البطارية الجديدة.. والضفيرة اللعينة

[Sehsss]

السلام عليكم ورحمة الله
تحياتي لكل الصقور
طبعا انتم عارفين المشكلة اللي حصلتلي بعد تغيير البطارية بأخرى جافة (إي سي ديلكو 55 أمبير) وهي تبطيل السيارة عندما تكون ساخنة (السلانسيه).. يوم الأربعاء الماضي حجزت في أوتو إيجبت أبورواش وأسعدني الحظ بالمهندس الخلوق محمد رفاعي واللي شرحتله كل اللي بيحصل وكان رده إن العربية هاتتحط على الكمبيوتر وتتظبط علشان تغيير البطارية لخبط الدنيا وكمان حاجة كده هاتتفك وتتنضف شبه الأيدل كده (وقاللي إن الكشف هايتكلف 75 جنيها)، ودخلت السيارة فعلا الساعة 11 تقريبا وكانت هاتخلص على الساعة 30ر1 ظهرا علشان كنت طالب في صيانة الـ5 آلاف تظبيط كرسي السائق وما اتظبطش.
بعد حوالي ساعة تقريبا لقيت المهندس رفاعي جايلي وبيقولي إننا هانغير ضفيرة الكهرباء (اللعينة) قلتله ليه، قاللي علشان العربية ما تعملش معاك الحركة دي تاني وطبعا الوقت زاد لحد الساعة 30ر3 عصرا.
الساعة 35ر3 جت العربية مغسولة وكله تمام، ندورها زي ما هي تبطل راح المهندس مدخلها تاني حوالي 10 دقائق على الجهاز وبعدين رجعت وبقى كله تمام الحمد لله وجاء وقت الحساب، لقيت المهندس رفاعي عملي إذن الخروج وقاللي ولا أي حاجة، قولتله انت كنت قايلي 75 جنيها كشف، قاللي لأ ما فيش أي فلوس وكل اللي اتغير في الضمان.. والحمد لله إن البطارية الجديدة طلعتلي العيب ده بدل ما كان يحصل وأنا خارج الضمان وأدبس في ثمن الضفيرة وبصراحة الناس في أوتو إيجبت غاية في الذوق والاحترام... تحياتي

[Ahmed.TV]

الف مليون مبروك يا محمد .. والحمد لله ان ربنا بيحبك .. ان فعلا لسه فى الضمان ..

اما موضوع الضفيرة بس عشان الناس متقلقش .. موضوع الضفاير كان فى بعض العربيات الموديلات القديمة ولغاية اول 2011 .. وبعد كدا مسنعمناش ان فى مشاكل فى الضفاير .. لان اللى بتتركب فى التوكيل هى هى القديمة .. بس اظاهر ان الضفائر الجديدة عالجوا فيها بعض العيوب ..

والف مليون مبروك يا حبى
وتحية وتقدير لاوتو ايجيبت على التعامل الراقى مع العملاء
وتحية وتقدير للمهندس محمد رفاعى .. والمهندس احمد الرزاز مدير الصيانات .. على خدمة عملاء نايل موتورز

[Sehsss]

الف مليون مبروك يا محمد .. والحمد لله ان ربنا بيحبك .. ان فعلا لسه فى الضمان ..

اما موضوع الضفيرة بس عشان الناس متقلقش .. موضوع الضفاير كان فى بعض العربيات الموديلات القديمة ولغاية اول 2011 .. وبعد كدا مسنعمناش ان فى مشاكل فى الضفاير .. لان اللى بتتركب فى التوكيل هى هى القديمة .. بس اظاهر ان الضفائر الجديدة عالجوا فيها بعض العيوب ..

