إعـــــــلان

Collapse

.

,
See more
See less

تيدا 1800 و نيسان صنى الجديدة ( تجربة )

Collapse
X
 
  • Filter
  • الوقت
  • Show
Clear All
new posts

  • تيدا 1800 و نيسان صنى الجديدة ( تجربة )

    السلام عليكم يا صقور نيسان.

    من كام يوم كنت عاوز عربية أيجار لمدة أسبوعين.............على شرط أنها تكون بشنطة.
    المهم حصل مشكلة عندهم و أدولى تيدا 1800 لمدة 3 أيام لحد الصنى ما ترجع.

    أستلمت التيدا ماشية 1650 كيلو و رجعتها النهاردة ماشية 2250 كيلو تقريباً.........يعنى مشيت بيها 600 كيلو.

    التيدا كان فيها أيرباج للسواق بس.

    النهاردة أستلمت الصنى ماشية 1250 كيلو و لحد دلوقتى مشيت بيها حوالى 120 كيلو ( علشان شغلى فيه سفر كتير شوية )

    الصنى 2 أيرباج للسواق و الراكب الأمامى

    العربيتين مفيهمش abs............جربت العربيتين على رمل فوق الأسفلت و فرامل جامدة و مفيش abs اشتغل

    أنطباعاتى الأولية عن الصنى
    1- أثبت سنة بسيطة من التيدا
    2- تسارع كويس رغم أنها مش 1800
    3- الشنطة بتفتح بزرار فى الريموت ( بيفتح الشنطة لفوق..........مش مجرد لوك الشنطة )
    4- تكييف التيدا أحسن بشوية كويسين مش عارف ليه.
    5- التيدا من جوة و برة أحلى كتير من الصنى ( و دى أزواق )
    6- حاسس أن العزل فى الصنى أحسن من التيدا.......يعنى التيدا كنت بسمع صوت الموتور من جوة المقصورة و فى الصنى تقريباً مفيش صوت.
    7- الفرامل فى الأتنين كويسة بس حاسس الصنى على الفرامل على السرعات العالية ماسكة نفسها أكتر من التيدا شوية صغيرة..........الأتنين مع الفرامل على 100 أو 120 بيلعبو شوية.......و ده غالباً بسبب عدم وجود أنظمة فرامل مساعدة.

    دى أنطباعات أولية لحد ما أفضى و أعمل موضوع عن كل واحدة فيهم إن شاء الله
    [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
    [/CENTER]

  • #2
    تقرير ممتاز بس دة فى الامارات صح ؟

    Comment


    • #3
      هو فى كام حاجه غريبه حبتين زى حكايه ان عزل الصنى احسن من التيدا لان العكس هو الصحيح و كمان حكايه ان الثبات متقارب لان الصنى اثبت بفرق كبير على السرعات و كمان حكايه التكييف لان بتاع الصنى اقوى (احسن حاجه فى الصنى التكييف و الثبات) و من حكايه التيدا ال ١٨٠٠ دى شكل حضرتك بتتكلم عن العربيتين فى الخليج او بمواصفات خليجى مش اللى عندنا هنا

      Comment


      • #4
        تجربة رائعة ..

        Comment


        • #5
          عزل الصنى افضل من عزل التيدا ازاى ؟؟
          دى صنى غير اللى عندنا ولا ايه
          انا بحس ان راكب جرار مش ملاكى خالص وانا راكب الصنى

          Comment


          • #6
            المشاركة الأصلية كتبت بواسطة Ahmed A.Maksoud مشاهدة المشاركة
            العربيتين مفيهمش abs............جربت العربيتين على رمل فوق الأسفلت و فرامل جامدة و مفيش abs اشتغل

            ما حضرتك لسة بتقول مفيهومش abs يبقي أكيد مفيش abs هيشتغل ؟؟؟؟

            6- حاسس أن العزل فى الصنى أحسن من التيدا.......يعنى التيدا كنت بسمع صوت الموتور من جوة المقصورة و فى الصنى تقريباً مفيش صوت.

            الصني مكنش فيه صوت .....؟ حضرتك متأكد
            [sor2]http://i40.tinypic.com/jl2rcy.jpg[/sor2]

            Comment


            • #7
              ياجماعة الراجل بيقول صنى الجديدة
              [rmade]http://www3.0zz0.com/2011/08/06/16/245952301.jpg[/rmade] [frame="1 80"]((اللهم لك الحمد ولك الشكر كما ينبغى لجلال وجهك وعظيم سلطانك ))[/frame]

              Comment


              • #8
                المشاركة الأصلية كتبت بواسطة matrix_it مشاهدة المشاركة
                تقرير ممتاز بس دة فى الامارات صح ؟
                صح يا باشا


