الرفرف اتخبط , وقدر الله وما شاء فعل

[sehry]

السلام عليكم ورحمة الله وبركاته
أمتلك سيارة نيسان صني موديل 2009 الشكل الجديد لونها أسود

للأسف العربية كنت راكنها أمام العمارة, نزلت أصلي المغرب وأنا راجع لقيت حد خبطها من عند الرفرف الأمامي الشمال, طبعا دمي فار وكنت متنرفز جدا لأن الشارع واسع جدا ومفيش فرصة إنها تتخبط بالمنظر ده, لكن قدر الله وما شاء فعل

وكنت محتاج مشورتكم هل أوديها للتوكيل, وما هي التكلفة؟
والا أوديها لسمكري يردهالي على البارد وخلاص, وبرده ما هي التكلفة المتوقعة؟
ومن خلال متابعتي لبعض الموضوعات لقيت بعض الأعضاء بيقولوا إنه فيه جهاز للسمكرة على البارد, ما هي تفاصيل هذا الجهاز, وممكن ألاقيه فين ؟

وبرده كنت عايز أسأل الرفرف الجديد بكام ومنين ( طبعا مش هشتري جديد بس مجرد سؤال )

وشكرا لكم جميعا

[night_whisper]

قدر الله و ما شاء فعل
أهم حاجة أنك بخير
أحمد قدورة اللى ماسك ورشة كريم شغلة كويس و أسعارة كويسة عمل 3 عربيات لصديق لى و كان شغلة جيد جدآ - دة لو حضرتك مش عايز تعمل العربية فى التوكيل
بالنسبة لجهاز الرد على البارد ماعنديش فكرة عنة
أنتظر أجابات الأعضاء عن هذا الجهاز

[AhMeD MeTwAlY]

حضرتك لو تقدر تصور العربيه ممكن نفيدك في موضوع الجهاز بتاع الرد علي البارد
انما غير كدا منقدرش
ثانيا موضوع التوكيل مش هيرد دا هيغير رفر ويرشه نفس لون العربيه واحتمال يرش الجنب كله حسب مكان كان بيحصل بره والتكلفه هتكون غاليه شوية
ثالثا بالنسبة للرد علي البارد النتيجه مش هتكون مرضيه لحضرتك لان هيسيب اثار وشكلها هيكون بايخ انا من رأي يا حضرتك تشتري رفر وترشه نفس لون العربيه وتلمع العربيه كلها ومش هتحس بفرق في الالوان غير طفيف يا اما ترده علي السخن وبردو هترش وهتلمع العربيه كلها
دا من وجهة نظري وانتظر باقي الاخوه الاعضاء هيقولو ايه

[mohammedabdallh]

قدر اله وما شاء فعل
بسيطه ان شاء الله

[Land_Cruiser]

قدر الله و ما شاء فعل.فعلا حضرتك ارفع الصوره و ان شاء الله الناس تقدر تفيدك فى القرار

[S O P H O S]

الحمد الله علي كل شئ
ان شاء الله ربنا هيعوضك خير ..

[minicooper20]

سيبها شويه

[Ahmed_selmy]

هو فعلا لو مش كبيره اوى وبالنسبه لك مش فارقه , سيبها شويه

[tarekmomo]

انا بردة كنت راكن العربية عند البيت ونازل الصبح وبرفع الغطاء لقيت واخد خابطلى الرفر الورانى وغطاء التنك

[Dr'AhmZZong]

ردها على البارد لو مش فارق معاك الشكل ..

[Sehsss]

قدر الله وما شاء فعل، أنا رأيي برضه تردها على البارد.. ودا طبعا حسب الخبطة لأن في خبطات ما تنفعش على البارد