صوت فى الفتيس الاوتوماتيك للصنى

[eshta]

احب فى الأول اشكر كل الأعضاء هنا فى المنتدى بجد لأنهم مش بيتأخروا على حد فى اى حاجه
انا لما بركن العربيه واجيب الفتيس على P بسمع صوت تكه من تحت العربيه الصوت دا طبيعى ؟
وفى مره وانا لسه طالع بالعربيه نقلت من n ل d من غير نادوس على الفرامل - ياريت تفيدونى بخبراتكم فى النقطتين دول وشكرا

[ahmedeihab]

[color="deepskyblue"]الكلام ده عادى و فى اى فيتيس اتوماتيك
بس حاول لما تدى العريبه ال d من وضع ثبات يبقى دايس فرامل
^_^[/color]

[خالد عادل]

اما تيجي تركن العربية ارفع الهاند بريك الاول وبعدين هات العربية علي p لان لو انت عملت العكس بتحمل تقل العربية علي الفتيس عشان كدة بتسمع صوت التكة العالية دي

[eshta]

شكرا يا شباب وانا فعلا برفع الهاند الأول بعد كدا بدى ال p بس برده بسمع الصوت دا و هوا صوت خفيف

[Kefo_Honda]

حضرتك المفروض كل أما تيجي تقف بالعربية تجيبها على n و بعدين ترفع ال handbraek و بعدين تجيب عل p هتلقي الصوت بدأ يروح بالتدريج ... كان فيه فيديو هنا في القسم للأستاذ احمد مصطفى بيشرح فيه ازاي تحل الموضوع ده حاول حضرتك تدور عليه هيفيدك جدا..

[حماده المصري]

عااااااااااااااااااااادي

ولو جبت من r to d مره وحده هتلاقي تكه كده واضحه انما لو جبت وانت مش دايس فرامل عادي وفي كل الصني

[Abdm]

صوت التكة كدة مش طبيعى ... لكن جرب الآول أنك ولازم حضرتك تشد فرامل اليد الآول قبل ما تنقل على الp والعكس عند التحرك بالسيارة وشوف النتيجة أية لو التكة لسة موجودة يبقى عليك وعلى التوكيل ...

النقطة التانية أنك تنقل من n الى d من غير ما دوس فرامل ودة عادى وطبيعى وكذلك العكس ومن غير مشاكل خالص بأذن الله وأنت مش هتحتاج تدوس فرامل الا عند الدخول الى ال p وأيضا عند الخروج منها فقط .... وبالنسبة لل R يكون بالضغط على الزرار النيكل اللى فى الفتيس بدون فرامل للدخول والخرج منة ...

والله الموفق والمستعان

[eshta]

متشكر جدا لاهتمامكم بس حبيت اوضح ان الصوت عباره كدا زى مايكون حديدتين بيخبطو فى بعض -والعربية عامله 200 كيلو

[mamingira]

صوت التكة وانت رايح على p مفيش مشكلة عادى
حكية النقل من غير فرامل من n الى d اعتد ومش متاكد ان الفرامل مطلوبة فقط عند التحرك من p واى علشان الlock

[highspeed]

انا اعتقد انه ممكن يكون الكوبلن تعبان شوية او قاعدة موتور عايزة تتغير فلما تنقل العربية من وضع ثبات للحركة وانت دايس فرامل بتحصل نتشة في الموتور لانه مش متثبت كويس او في الكوبلن لأنه فيه بوش.... انا عربيتي الميجان كانت كده وطلع كوبلن وقاعدة فتيس والله اعلم..............

[Land_Cruiser]

انا اعتقد انه ممكن يكون الكوبلن تعبان شوية او قاعدة موتور عايزة تتغير فلما تنقل العربية من وضع ثبات للحركة وانت دايس فرامل بتحصل نتشة في الموتور لانه مش متثبت كويس او في الكوبلن لأنه فيه بوش.... انا عربيتي الميجان كانت كده وطلع كوبلن وقاعدة فتيس والله اعلم..............

يا باشا خللى بالك الكلام ده وارد فى عربيه موديل قديم او ماشيه كتير لكن الراجل عربيته عامله ٢٠٠ كم بس

[tamerzeid]

لو الموضوع مستمر يبقى التوكيل

[tamerzeid]

معك حق

[highspeed]

يا باشا خللى بالك الكلام ده وارد فى عربيه موديل قديم او ماشيه كتير لكن الراجل عربيته عامله ٢٠٠ كم بس

انا افتكرتها 200000!!!!!!!!

[zangry]

روح التوكيل احسن حاجة