                المشاركة الأصلية كتبت بواسطة Land_Cruiser مشاهدة المشاركة
                هو فى كام حاجه غريبه حبتين زى حكايه ان عزل الصنى احسن من التيدا لان العكس هو الصحيح و كمان حكايه ان الثبات متقارب لان الصنى اثبت بفرق كبير على السرعات و كمان حكايه التكييف لان بتاع الصنى اقوى (احسن حاجه فى الصنى التكييف و الثبات) و من حكايه التيدا ال ١٨٠٠ دى شكل حضرتك بتتكلم عن العربيتين فى الخليج او بمواصفات خليجى مش اللى عندنا هنا
                حضرتك أنا بتكلم عن الصنى الجديدة موديل 2012
                و التيدا كمان موديل 2012 بس 1800 سى سى

                التكييف فى التيدا فى خلال 3 دقايق بيكون ظبط العربية و هى مركونة الى الشمس....
                الصنى الجديدة بياخد وقت أكتر شوية
                و فى التيدا كمان بعد نص ساعة ولا حاجة كنت بشغله على السرعة التانية بالكتير فى عز الضهر
                الصنى ممكن أشغله على 3 لمدة ساعة و لا حاجة على ما أحس أنى سقعت.

                الصنى أثبت شوية من التيدا و ده أنا لاحظته لأن معظم سواقتى على طريق سريع.........السرعة المسوحة 140 كم و بمشى دايماً ما بين 120 إلى 140

                التيدا لو عديت جنب عربية كبيرة شوية بحس العربية بتتزق
                الصنى نفس الأحساس بس أقل
                الهواء من جنب الطريق كمان تأثيره فى الصنى أقل من التيدا.

                العربيتين خليجى........... أنا فى الإمارات.........ده غير أن مفيش تيدا 1800 فى مصر :)

                المشاركة الأصلية كتبت بواسطة mohaismail مشاهدة المشاركة
                عزل الصنى افضل من عزل التيدا ازاى ؟؟
                دى صنى غير اللى عندنا ولا ايه
                انا بحس ان راكب جرار مش ملاكى خالص وانا راكب الصنى
                يا شباب العربيتين مواصفات خليجى

                التيدا كنت بسمع صوت الموتور من جوة المقصورة و خصوصاً لو حارق شوية
                الصنى الصوت أقل.

                المشاركة الأصلية كتبت بواسطة adel1414 مشاهدة المشاركة
                ياجماعة الراجل بيقول صنى الجديدة
                بالظبط كده
                [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                [/CENTER]

                Comment


                • #9
                  اه كده تمام :). طيب كويس قوى ان حضرتك جربتها لان كان فى ناس كتير بتسأل عليها يا ترى ايه رأى حضرتك فيها كموتور و سحب و استهلاك بنزين و الشكل ده طبعا اذواق بس لو قلنا تقييم سريع ليها و يا سلام لو كنت ركبت القديمه و تقدر تقارن ما بينهم و الكلام ده هيبقى مفيد قوى للى ناوى عليها خاصه و ان موتورها بقى ١٥٠٠ سى سى فقط و بالمره هو السير بتاعها جنزير و لا ايه و الفتيس ٤ نقلات و لا اكتر. معلش سألت اسئله كتيره بس باحاول اجمع اسئله الناس و فرصه ان حضرتك راكب العربيه فالتقييم هيبقى فعلى مش متوقع و لا كلام تسويقى و شكرًا لسعه صدرك يا فندم

                  Comment


                  • #10
                    الف شكر يا باشا علي التقرير
                    [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

                    [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

                    Comment


                    • #11
                      المشاركة الأصلية كتبت بواسطة land_cruiser مشاهدة المشاركة
                      اه كده تمام :). طيب كويس قوى ان حضرتك جربتها لان كان فى ناس كتير بتسأل عليها يا ترى ايه رأى حضرتك فيها كموتور و سحب و استهلاك بنزين و الشكل ده طبعا اذواق بس لو قلنا تقييم سريع ليها و يا سلام لو كنت ركبت القديمه و تقدر تقارن ما بينهم و الكلام ده هيبقى مفيد قوى للى ناوى عليها خاصه و ان موتورها بقى ١٥٠٠ سى سى فقط و بالمره هو السير بتاعها جنزير و لا ايه و الفتيس ٤ نقلات و لا اكتر. معلش سألت اسئله كتيره بس باحاول اجمع اسئله الناس و فرصه ان حضرتك راكب العربيه فالتقييم هيبقى فعلى مش متوقع و لا كلام تسويقى و شكرًا لسعه صدرك يا فندم
                      سحب الموتور أنا قلت أنه كويس...........يعنى مش حاسس بفرق شاسع بين التيدا ال 1800 و الصنى الجديدة

                      أستهلاك البنزين أدينى شوية وقت و أقولك..........بس أتوقع يكون كويس لأن التيدا ال 1800 أصلاً أستهلاكها كويس

                      يعنى مشيت بيها بفل تانك حوالى 450 كم مع التكييف و حرق على الغيارات أحياناً كتيرة.