والف مليون مبروك يا حبى
وتحية وتقدير لاوتو ايجيبت على التعامل الراقى مع العملاء
وتحية وتقدير للمهندس محمد رفاعى .. والمهندس احمد الرزاز مدير الصيانات .. على خدمة عملاء نايل موتورز

ربنا يبارك فيك يا أبوحميد، وفعلا واضح إن الضفاير الجديدة اتظبطط بدليل عدم شكوى موديلات اخر 2011 و2012 منها، وفعلا أنا لاحظت إنه عند تغييرها في التوكيل (إذا كان فيها مشكلة) ما بترجعش تاني يعني الضفاير اللي بتتغير ما فيهاش مشاكل زي اللي كانت راكبة.. وفعلا كل مهندسين أوتو إيجبت غاية في الذوق والاحترام وعلى رأسهم المهندس أحمد الرزاز.. تحياتي

[S O P H O S]

الحمد الله انها اتحلت
والف مبروك يا باشا...

[tarekiooo]

توكيل محترم فعلا

[Sehsss]

الحمد الله انها اتحلت
والف مبروك يا باشا...

ربنا يبارك فيك.. ألف شكر

[Sehsss]

توكيل محترم فعلا

جدا

[_hema]

السلام عليكم ورحمة الله
تحياتي لكل الصقور

بعد حوالي ساعة تقريبا لقيت المهندس رفاعي جايلي وبيقولي إننا هانغير ضفيرة الكهرباء (اللعينة) قلتله ليه، قاللي علشان العربية ما تعملش معاك الحركة دي تاني وطبعا الوقت زاد لحد الساعة 30ر3 عصرا.
الساعة 35ر3 جت العربية مغسولة وكله تمام، ندورها زي ما هي تبطل راح المهندس مدخلها تاني حوالي 10 دقائق على الجهاز وبعدين رجعت وبقى كله تمام الحمد لله
... تحياتي

وعليكم السلام ورحمة الله وبركاته

سحس حبيبى

الحمد لله ان حضرتك وصلت للعيب وتم حل المشكله

لى بعض الاسئله لو سمحت

ماعلاقه الضفيره بالبطاريه العربيه كانت شغاله زى الفل قبل مايتم تغيير البطاريه ؟

تم تغيير الضفيره وبقا كل تمام حسب كلام حضرتك

( الساعة 35ر3 جت العربية مغسولة وكله تمام، ندورها زي ما هي تبطل راح المهندس مدخلها تاني حوالي 10 دقائق على الجهاز)

دا معناه ايه يعنى العربيه برضوا بطلت بعد تغيير الضفيره
العربيه دخلت تانى وبعد 10 دقائق طلعت واشتغلت ايه السبب فى دا كله وبطلت ليه بعد تغيير الضفيره

فى حاجه مش فاهمه ارجو التوضيح والاجابه على الاستفسارات

ولك كل تحيه واحترام

[Inteltech]

الف مبروك ياباشا انا كنت مستغرب جدا للي حصل بعد تغيير البطارية بامبير اعلى مع حضرتك وربنا اتبسطت انك خلصت المشكلة وكويس ان توكيل نيسان محترم دي حاجة تفرح لما نلاقي توكيل بمصر محترم .

[Sehsss]

وعليكم السلام ورحمة الله وبركاته

سحس حبيبى

الحمد لله ان حضرتك وصلت للعيب وتم حل المشكله

لى بعض الاسئله لو سمحت

ماعلاقه الضفيره بالبطاريه العربيه كانت شغاله زى الفل قبل مايتم تغيير البطاريه ؟

تم تغيير الضفيره وبقا كل تمام حسب كلام حضرتك

( الساعة 35ر3 جت العربية مغسولة وكله تمام، ندورها زي ما هي تبطل راح المهندس مدخلها تاني حوالي 10 دقائق على الجهاز)

دا معناه ايه يعنى العربيه برضوا بطلت بعد تغيير الضفيره
العربيه دخلت تانى وبعد 10 دقائق طلعت واشتغلت ايه السبب فى دا كله وبطلت ليه بعد تغيير الضفيره

