الجير cvt ولا أوتو عادى والكتينة جنزير ولا سير

[takakan2005]

مفيش رد لعاية دلوقتى من الشركة

ياترى ممكن حد من الشركة يرد علينا ؟؟

[takakan2005]

CVT or regular Automatic

some reports indicates that the gear is CVT while another reports states that it is the normal automatic gear

[atefadel]

ممكناعرف الصني 1600 كام حصان

[Land_Cruiser]

ممكناعرف الصني 1600 كام حصان

118 gross

[Bishoy.Girgis]

العربية هتنزل في 10/06/2012 و بعدها اكيد هيكون في تقرير وافي عن العربية بعد نزولها رسميا ً .. اذا كان حضرتك عايز اي معلومات عن العربية فممكن تتصل باوتوايجيبت و تستفسر عن كل اسئلتك

[د.اشرف هنداوى]

غريب جدا ان الربية تكون موجودة في نيسان في القاهرة و الاسكندرية و .....

- ما فيش معلومات عن الأسعار حتي في التوكيل

- حتي المواصفات الفنية من ايرباجز و abs و خلافه كل واحد بيفتي علي مزاجه
مثلا توكيل اسكندرية يقولك ان الأوتو نازلة طرلز واحد بس ما فيش سوبر صالون و ان فيها abs
و توكيل القاهرة يقول العكس بامتياز

- اتفهم ان المشرف علي المنتدي مستني 10-6 علشان يقولنا علي تجربة القياده للعر بية

لكن حتي عدم الافصاح عن مواصفات السيارة المبالغ فيه سواء منه او من توكيل نيسان بالنسبة لعربية موجوده في التوكيل و المفروض الناس تحجزها !!!!!!

اسمحولي خلي الموضوع مااااااااسخ مش مثير و لا حاجه

[BassamHafez]

يا جماعه انا شايف ان كل واحد مش عاجبه رد حد من الاخوة بيروح متريق وهو مش عاجبه

يا ريت يا جماعه نخلي عندنا شويه طوله بال ولو حد قال معلومه غلط احنا بنصلحها والحمد لله مش بنفتي ولو مش عارفين بنقول مش عارفين

واللي مش واثق في الردود يا ريت يطول باله لحد ما التوكيل ينزل العربيه بشكل نهائي ويتفضل يروح يتفرج عليها بنفسه ويسال عن امكانياتها

واذا كان المنسق مش عايز يقول عنها حاجه دلوقتي فا ده عشان هو برضو مستني المواصفات النهائيه من التوكيل عشان يكتبها مظبوطه ودي خدمه منه مش واجب عليه

وبعدين الموضوع مش غامض ولا حاجه لان العربيه اصلا خلاص نزلت وعليها حجز وموجوده في معارض نيسان وهي دي اللي ها تتسلم يعني ممكن انا اروح اشوفها بعيني واعرف كمالياتها ايه

اما بالنسبه لنوع الفتيس ايه احنا ردينا وقولنا انه اوتوماتيك عادي ودي معلومه مؤكده واللي مش مصدق زي ما قولت يروح يشوف بنفسه

ارجو تقبل مروري

بس انا كتبت الكلام ده عشان ملاحظ اليومين دول ان اللي مش عاجبه حاجه بيخش يشوط في الكلام وخلاص وبصراحه لا ده اسلوبنا و لا طريقطتنا في النقاش على الاقل في قسم نيسان

[د. علاء ابراهيم]

الحاجة الوحيده الى ممكن أرد عليك فيها ان ناقل الحركة cvt لأن الى برة مصر نازل كده والى أعرفة ان الموتور مفيش فرق بينة وبين الى برة خالص الفرق بس فى الكماليات وفعلاانت عندك حق المعلومات دى فعلا مطلوبة وياريت أول ما حد يعرفها ينشرها للجميع

و الله اللى اعرفه ان فيه فارق الموتور بره 1600 و الفتيس cvt
اللى هنا فتيس عادى ( بس اللى سمعته انه متطور جدا عن الفتيس بتاع الصنى القديمة) و الموتور 1500 (لانه اقتصادى اكتر)

[semsem8100]

على فكره الموتور 1500 سى سى 108 حصان وده كلام أوتو ايجيبت المهندسين من يومين

[takakan2005]

عايز إجابة مفيدة

يا جماعة الخير

عايزين إجابة مباشرة - يعنى الكاتينة جنزير ولا سير ؟؟
والجير سى فى تى ولا أوتو عادى ؟؟

[BassamHafez]

يا جماعة الخير

عايزين إجابة مباشرة - يعنى الكاتينة جنزير ولا سير ؟؟
والجير سى فى تى ولا أوتو عادى ؟؟

جنزير واتوماتيك عادي

[takakan2005]

متشكر على الرد المباشر
بس متأكد يا بسام

[takakan2005]

متشكر على الرد المباشر
بس متأكد يا بسام

[takakan2005]

يا خسارة الجير طلع مش سى فى تى

كان عندى حق لما شكيت فى موضوع الجير السى فى تى حسب ما إتنشر فى الأول

ده لو الجير يبقى سى فى تى تبقى العربية دى جبارة وتقش كل العربيات التانية اللى فى نفس الفئة مقارنة بسعرها

وكون إن الكاتينة جنزير فأعتقد دى سياسة نيسان من زمان علشان تدى عزم وأمان وإن كان ده حيكون على حساب الصوت شوية - مش مشكلة - بس هى مازالت من أفضل العربيات اللى نزلت السوق حديثآ

أشكر كل من إهتم ورد

[BassamHafez]

متشكر على الرد المباشر
بس متأكد يا بسام

قول يا رب

ان شاء الله متاكد