حصري : سماعات الصني بالتوكيل اصبحت "كلاريون"

[Bishoy.Girgis]

أعزائي اعضاء قسم نيسان نايل موتورز

كنت بتوكيل السبع بوقت قريب و قولت اشتري سماعة للباب الامامي يمين لأنها كانت بتزن جامد فاشتريتها لكن حدثت المفاجأة لما فتحت علبة السماعة بعد رجوعي من التوكيل و هي ان التوكيل اصبح لا يبيع السماعة الجولدي المصري و لكن اصبحت كلاريون ياباني و طبعا زهلت من المفاجأة و ثاني يوم قولت لازم اروح اركب السماعة الجديدة و فعلا لاقيت ان الملف الخاص بالسماعة الجديدة مختلف تمام في الحجم عن ملف السماعة القديمة و الخامة اعتقد انها بقت افضل من القديمة و بالفعل الصوت اصبح افضل بكثير بوضوح التريبلات لأن السماعة القديمة الجولدي كان التريبلات فيها مش واضحة و كمان الصوت بوجه عام افضل من السماعة القديمة و ده دليل واضح ان نيسان دائما ً بتحسن من ادائها


و اليكم الصور للسماعات الجديدة و القديمة ايضا ً




السماعة الجديدة "كلاريون"















السماعة القديمة "جولدي"

















أرجوا تكون الحصرية عجبتكوا
انتهي التقرير

@@@@@@@@@@@@@@@@

[mazher_m]

مبروك السماعه الجديده
وشكرا علي المعلومات

[zangry]

مبروووك على السماعة الجديدة

هات الطقم كله بقى عشان يبقى زي بعضوا :d

سماعات شكلها حقير جداا :d

[ahmad--ezzat]

مبروووك بس ياراجل حد يجيب سماعات من التوكيل
مجبتش من بره ليه

[Land_Cruiser]

الف مبروك يا باشا و معلومه جميله جداً بالنسبه لى شخصيا لان موضوع السماعات الجولدى ده كان مضايقنى جداً

[misoalex]

طب مجبتش بايونير من بره ليه ؟؟

وهما سعرهم كام فى التوكيل

[MohammedAladel]

ألف مبروووووووووووك

[fady_anis]

مبروك السماعه الجديده يا بيشو

وياترى الاسعار ايه

[tiger76]

مبروك على السماعات و أعتقد الأفضل انك تغير الطقم كله
انت بتقول ان الصوت بقى أفضل لما غير سماعة واحدة

و طبعا عايزين نعرف الأسعار

[Dr'AhmZZong]

كويس واللهِ ..

أما اروح اقلهم إن السماعات اللي قدام بيظة عشان يغيروهالي هههههههههههههه

[szaalouk]

الف مبروك السماعات الجديده

[Bishoy.Girgis]

الله يبارك فيكم يا جماعة .. متشكر جدا مروركم الكريم

بالنسبة للسماعة و اجابات لتساؤلاتكم :


س : ليه مجبتش السماعة من بره التوكيل ؟
ج : السماعة بالتصميم ده غير موجودة خارج التوكيل بتاتا بالذات انها بـ 3 مسامير فقط و لا ينفع التعديل لأي سماعة من خارج التوكيل


س : مجبتش ليه سماعة بايونير افضل ؟
ج : انا جبت بالفعل و ركبت سماعة سوني اكسبلود و جربتها فترة كبيرة لكن مكنتش مستمتع بالصوت لأن الصوت فيها كان ضعيف نظرا لصغر حجم السماعة عن اطار الباب المفرغ للسماعة و النقطة الثانيه كانت 4 مسامير و كانت السماعة بتعمل مشاكل مع فرش الباب


س : طيب ما تغير طقم السماعات كله ؟
ج : انا مركب سماعات بايونير بيضاوي في العربية من الخلف و تم تغيير السماعة الجديدة بالباب الايمن امامي فقط و السماعة اللي في الباب الشمال زي الفل و مفيش فيها اي مشاكل .


س: سعر السماعة بالتوكيل ؟
ج : السماعة سعرها 175 جنيه من غير ضريبة المبيعات و انا ركبت السماعة خارج التوكيل


س : السماعات شكلها حقير برأي Zangry ؟
ج : تصميم السماعة ده الوحيد اللي بيركب في الباب للنيسان صني حتي 2012 و الصوت عمره ما هيبقي ممتاز كده الا بتصميم السماعة ديه فقط

[nibrahim]

سؤال يا جماعة ؟؟؟ معنى كده أن السماعات اللى نازلة فى نيسان صنى 2012 بقت كلريون ؟؟؟؟؟؟؟؟؟

[mem]

مبروك السماعة الجديده يا باشا

[Manchestrawy]

ألف مبرووك يا بيشوي .. ودي حاجه تفرح فعلاً
انا عربيتي فيها كلاريون ياباني وهيا موديل 2005 وطبعا السبب انها خليجي