فى حاجه مش فاهمه ارجو التوضيح والاجابه على الاستفسارات

ولك كل تحيه واحترام

بص يا حبي، 1 - لما تشيل كابل البطارية إيه اللي بيحصل، (ريستارت) وبتلاقي حتى الموجات اللي في الراديو اتلخبطط، زي إعادة ضبط المصنع في الموبايل، ودا اللي حصل وزاد عليه إن أنا حطيت بطارية 55 أمبير من 44 زي اللي كانت راكبة فده عمل المشكلة ولازم تتحط علشان البطارية الجديدة تتولف على الكبيوتر.
2 - لو ركزت شوية في الموضوع هاتلاقيني قايل إن المهندس رفاعي قاللي هانغيرلك الضفيرة علشان في (المستقبل) ما تعملش كده، بس واضح إن الفني غير الضفيرة ونسي يحط العربية على الجهاز (الكمبيوتر).. يا رب أكون وضحتلك الصورة

[_hema]

بص يا حبي، 1 - لما تشيل كابل البطارية إيه اللي بيحصل، (ريستارت) وبتلاقي حتى الموجات اللي في الراديو اتلخبطط، زي إعادة ضبط المصنع في الموبايل، ودا اللي حصل وزاد عليه إن أنا حطيت بطارية 55 أمبير من 44 زي اللي كانت راكبة فده عمل المشكلة ولازم تتحط علشان البطارية الجديدة تتولف على الكبيوتر.
2 - لو ركزت شوية في الموضوع هاتلاقيني قايل إن المهندس رفاعي قاللي هانغيرلك الضفيرة علشان في (المستقبل) ما تعملش كده، بس واضح إن الفني غير الضفيرة ونسي يحط العربية على الجهاز (الكمبيوتر).. يا رب أكون وضحتلك الصورة

سحس حبيب قلبى

اشكرك على التوضيح
وافهم من كدا ان العربيه لو اتحط ليها بطاريه 55 لازم يتم التوليف مع العربيه يعنى مش مجرده تغيير بطاريه وخلاص

وان شاء الله تعالى انتظر منى كمان يومين تقرير عن موضوع البطاريه اللى حصل معايا

تحياتى لحضرتكم ولإهتمامك بالرد والتوضيح


شكراً

[Sehsss]

سحس حبيب قلبى

اشكرك على التوضيح
وافهم من كدا ان العربيه لو اتحط ليها بطاريه 55 لازم يتم التوليف مع العربيه يعنى مش مجرده تغيير بطاريه وخلاص

وان شاء الله تعالى انتظر منى كمان يومين تقرير عن موضوع البطاريه اللى حصل معايا

تحياتى لحضرتكم ولإهتمامك بالرد والتوضيح


شكراً

مش دايما هي حظوظ لأن فيه كذا واحد من زمايلي في الشغل ما حصلهمش كده وغيروا برضه 55 أمبير، وبيشوي غير لـ70 أمبير والحمد لله ما أظنش حصل معاه كده.. وإيه الحكاية انت كمان بطارية ههههههههه، دا أنا أول ما دخلت التوكيل لقيت أحمد محسن اللي معاه الليفينا قاعد مستني دوره علشان برضه عربيته فيها مشكلة في البطارية، واضح إن الصيف بيعمل عمايله في البطاريات هههههه.. تحياتي ليك يا حبي

[Dr'AhmZZong]

مبروووووووووووك يا sehsss ..

[Land_Cruiser]

الف مبروك يا Sehsss باشا و الحمد لله ان المشكله اتحلت. انا كنت عايز اطلب من حضرتك تراقب استهلاك البنزين بعد تغيير الضفيره و يا ترى هيقل و لا ايه علشان الموضوع ده تاعبنى شويه و حاسس ان الضفيره هى السبب بس مش متأكد

[Sehsss]

مبروووووووووووك يا sehsss ..

ربنا يبارك فيك يا zong عقبالك هههههههههههه (طبعا مش من قلبي)