استفسار مهم بخصوص تكييف صنى 2012

[Dr/ P.K.Sh]

كنت عايز اعرف هوا تكييف الصنى بيفصل ولا لا؟
عشان عندى التكييف شغال على طول مش بيفصل زى ما انا عارف ان العربيات اليابانى المفروض التكييف يشتغل نص دقيقة و يفصل نص دقيقة
مع العلم التبريد كويس
العربية صنى 2012 عاملة 2000 كم لونها اسود
عملت صيانة 1000 كم وكان كلة تمام

[Dr'AhmZZong]

يمكن إنت مش حاسس بس ..

[Bishoy.Girgis]

انا عمري ما حسيت في عربيتي بموضوع فصل و تشغيل التكييف ده خالص و ده اعتبره انه قمة التكنولوجيا

[exact]

حضرتك ممكن تكون موقف العربية فالشمس ومشغل الرموحة على اعلى سرعة
حضرتك تنزل ساعة عصاري وتكون العربية فالضل وتفتح الكبوت وتشغل المكيف على اول او تاني سرعة عالبارد طبعا وتقف قدام الكبوت وراقب مروحة السربنتينة وانت تعرف هيفصل وللا لأ... عادة اول فصل ليه بيتأخر شوية

[HAITHAM1985]

أنا أول مرة أعرف موضوع الفصل ده ........ هى دى تقنية يابانية فقط ولا موجودة العربيات الأوروبية أيضا ؟؟؟؟؟

[beshomilan]

لا انا عندى فى الاكسيل بيفصل لما البروده توصل لاقصى درجة ليها فى الكابينه
يفصل حوالى دقيقة ويرجع يشتغل تانى لحد مايسقع وهكذا
اه صحيح عربيتى موديل 96

[exact]

اي مكيف او جهاز تبريد من المنطقى انه لازم يفصل عند وصوله للبرودة المطلوبة والا هيشتغل لما لا نهاية مما يسبب اهدار للطاقة

[Sehsss]

ممكن تكون بتشغل المروحة على 3 مثلا وصوتها هايبقى عالي فمش هاتحس إنه بيفصل، لو ركزت معاه شوية هاتلاحظ إنه بيفصل

[Dr/ P.K.Sh]

انا ركزت و خلاص سمعت انة بيفصل و دة كان بليل فى الهدوء
شكرا ليكم جميعا

[zangry]

انا ركزت و خلاص سمعت انة بيفصل و دة كان بليل فى الهدوء
شكرا ليكم جميعا

الحمدلله ياباشا