافضل منها ان شاء الله
                            DarkMagician

                            Comment


                            • #15
                              تقرير اكثر من رائع الف مليييييييون مبرووووووووووك على السياره
                              السياره فعلا تستاهل فلوسها وده راى فيها بعد التيست دريف الى عملناه فى دندى مول
                              ونتمنى ان تنضم الينا فى المقابلات القادمه
                              رزقك الله خيرها وكفاك شرها الف مبروك

                              Comment

                              Working...
                              X