هو الـ rpm في بداية التشغيل كام؟

[maged george]

مساء الفل على أحلى صقور .
أنا كان عندي الـ rpm في بداية تدوير العربية الصبح وهي باردة كان 900 وبعدين في آخر صيانة في أتو إيجيبت ظبطوا العربية بالكمبيوتر ولاحظت بعدها ان الrpm الصبح بقى بيوصل ل1100 أو 1200 لكن بعد التسخين بيرجع عادي 700 فممكن حد يشوفلي عنده الrpm الصبح كام؟ وهل ده طبيعي ولا محتاجة ظبط تاني ومعلش هتعبكم معايا والف شكر.

[Dr'AhmZZong]

لا كده اظبطت تمام ..

[AhMeD MeTwAlY]

في البدايه العربيه بتكون عاليه ولما بتسخن وبتتظبط 6-7

[Omar_4ever]

على حسب درجة حرارة الجو وحرارة الموتور
في الشتاء لما كنت بنزل الصبح كان ساعات بيوصل 2
المهم ان بعد ما العربية تسخن ينزل تحت ال 1

[koshary]

ده كدا صح لان اول مابتدور العربيه بتكون باردة علشان كدا ال ار بى ام بيبقا عالى علشان يسخن العربيه وبعد ما العربيه بتسخن هيا بتنزل لوحدها للمعدل الطبيعى

[Land_Cruiser]

لا كده اظبطت تمام ..

[SAMEH_FOUAD]

فى اول الدوارة صباحا سواء شتاء او صيفا بيبقى عدد لفات لايقل عن 1400 لفة ولا يزيد عن 1700 لان فى الحالة الاولى العربية هتاخد وقت على ماتسخن وحلها انك تقوم بتنظيف البوابة , والحالة الثانية بيقصر عمر المحرك لان المحرك بيرفع عدد لفاتة ولسة الزيت ماغطاش كل اجزاء المحرك

وعموما المسؤل عن تسخين السيارة صباحا هو ال choke وفى معظم السيارات يكون بلف الايدل

وبعد ان تصل السيارة الى درجة الحرارة المناسبة ينزل عدد اللفات الى 850 او 700 حسب ظروف تشغيل كل سيارة , لانها مابتبقاش standard لكل العربيات اللى بيبقى متطبق فى كل العربيات انة لازيد عن 1400 لفة عند التسخين صباحا

[mohammedabdallh]

لا كده اظبطت تمام ..

+111111111

[mohsunny2009]

عداد rpm عند بدايه التشغيل 1200-1300 و بعد تسخين السياره 750- 800 وده standard بتاع السياره كما فى الكتالوج
عربيتك ماشاء الله ذى الفل

[Kareem Fawzy]

هو كدة ظبطهالك
الاول مكنتش مظبوطة
كدة ميه ميه

[Sehsss]

بيختلف من الصيف عن الشتاء، في الشتاء بيكون أعلى من الصيف، بس هو كده مضبوط عندك

[tarekiooo]

الكلام ده يثبت ان توكيل نيسان شغال صح بس انت اللى طلبت منهم يظبطوه ؟؟؟

[maged george]

شكراً يا جماعة على ردودكم السريعة والمطمئنة وعلى تعبكم معايا وهما في اتوايجيبت ظبطوها وانا بعمل صيانة الـ80 الف مع العلم ان العربية كانت عاملة ساعتها 107 الف بس انا كنت عامل اخر صيانة في التوكيل 40 الف عشان كده طلبت منهم يظبطوها على الجهاز من ضمن الصيانة بس عشان محدش يتخض انا كنت بغير البوجيهات وفلتر الهواء في مواعيدها بنفسي والزيت بغيره موبيل 1 في البنزينة والف شكر يا جماعة.

[tamerzeid]

معلومة جيدة .... شكراً