                      السير معرفش بصراحة هو جنزير ولا كاوتش

                      قبل ما أكتب الموضوع حاولت أفتح الكبوت علشان أشوف الموتور و أتأكد أنه 1500 بس معرفتش أفتحه لأنى مكنتش عارف منين بالظبط و كنت مستعجل كمان...........فقولت أفتحه وقت تانى.

                      أول ما أفتحه هبص على الكاتينة و أقولك.

                      الفتيس غالباً 5 نقلات بس خلينى أتأكد و أقولك.

                      و للأسف أنا مركبتش القديمة علشان أقارن بينهم.

                      المشاركة الأصلية كتبت بواسطة peaceman مشاهدة المشاركة
                      الف شكر يا باشا علي التقرير
                      العفو يا باشا


                      الأستاذ mok3336
                      مش عارف أعمل أقتباس من مشاركتك

                      أنا كنت بوضح ليه أنا قولت أنهم مفيهمش abs ......يعنى اللى خلانى أعرف هو التجربة الفعلية.

                      و فعلاً الصوت فى الصنى أقل من التيدا.........مش بقول أن مفيش صوت خالص بص هو أقل من التيدا

                      مع العلم أن التيدا كانت 1800 مش 1600
                      [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                      [/CENTER]

                      Comment


                      • #12
                        المشاركة الأصلية كتبت بواسطة land_cruiser مشاهدة المشاركة
                        هو فى كام حاجه غريبه حبتين زى حكايه ان عزل الصنى احسن من التيدا لان العكس هو الصحيح و كمان حكايه ان الثبات متقارب لان الصنى اثبت بفرق كبير على السرعات و كمان حكايه التكييف لان بتاع الصنى اقوى (احسن حاجه فى الصنى التكييف و الثبات) و من حكايه التيدا ال ١٨٠٠ دى شكل حضرتك بتتكلم عن العربيتين فى الخليج او بمواصفات خليجى مش اللى عندنا هنا
                        بصراحة أول مره أسمع حد يقول كده
                        أنا ماجربتش تكييف الصني كتير
                        بس بالنسبة للتيدا أنا عمري ما بحتاج أكتر من أول درجة حتى لو في عز الضهر .. وساعات ببقى سقعان كمان
                        [CENTER][SIZE=1][img2]http://img833.imageshack.us/img833/2356/76956994.jpg[/img2][/SIZE]
                        [SIZE=5][COLOR=Blue]
                        [/COLOR][/SIZE][SIZE=1][img2]http://img607.imageshack.us/img607/6920/22196331.jpg[/img2][/SIZE]
                        [SIZE=1]
                        [/SIZE]
                        [SIZE=5][COLOR=Blue]من قال [COLOR=DarkRed]"سبحان الله العظيم وبحمده"[/COLOR] غرست له نخلة في الجنة[/COLOR][/SIZE][SIZE=1]
                        [/SIZE] [/CENTER]

                        Comment


                        • #13
                          المشاركة الأصلية كتبت بواسطة ehabvet مشاهدة المشاركة
                          بصراحة أول مره أسمع حد يقول كده
                          أنا ماجربتش تكييف الصني كتير
                          بس بالنسبة للتيدا أنا عمري ما بحتاج أكتر من أول درجة حتى لو في عز الضهر .. وساعات ببقى سقعان كمان
                          لما مؤشر الحرارة الخارجية و انت بتركب العربية يكتب 60 و لما تمشي شوية يقل لحد 51 هتحتاج اكتر من اول سرعة :-)

                          بالمناسبة الأتنين مفيهومش مقياس درجة حرارة خارجية........بس الكلام ده من عربية تانية في نفس التوقيت تقريباً
                          [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                          [/CENTER]

                          Comment


                          • #14
                            هي نيسان صني الجديدة ؟؟؟؟
                            طيب لو كده ايه أخبار الثبات و التسارع
                            [sor2]http://i40.tinypic.com/jl2rcy.jpg[/sor2]

                            Comment


                            • #15
                              تعليق رفيع على هامش الموضوع.. أنا عرفت على طول إن الكلام ده مش في مصر لأن مفيش في مصر مكتب تأجير ها يصدق في وعده ويبدل العربية لما الموديل اللي العميل عاوزه يكون جاهز.. لو في مصر كانوا قالوا عندنا واحدة 128 لكن تحفة وعملية وموفرة وتعدي في أي مكان ويقنعوه بيها ومجرد ما ياخدها مش هايعرف يبدلها لا بعد 3 أيام ولا بعد 3 سنين!

                              Comment

                              Working...
                              X